2006年3月23日星期四

3-23(thurs) star star knowing each other@323

今日想講下一個好特別o既"朋友", 基本上我o地素未謀面, 但又好似識o左好耐…有時人與人之間o既緣份就係咁奇妙…本來互不相識, 但又因為機緣巧合而變成朋友...我諗真係要多得互聯網o既發明!

(以下o既資料連我自己唔睇番都差d唔記得…多得三年前o既一封email)

其實開始睇帶銀公主o既網頁, 應該係4,5年前o既事...當時互聯網仲未係咁"日記泛濫", 真係去寫日記o既人, 都係比較有heart同埋熱誠o既, 仲要係質素比較有保證...哈哈! (當然, 無人話一定要寫到高質素文章o既人先可以去寫網上日記, 個日記係你你鍾意點寫都得, 不過讀者亦有權選擇睇唔睇o者!) 咁o個時睇到一個咁高質素, 又咁o岩咀型o既日記, 緊係黐住唔放啦!

當初點解會入o左去帶銀公主個遊樂場…都係源於一套舊電視劇! 事緣我好鍾意睇八十年代亞視o既青春劇“IQ成熟時”, 而帶銀公主亦都係呢套劇o既超級fan屎, 仲post左好多佢特登去舊相舖買o既劇照o係佢個日記 (之後我都走左去買番兩張添!)…難得o係網上睇到有人介紹我最喜愛的“IQ成熟時”, 仲要係同我差唔多年紀o既人, 但居然有同樣喜好 (須知道“IQ成熟時”首播時, 我o地仲係bb…呢套戲, 根本唔屬於我o地o既年代…但偏偏大家往後同時愛上!)…跟住睇睇o下發覺佢個網頁十分似曾相識…翻查之下, 原來佢o既日記一直都o係我o既bookmark度…原來我兩年前已經因為search“IQ成熟時”而入過o黎, 不過我唔記得o左!

Image hosting by Photobucket

跟住我用o左好幾個鐘去睇晒佢成個site, 就有更驚人o既發現…原來大學時有同學仔send俾我o既舊廣告歌網頁, 就係佢同佢大朋友整o既“瀚琴皇宮大酒樓”…因為個名咁特別, 所以一睇番就記得!

從此我就成為o左佢o既忠實讀者, 每日追看佢o既日記, 仲成日向其他朋友推介佢o既網頁, 因為佢所寫o既o野真係好o岩咀型, 每次都令我好有共鳴! 可能因為年紀相若, 背景相似o既關係, 佢所講o既人和事, 好多都會令我有似曾相識o既感覺, 份外親切! 雖然互不相識, 但又好似變o左我o既朋友咁…你話網上日記o既威力有幾咁“近”呀!

尤其係佢o既喜好, 真係好多都同我好相近; 好似大家都係超級電視迷…特別係對d舊電視劇 + 舊歌曲o既熱愛! 其實對呢d o野熱愛都唔出奇, 最奇係佢居然同我差唔多年紀 (慶幸大家都食到條尾水可以列入“70s’pride”…雖然都有d生不逢時, 如果早出世幾年, 可以更加細味精彩的八十年代!), 而大家都對一個其實唔係太屬於我o地o既年代咁瘋狂…所以, 每每睇佢講關於舊電視劇o既o野, 我都會睇到“嘩!” 一聲…驚訝原來世上有人同我o既喜好咁相近…!

Image hosting by Photobucket
(之後發現o既緣份…就係成日有人search某d項目而入到我個site, 但o係個search result o既上上下下就會發現帶銀公主網頁o既蹤跡…例如:“刑偵”, "淘氣雙子星" , 甚至係“余倩文”…哈哈哈! 可見我o地o既喜好幾咁相近! 執舊雜誌時, 見到呢張余倩文廣告相@89年一本香港電視…點都要貼一貼出o黎!)

再o黎就係時不時都會有人send佢個site俾我, 上年我生日時, 居然有好幾個朋友不約而同地send佢新整o既“我們的老友記”一頁俾我作為“賀禮”, 話我一定會好鍾意喎...咁又的確係! 資料極度詳盡…對電視咁有passion又咁resourceful o既人, 仲可以去邊度搵到?! 所以我知道我o地係"坐埋一?"!

再o黎一大邪事, 就係今年年頭我o地居然同一時間收到個tvb官方月曆, 仲同一時間寫o左一篇關於呢件大事o既日記…真係夾埋都無咁o岩!

亦因為咁多o既巧合, 令我覺得我o地係有d緣份o既…不過係要等一個合適o既時機! 能夠認識銀姐姐, 可以話係2006年o既最大奇蹟!!! 世事就係咁微妙o架喇...儘管我n年前已經係佢o既忠實讀者, 儘管我o地曾經算係校友, 但一直互不相識…可能我o地o既"緣份", 係依家先o黎!

因為重溫tvb 90年o既晒冷大show"電視先鋒群星會", 因為有人屎忽痕走去就“我們的老友記” [尋人啟示]一欄報料…“造就”o左呢段緣份, 發現o左大家都係star star knowing each other [惺惺相惜…credits to我一位得悉呢件事o既朋友…呢個term果然係蔡一智!] …令我受寵若驚!

Image hosting by Photobucket
("電視先鋒群星會"@90年一本香港電視…睇番我先知原來呢個節目係323做 [原來今日正正係323…咁又16年喇!], 即係用o黎打亞視台慶…不過亞視台慶依家已經改o左去529 [真係“來吧用心留住你”喇! 近年o既亞視台慶, 精彩程度真係可以媲美“歡樂滿東華o既卡拉之星”…我極力推介, 大家真係不容錯過呀!]

多得銀姐姐o係佢個瀏覽率幾百萬+全球華人最受歡迎o既遊樂場度推一推介, 令我呢度多o左好多志同道合o既電視迷參觀…發現o左原來除o左我o地之外, 世上對睇電視有熱忱o既人多的是! We’re not alone…真係令人感動!