5-30(wed) 你似我似你 + 福佳始終有你…

o係太陽報睇到“才子”貽興王o既一篇文章…post出o黎唔係因為佢寫得好, 而係因為睇到佢話常在心同吳尊似樣…佢咁講一講, 又真係有d似喎! 衛蘭同盧婉茵再同sammi+千嬅幾個不嬲都似o架喇, 鍾嘉欣同吳尊都係第一次聽 (或者已經係舊聞, 只係我無聽過o者!)…又覺得幾似喎…

“鏡像城市

太陽報 (26/05/2007)
文： 王貽興

首次踏足新加坡，感覺很奇怪。奇怪得像衛蘭遇到盧婉茵、吳尊碰上鍾嘉欣，那是一種如今相逢應相識的奇怪感覺，像昨日之我遇到今日的我一樣。
怪不得曾經一度那麼多香港人移居新加坡，怪不得好一段日子香港那麼努力跟這城市比較或者暗况模仿，跟自己長得那麼相像，條件相似，際遇相仿，像鄭秀文與楊千嬅，鬥到後來也不知道是誰抄襲誰了，總之就是有你無我的看對方不太順眼，但暗况又會忍不住偷瞥兩眼暗暗欣賞對方有兩下子。
新加坡無論城市規劃、配套、景點、生活模式以至心態要求，都跟香港很像。都是以金融貿易掛帥的城市，一樣是文化藝術沙漠，一樣的單一價值觀與人生追求，一樣有假大空的旅遊景點與一條龍酒吧街蘇豪區，最巧合的是，兩地人的英語國語都一樣爛。
有些人去到跟自己城市熟悉相像的地方會覺得很安心很愉快，像回到自己的家，這些人到了歐洲中東會有Home Sick，覺得很不安，天天泡在唐人街吃港式茶餐廳或者酒樓，直到夠期回去；可是有些人，旅遊的目的就是遠離自身的城市，跳出自己的框框，重新觀照自己城市的生活。這些人最討厭流連唐人街，遇到跟自己城市太像的地方會覺得沒意思。
新加坡其實是個很整潔很有規劃的城市，人人安居樂業，但就是太悶蛋了，沒有自由沒有選擇沒有驚喜，也許很多香港人會覺得貼心覺得很對口味，但甲之熊掌，乙之砒霜，你請我再多，我也只會講句，多謝晒。”

…仲有以下呢d係我之前o係d discussion forum度睇到…有好多都係講o左好多年o架喇…當然有d我係第一次聽…



(張可頤vs楊怡 + 宣萱vs葉璇…呢兩pair就公認似, 連無綫開戲都要搵佢o地做兩姊妹o黎搞o下gimmick啦…)




(林峰vs古天樂…林峰初出道人人都話佢係古天樂接班人, 其實我覺得只係膚色同埋o個時個造型似, 樣又真係唔太似! o個時我覺得林峰個樣反而有少少似魯振順…hohohohoho! 唔准打我…雖然我好鍾意林峰, 但我都要講出我當時o既心底話…當然, 依家又唔多似啦!)


(林文龍vs曹永廉…一般啦, 都有少少!)


(林文龍vs陳錦鴻…不嬲d人都好似咁講, 其實chi lam初出道時, 我曾經覺得佢同林文龍好似!)


(陳鍵鋒vs溫兆倫…呢pair我覺得好似, 年少時o既氣質都似埋! 本來無咁覺o架, o係前兩年睇完重播“我本善良”, 跟住再睇“學警雄心”, 真係覺得陳鍵鋒好有當年溫兆倫o既影子!)


(黎耀祥vs陳國邦…呢pair我覺得超似, o 90年代初期成日撈亂佢兩個…“燃燒歲月”o既係黎耀祥,“今生無悔”o既係陳國邦…o個時我真係覺得好似!)


(劉華vs江華…連個名都抄足…但無可否認, 某d神態真係幾似!)


(劉嘉玲vs佘詩曼vs鄺文珣…都幾似)


(童星成珈瑩vs謝宛婷… 係幾似, 但最大共通點係後期兩個都變得超老積)

仲有好多pair係我個人認為好似或者係其他人提供o既…

1) 阿嬌vs莊靜而
2) 張偉文vs肥媽 (男女版)
3) 張偉文 vs 劉青雲 (肥瘦版)
4) 梅小惠vs宋芝齡
5) 關詠荷vs柏安妮 (初出道o既關詠荷似d)
6) 唐詩詠vs江芷妮
7) 葉佩雯 vs朱慧敏
8) 黃宗澤 vs謝君豪vs 魏駿傑 vs香取慎悟
9) yumiko vs 梁思浩
10) 森森vs 陳齊頌
11) 李龍基vs 陳觀泰



多得金髮美女o既推介…呢個"福佳始終有你"mv真係笑死我! 好抵死啊! D歌詞抵死, 配合埋就快六四食住個勢, 仲要有埋影像版cut晒回歸十年好多重要片段同埋馬力個大頭…點可以咁抵死o架?! 更抵死o既係要扮埋d歌星o既聲…阿倫, 克勤, 古巨基, 最最最抵死當然係連莫華倫唱opera o 既聲, 同尹飛燕o既粵曲都扮埋…聽到o個度真係忍唔住笑o左出o黎…真係超賤格…嘩哈哈!

嘩, 製作真係好認真囉…點可以咁勁?

報紙話:

"《 福 佳 》 MV 屬 網 上 組 織 「 RebuildHK 」 出 品 ， 由 多 個 義 工 模 仿 譚 校 長 、 莫 華 倫 及 尹 飛 燕 等 特 色 唱 腔 灌 錄 。 MV 開 首 由 前 特 首 董 建 華 在 97 回 歸 儀 式 上 宣 誓 ， 揭 開 「 十 年 慘 劇 」 序 幕 ， 接 著 是 股 災 、 八 萬 五 及 沙 士 等 重 大 新 聞 ， 中 間 穿 插 多 個 黯 然 下 台 的 高 官 。 每 逢 唱 到 副 歌 「 福 佳 始 終 有 你 ！ 」 男 主 角 馬 力 的 畫 面 旋 即 彈 出 ， 還 有 豬 欄 的 小 豬 、 其 他 民 建 聯 成 員 及 六 四 屠 城 等 畫 面 襯 托 。 "

d義工都真係好勁喎…可以填到d咁應景o既歌詞, 仲要搵人扮d歌星o既聲都扮得咁似 (雖然d女聲就弱o左d…不過都係誠意之作)…係咪搵o左"殘酷一叮"個台主馮文樂去扮呀?

雖然應該大部份人都睇過呢個mv, in case你未睇過…好o野點都要推介o下…

福佳始終有你 (路遙知馬力版本)
http://plastichk.blogspot.com
填詞：林忌

黑字（陳少琪原本官方版本）
[ ]（林忌路遙知馬力版本）

點點燈火彷彿流螢 照亮百家姓
[鋪鋪膠都彷彿泥濘 撻到你好應]
成全這小島變巨星
[成全這朦董變巨星]
東方跟西方的文明 邂逅了衝勁　
[ＩＱ唐開騷都爆笑 免費派飛了]
繁榮這裡　遇上安定　
[盈餘計錯　就愛亂 Fing!]

明艷紫荊風中爭勝　找對了路徑　
[期望坦克碌豬取勝　得到了絕症]
花瓣開得繁盛
[金紫荊章填命]
人人能力大小也力拼
[無能人士亂嗡也力拼]
任誰留下血汗　就是個精英
[是誰埋沒馬力　做賣國精英]

香港始終有你　(香港始終有你)
[福佳始終有你！（福佳始終有你！）]
讓萬眾掌聲響一世紀
[拍馬屁聲響足一世紀]
香港始終有你　(香港始終有你)
[普選偏偏冇我？ (普選偏偏冇我？)]
十萬個驚喜多一世紀
[八萬五驚喜慘於去死]
感謝你 小天地 創天地
[當底褲 當絲襪 當胸圍 ]
盛夏冷冬各種天氣 不捨不棄　
[傲慢冷嘲各種冤氣 不捨不棄]
才會了不起 香港始終有你
[陪笑了不起 福佳始終有你！]

獅子山觸得到長城　血脈裡感應　
[天星鐘追憶起暴動 同志勿有感應]
和諧靠你　賦予生命
[和諧靠你　亂掟菠蘿]
明艷紫荊風中爭勝　找對了路徑
[期望坦克碌豬取勝　得到了絕症]
花瓣開得繁盛
[金紫荊章填命]
人人能力大小也力拼
[無能人士亂嗡也力拼]
任誰留下血汗　就是個精英
[是誰埋沒馬力　做賣國精英]

香港始終有你　(香港始終有你)
[坦克碌豬靠你！（福佳始終有你！）]
讓萬眾掌聲響一世紀
[拍馬屁聲響足一世紀]
香港始終有你　(香港始終有你)
[普選偏偏冇我？ (普選偏偏冇我？)]
十萬個驚喜多一世紀
[八百張飛選多一世紀]
感謝你 小天地 創天地
[玩謝你 送酒席 送主席]
盛夏冷冬各種天氣 不捨不棄
[傲慢冷嘲各種冤氣 不捨不棄]
才會了不起 香港始終有你
[陪笑了不起 坦克碌豬靠你！]

(國︰因為你在這裡)
[(國︰毛主席在這裡)]
讓萬眾掌聲響一世紀
[拍馬屁聲響足一世紀]
香港始終有我
[普選偏偏冇我？ ]
（感謝你～Yeah ）
[（玩謝你～Yeah )]
(國︰因為我在這裡)
[(國︰Anson Chan 在哪裡？) ]
十萬個驚喜多一世紀
[八百個選委選一世紀]
感謝你 小天地 創天地
[三謝禮 拜天地 葬天地]
盛夏冷冬各種天氣 不捨不棄　
[傲慢冷嘲各種冤氣 不捨不棄]
才會了不起 香港始終有你
[陪笑了不起 福佳始終有你！]



再睇番完裝版對比o下…哈哈哈…更好笑…真係好好笑…