2007年5月25日星期五

5-25(fri) 芒姐@蘋果 (5月號之四) + 師奶兵團

電 視 撈 飯 (2007-05-25)
http://appledaily.atnext.com/template/apple/art_main.cfm?iss_id=20070525&sec_id=462&subsec_id=830&art_id=7137708

師 奶 惡 鬥 細 契

去 年 大 收 旺 場 的 《 女 人 唔 易 做 》 , 捧 紅 了 賤 Man 謝 天 華 , 當 然 還 有 演 技 早 已 被 肯 定 的 Hil 姐 鄧 萃 雯 。 今 年 的 《 師 奶 兵 團 》 , 可 說 是 《 女 人 唔 易 做 》 的 變 奏 版 , 再 次 找 來 這 對 觀 眾 十 分 受 落 的 拍 檔 擔 正 , 卻 由 女 強 人 的 故 事 , 改 為 訴 說 屋 村 師 奶 的 心 曲 。 鄧 萃 雯 不 演 女 強 人 , 改 以 「 烏 where 」 師 奶 造 型 示 人 。

另 一 位 實 力 派 演 員 商 天 娥 , 近 年 不 是 演 肥 師 奶 , 便 是 扮 演 年 紀 相 若 男 藝 員 的 母 親 , 難 得 她 毫 不 介 意 。 這 次 她 更 刻 意 不 收 身 , 以 蓬 頭 垢 面 的 形 象 演 活 無 知 的 肥 師 奶 , 差 點 令 人 忘 記 了 她 是 在 80 年 代 與 張 曼 玉 及 劉 嘉 玲 等 同 期 受 力 捧 的 花 旦 , 更 曾 飾 演 《 鹿 鼎 記 》 中 最 美 麗 的 阿 珂 及 於 《 儂 本 多 情 》 把 哥 哥 張 國 榮 迷 倒 的 倔 強 少 女 莫 笑 儂 。 欣 賞 商 天 娥 , 除 了 因 她 演 技 精 湛 , 亦 因 為 她 能 放 下 身 段 , 不 留 戀 往 昔 的 風 光 , 這 才 是 演 員 在 娛 樂 圈 的 生 存 之 道 。

《 師 奶 兵 團 》 中 的 第 三 位 師 奶 葉 童 , 在 影 圈 打 滾 多 年 , 近 年 才 偶 然 為 無 拍 電 視 劇 。 幸 好 劇 情 講 述 她 是 一 位 落 難 闊 太 , 角 色 可 謂 度 身 訂 做 , 否 則 她 混 在 鄧 萃 雯 、 商 天 娥 等 屋 村 師 奶 兵 團 當 中 , 其 實 真 的 有 點 格 格 不 入 。 此 劇 的 三 位 師 奶 本 身 已 是 劇 集 賣 點 , 加 上 輕 鬆 寫 實 的 劇 情 , 相 信 不 難 跑 出 , 三 位 師 奶 或 許 有 機 會 與 大 細 契 在 師 奶 界 分 庭 抗 禮 。



專 業 人 士 踩 過 界

名 人 及 專 業 人 士 踩 過 界 加 入 娛 樂 圈 的 例 子 越 來 越 多 , 近 期 最 成 功 的 例 子 莫 過 於 憑 主 持 《 最 緊 要 正 字 》 而 人 氣 急 升 、 有 「 叛 逆 作 家 」 之 稱 的 王 貽 興 。 他 已 由 作 家 成 功 轉 型 為 全 職 藝 員 , 無 論 在 大 小 節 目 均 見 他 的 蹤 影 。 「 正 字 王 」 近 期 除 了 與 秋 官 臨 危 受 命 主 持 探 秘 節 目 《 謎 》 , 另 一 任 務 是 與 同 樣 踩 過 界 的 註 冊 營 養 師 梁 慧 思 , 一 同 主 持 資 訊 性 節 目 《 一 網 打 盡 》 。 可 惜 此 節 目 被 網 民 直 指 抄 襲 亞 視 的 《 第 一 手 真 相 》 , 這 已 是 無 綫 近 月 來 第 三 次 被 指 照 抄 亞 視 節 目 , 或 許 亞 視 應 順 應 熱 潮 製 作 一 個 《 最 緊 要 正 貨 》 節 目 以 正 視 聽 。 而 「 最 緊 要 」 系 列 的 始 祖 《 最 緊 要 健 康 》 , 同 樣 找 來 踩 過 界 的 型 仔 醫 生 莫 樹 錦 擔 任 主 持 , 夥 拍 兩 位 靚 女 姚 嘉 妮 及 唐 詩 詠 。 因 上 一 輯 叫 好 叫 座 而 再 次 添 食 , 莫 醫 生 已 成 為 此 節 目 的 靈 魂 人 物 , 連 《 東 張 西 望 》 也 有 他 的 專 訪 , 相 信 有 機 會 成 為 新 一 代 師 奶 殺 手 。

撰 文 : 芒 姐


**************************************************************

“師奶兵團”頭一個禮拜睇其實幾ok, 都幾好睇o下, 不過今個禮拜又好似悶o左d, 煩氣o左d, 茶杯裡的風波o左d…同上年套”女人唔易做”差一截! “女人唔易做”有深度同埋啜核好多囉…不過未睇到戲肉o既, 或者仲會有驚喜!

唔知點解逢親呢種”女人”為主題o既戲, 都會搵楊千嬅唱主題曲…係咪因為佢個”烈女”形象太深入民心呢? 仲有, 有無發覺成日都會搵鄧萃雯孖住商天娥…以我記憶所及, 至少有三次 (應該唔止添…), 包括我很喜歡的“廉政英雌”, 亞記o既“再見艷陽天”, 同埋呢套“師奶兵團”…講真, 葉童拍埋佢o地度, 真係有種格格不入o既感覺!

而我個人都幾喜歡鄧+商呢個”組合”, 因為佢o地d戲都好好…點解唔搵埋早一檔o既”同事三分親”關詠荷, 十幾年後一齊整番套“廉政英雌”延續篇之”廉政師奶兵團”仲好啦…好期待睇佢o地再合作…“廉政英雌”真係幾好睇噃!

關詠荷復出後亦都好樣番, 曾幾何時, 即2000年左右, 我覺得佢係忽然老o左好多, 依家睇”同事三分親”又得番噃! 同埋我依然覺得”同事三分親”幾好睇 (除o左一講james jim同埋韋一+佢老婆o個幾集就好鬼悶), 尤其有佢同金燕玲o個part, 仲有講阿武紀勇暗戀佢, 最後錄o左餅愛的宣言唱“喜歡你”o個幾集…真係笑死我! 唔知點解令我諗起亞記十幾廿年前套“Q表姐”…因為又係有佢兩個! 最好搵埋“全靠你教我[手查]車”o既戴夢夢入o黎一齊做啦!

上個禮拜“娛樂直播”訪問商天娥, 當然係宣傳o下“師奶”, 亦都當然唔少得會提o下佢最得意之作“儂本多情”… 其實次次訪問都係會講番呢d o野…不過講真,“儂本多情”真係好經典, 商天娥有份拍呢套戲, 其實都真係執到支好籌, 無綫當年真係十分力捧佢, 可惜呢刹那光輝又真係短暫o左d! 不過可以同哥哥合作呢套咁經典o既愛情片 (最經典o個part當然係[手定]枕頭飛晒d粉紅色羽毛出o黎o個part, 細個時睇預告見到呢一幕心裡都嘩嘩嘩o左幾聲…唔知點解, 呢個畫面真係超深刻, 雖然我當時只有五歲!!!), 有自己套代表作, 都應該開心先o岩! Oh, 差d唔記得細契都有份做呢套戲, 係做商天娥個姑姐…但係廿年後, 佢o地個感覺又好似差唔多老咁!



至於”溏心風暴”, 其實已經睇到有d煩, 仲要每個節目都有關於套劇o既o野, 去到邊度都聽到人講, 又係overdose o既最佳例子…希望佢快d做完, 我寧願睇新劇喇!

仲有, 真係超頂唔順o個套“謎”…好鬼肉酸! 一日o係度”adam鄭”, “貽興王”…洗唔洗咁造作? 仲要講每句o野都配合一輪一d都唔夾o既動作, 仲有個”謎女郎”o係度”file, adam”…真係攞我命! 你介紹神秘事跡咪介紹囉, 真係唔好搞咁多花臣去畫蛇添足啦…好難頂! 仲有, 我終於發現點解我咁怕聽“王才子”講o野, 原來唔止因為佢把聲難聽, 其實佢講o野仲好似含住啖欖咁, 好奇怪! 要佢去教發音, 其實真係十分牽強+超欠缺說服力…!

另外, 有無人知道點解今年會咁早做“星光熠熠耀保良”o既? 以前年年都係九月做o架, 點解今年忽然搬o左去六月做呢?