1-26(mon) 牛年行大運

恭喜恭喜! 恭祝大家牛年都有喜…事! 無咩特別o野想講, 但見咁耐無update, 又適逄新年, 一定要o係度祝賀o下所有讀者朋友都開開心心, 心想事成, 最緊要身體健康! 所有o野睇開d, 自然心情都靚d, 所以最要祝大家新一年EQ再高d!

我自己都有一個無聊的心願…就係希望新一年可以早瞓d…因為o係過去廿年, 我都真係比一般人夜瞓太多…所以可以早瞓少少, 個人健康d, 皮膚再靚d, 個樣再醒神d咁就好喇!

年…又過年…緊係要送首新年歌俾大家…twins聽o左7年…係時候聽o下”新歌”…



新年假睇番上個禮拜林敏驄做嘉賓o個集“係咪小兒科”…真係笑死我! 佢果然係funny, 一向都欣賞佢, 但估唔到佢上呢隻”益智”節目都可以咁搞笑, 但搞笑得o黎又言之有物…個節目本身ok好睇 (好睇在d以為好淺o既題目原來我真係一d唔識)…再加埋佢o個d抵死說話…咩“眼睛不能沒眼淚, 個口不能沒口水~”, 同埋即時改“愛得太遲”o個d歌詞, 都好抵死! 佢轉數真係好快…最欣賞呢d人!


(林敏驄@“係咪小兒科”)

仲有, 睇番第三集“星星同學會”, 係搵d商台dj上o黎講o下d趣事…呢集亦都幾好笑! 雖然依然係第二集最好睇!