2005年9月13日星期二

9-13(tues) 香港迪士尼之明星篇 (下)

(續前篇)

o係迪士尼撞得最應o既“明星”…係古巨基! 正當我o地o係廁所門口等緊朋友買腸仔食時, 就見到佢同幾個人由廁所行出o黎…但係好可憐地, 完全無人理佢! 我相信大家係見到佢o既, 但係完全無人so佢! 我亦都無打算過去搵佢簽名或影相, 免得佢太囂張! 十年前影過咪算囉…橫掂佢個樣都無咩點變! 係唔知點解今次有成棚人, 都唔見佢個助手+女友(or老婆?) lorraine?! 都唔洗咁唔見得光呀嘛?!

過o左無幾耐就見到佢個friend傅明憲o係廁所行出o黎…嘩! 估唔到佢比想像中靚喎, 對眼真係好大 (雖然當年被揭發曾經整大過雙眼), 身材好好, 仲好高囉…見佢著對波鞋, 但前所未有咁高…同古巨基都唔係差好遠…無理由o架…咁咪分分鐘高過佢舊男友梁榮忠? 以前點睇都唔覺佢有咁高…可能又係好似郭富城咁…o係鞋?面加墊…但佢女仔人家無必要呀嘛?!

“飛起老公先睹為快
傅明憲搵基仔陪喪玩迪士尼

昨日偕同好友古巨基齊往香港迪士尼參觀的傅明憲,原來是樂園的捧場客,有到過洛杉磯迪士尼遊玩不下三十次的紀錄,她揚言熟識程度媲美導遊,可以不靠地圖到處逛。 香港迪士尼快將開幕,昨日以「香港迪士尼樂園公益日」的慈善名義公開發售門票,名人藝人無不搶先入場先睹為快,其中包括傅明憲(GiGi)、古巨基(基仔)、余錦遠一家和龐維新一家等。

GiGi相約古巨基同遊樂園,她解釋因為丈夫對卡通沒有興趣,但若有機會,將與丈夫入住樂園的酒店。”

Image hosted by Photobucket.com

其實到後來都見到有人想搵古巨基簽名…當時佢又排隊買緊腸仔食, 佢都好似有幫o個個人簽…好明顯係好高興有人肯搵佢簽名! 但後來開始有多d人追住佢, 佢就搵個助手型物體同d人講: “佢今日唔影相o架!” 跟住就同傅明憲一行十人入o左去玩巴斯光年!