2006年9月7日星期四

9-7(thurs) 對不起, 我撐你

好唔高興呀我…無啦啦上o左娛樂版, 今次真係“一夜成名”…但係咁樣“成名”法…只可以講句:“唔該晒!”

有好多o野真係人算不如天算…本來我一個月都唔睇一次蘋果, 但係尋日見o個單“字母女星”新聞咁轟動, 咪上網睇o下囉…點知o個單o野就無咩特別, 反而神推鬼ngun地見到一段"對不起,我笑你 黎明走音歌萬網民聽不厭"o既娛樂新聞...嚇到我maat大個口得個窿! 心諗:“唔係呀嘛?! 你唔係講緊我段片呀嘛?!”點知一睇, 真係sorry, 點都要講句“pk!”…仲要cap埋段片其中兩個shots做相, 上面仲要有埋呢度個url…明明段片應該好朦o架嘛…唔知點解佢可以cap得鬼咁清囉?! 跟住其中一幅相o既caption居然係“火羅王風采逐格睇, 下面仲寫埋呢段片個youtube網址, 又quote埋d網友o既說話...咁樣misquote我實在太過份喇!



雖然我一向都明白娛樂新聞慣o左斷章取義…但我無啦啦咁俾佢擺上[木台], 真係有d嬲囉! 如果大家係有睇完6月3日篇文章先click入去睇段片的話, 都知道我原意反而係想幫leon平反, 同埋同呢度所有有修養o既讀者分享呢段舊回憶, 講番事件o既來龍去脈…可惜事與願違, 依家仲俾人?o黎作o野!


quoting: 2006-06-03(sat)“對不起我愛你”

而講得“忘我大匯演”, 當然唔可以唔同大家分享埋當中最最最令人難以忘懷o既老黎走音版 “對不起我愛你”啦! 今次post呢段片出o黎, 唔係想恥笑佢, 反而係想o係十幾年後幫佢o黎個大平反…雖然我不嬲都不太buy黎明 (除o左“今生無悔”o既程朗)…一直都覺得佢做戲係好過唱歌好多! 佢唱歌, 只可以形容為“無咁大個頭戴咁大頂帽”…佢好彩在搵o岩形象, 遇到勁多好歌…但佢o既歌藝, 我真係不敢恭維!

不過話雖如此, 佢呢次走音, 又真係情有可原…做歌手走音係樣衰, 但試問有邊個未走過音呀? 就算係經驗老到o既歌手, 都有失手o既時候…何況佢o個時只係一個新人, 仲要係話明俾你聽唔sell歌藝o既新人! 再加上當時o既情況係佢已經表演完自己o個part走o左, 點知闊太(劉)寶詠琴捐五十萬叫佢獻唱o個期最hit o既“對不起我愛你”…50萬善款喎, 走o左都俾人call番佢返o黎啦! 咁佢趕頭趕命返到o黎, 又無準備又無rehearsal, 後面隊樂隊求其開個key俾佢, 點知唱到中途走走o左音…o係咁o既情況下, 我覺得情有可原囉! 同埋為o左做善事, 點知換o黎第二日報紙娛樂版頭條俾人狠批, 笑足幾十日…十幾年後, 大家提起“對不起我愛你”, 除o左記得呢首歌好經典, 亦會記起呢件經典事情…情況可以媲美蔡楓華o既“?那光輝”事件咁可歌可泣!

睇番片段, 見到佢當時真係好尷尬, 直頭要搵窿捐囉…其實咁多年, 佢都受夠啦! 同埋我好欣賞佢o係呢件事上懂得自嘲…我記得幾年後佢有個音樂特輯叫“情深說話盡情講”…走d齋talking路線…佢o係個特輯講番呢件瘀事, 仲話當年“走音事件”後有套演藝界總動員籌款電影“豪門夜宴”, 居然問佢介唔介意o係套戲入面重演番呢一幕? 於是佢就一邊炒[食送]一邊唱呢隻走音歌…我好欣賞佢呢份豁達…比起佢平時一貫o既“手掌係肉, 左手又係肉”說話方式, 討好好多!




大家講句公道說話喇…我有無恥笑佢呀? 講到我咁衰, 好似特登要去挖番leon o既瘡疤…點解要搞成咁喎?! 我並無意去傷害任何人, 雖然我知leon根本都未必介意, 甚至唔會為意有呢件事…但係我介意囉! 我真係要好似阿嬌咁去杯葛壹傳媒…聽日我就著住件“痛心疾首”衫去政府總部請願!!!!!!!

我真係估唔唔到youtube已經去到呢個地步, 實在太多人search喇…仲要俾人轉貼晒去d forum度加以醜化! 以後都係唔好放咁多o野上youtube…太危險喇! day day都有記者上youtube search o野, 我唔想搞到好似擺巴士阿叔段片上網個o靚仔咁白痴, 仲要俾人追訪上埋鏡添! 我已經即刻delete左段片, 費事再俾人亂咁作... 無謂令蘋果奸計得呈, 更加唔想令任何人難堪! 哎…錯晒! 咁樣“出名”…非我所願! 我唔開心呀!

跟住仲一日裡面o係youtube收到超過100個messages+subscriptions…好煩呀…我真係多得o個舊蘋果唔少! 如果你o係youtube send過message俾我, 又咁好彩睇到呢度…真係對唔住, o個度只係我用o黎post d片段去我facilitate表達“芒姐日記”裡面內容o既地方…o個度d留言呀, message呀, request我post呢樣o個樣呀, 我全部都唔會覆…如果唔係一日有50小時我都唔夠用! 有咩想同我講請o係呢度留言俾我啦!

Oh, youtube…I hate you! 你係好方便, 等我可以睇番好多舊片舊歌舊戲…但係, 你o既“神通廣大”, 最終係帶俾我好多麻煩…真係“I love you hate you…”!



最邪o既係, 我已經有好一段時間無睇過“東張西望”, 亦都有一段好長時間無試過七點幾返到屋企…點知唯一就係尋晚早o左少少返屋企, 一扭開電視居然就係做緊第二節“東張西望”…而我第一句聽到o既說話, 就係話“近日有網友將當年黎明o係華東水災o既走音片段放上網…blah blah blah…”洗唔洗咁邪呀?!?!?! 真係嫌我唔夠激氣?!

真係擺明係整定o既…平日我根本就唔會睇蘋果, 亦都無時間睇“東張西望”…根本就唔會知道有段咁o既娛樂新聞…但係, 世事往往就係咁…哎! 唔開心…成日咁俾人“mon”住, 寫咩都唔可以暢所欲言, 又驚俾人quote o左d o野上forum/報紙又唔知點斷章取義或者得罪人…或者呢d就係我o岩o岩搬o黎呢度時講o既… “成名的代價” !




http://appledaily.atnext.com/template/apple/art_main.cfm?iss_id=20060906&sec_id=462&subsec_id=830&art_id=6286534

“對 不 起 , 我 笑 你
黎 明 走 音 歌 萬 網 民 聽 不 厭

繼 早 年 有 人 把 黎 明 ( Leon ) 在 91 年 華 東 水 災 籌 款 活 動 的 走 音 聲 帶 , 當 作 手 提 電 話 鈴 聲 後 , 近 日 又 有 網 友 把 這 段 咸 豐 年 走 音 片 段 放 上 YouTube , 再 次 勾 起 Leon 不 快 往 事 , 幸 網 友 指 他 歌 藝 跟 當 年 相 比 , 明 顯 大 有 進 步 , 總 算 給 Leon 一 點 安 慰 。

黎 明 於 91 年 為 華 東 水 災 《忘 我 大 匯 演》 演 出 籌 款 騷 , 在 獻 唱 《 對 不 起 , 我 愛 你 》 時 , 貫 徹 忘 我 精 神 勁 走 音 而 被 封 「 走 音 天 王 」 , 令 Leon 歌 唱 事 業 蒙 上 污 點 。

網 友 撐 有 進 步

這 段 不 快 的 陳 年 往 事 , 一 直 令 Leon 耿 耿 於 懷 , 不 欲 舊 事 重 提 , 可 惜 事 與 願 違 , 每 當 有 人 講 到 歌 手 走 音 , 便 會 想 起 他 這 個 經 典 例 子 , 近 日 更 有 網 友 把 他 的 走 音 片 段 放 上 YouTube 任 人 瀏 覽 , Leon 愈 是 不 想 記 起 便 愈 遭 人 挖 瘡 疤 , 認 真 慘 情 。

凌 零 發 近 日 在 YouTube 網 站 中 發 現 這 段 「 1991 華 東 水 災 - 黎 明 走 音 片 段 」 , 瀏 覽 人 次 多 達 23,816 。 片 段 中 , Leon 穿 上 大 會 白 色 T 恤 , 在 台 上 演 唱 《 對 不 起 , 我 愛 你 》 , 初 時 演 出 尚 算 順 利 , 但 大 概 分 半 鐘 後 , 他 忽 然 「 痰 上 頸 」 似 的 勁 走 音 , 尷 尬 得 一 味 以 笑 遮 醜 , 然 後 趕 快 收 拾 心 情 繼 續 唱 下 去 。

據 知 當 日 Leon 本 已 演 出 完 畢 離 開 會 場 , 但 其 後 獲 悉 已 故 名 媛 寶 詠 琴 願 意 捐 出 50 萬 善 款 贊 助 他 再 唱 一 曲 , 他 為 善 不 甘 後 人 折 返 會 場 參 與 表 演 , 卻 沒 料 到 會 因 此 在 大 庭 廣 眾 走 音 。

有 關 Leon 這 段 走 音 往 事 , 近 日 在 香 港 討 論 區 中 也 有 不 少 網 友 談 論 , 有 人 認 為 當 日 他 因 為 太 過 緊 張 導 致 走 音 , 也 有 網 友 認 為 他 歌 藝 跟 當 年 相 比 明 顯 大 有 進 步 , 算 是 給 Leon 一 點 安 慰 。




雖然我唔係黎生fans, 但就呢件事, 最後我都想講多句: “對不起, 其實我撐你o架!”