2005年11月3日星期四

11-3(thurs) 海俊傑

前日講開d消聲匿跡o既歌星, 好似某同學o既偶像--94年新秀冠軍海俊傑…某同學回應話其實海俊傑o個時真係好好喎…我話係…仲好靚仔添! 仲有, 佢一選完新秀o個個禮拜即刻有新歌出, 仲搵o左一jar妹妹仔o黎同佢拍“永遠的偶像”mv…當時華星總經理陳欣健話要力捧佢o架嘛! 幾勁呀! 後來仲?埋新人獎添! 至少好過另一新秀冠軍李家強頭o係“刑偵2”度扮女人…所以海俊傑已經好好運o架喇! 不過最深刻o既係佢o係“天降財神”?面食金湯丸梗死…因為呢幕好好笑!

呀! 某同學…記住睇“刑偵3”呀…靚仔海俊傑會做張大勇個細佬!

仲有, 尋日唔記得講o既係睇草蜢o既“我們”mv, 終於見到林珊珊兩個女--西瓜+野人粉墨登場…佢個細女又確係幾“標緻”o既…真係估唔到佢兩個女已經咁大!

同埋終於唱o左當年raidas一首我覺得好“另類”o既歌, 至少同佢o地o個兩首hit歌“別人的歌”& 傾心”好唔同…細個o個時覺得呢首歌好型o架! 上次o係阿姐個節目“名曲滿天星”聽到陳德彰唱番呢首歌, 都覺得幾“潮”o下! 但又唔記得叫咩名…依家終於知道隻歌係叫“傳說”! 一輪咀咁lur d歌詞…我都o翕唔切…下次要再唱過!

有d人好無聊囉, send埋d咩“林峰FANS四?考??” 俾我, 不過正如我所講, 無聊都係一種樂趣o黎o既! 但唔好講少…真係除o左基本o個d題目之外, 我一條都唔識答…好明顯我唔係佢fans…無錯! 我真係唔係喎! 我頂多係好欣賞佢做o個d戲o者! 大家如果同我一樣無聊…可以去玩o下, 好似仲有好多其他測驗玩!

獎門人話我做咩o係呢度話俾人知佢鄙視我重睇一次“浪族闊少爺”…咁呢個係事實嘛! 佢仲話鄙視我成日記埋晒d對白, 仲有記埋晒邊個係邊年港姐d咁o既o野…其實我都真係唔想o架, 咁我個腦係要記埋晒d唔等洗o既o野…我都無法o架?! 我夠想記多d“等洗”o既o野, 書本上o既o野, 工作上o既o野, 或者一般人認為有用o既o野啦…但係唔到我控制嘛!