2009年3月16日星期一

3-16(mon) 港男.港女

因為過去o既一個禮拜人人都同我講上個禮拜o個集"星期日檔案之港男.講女"...連一d平時無咩睇電視o既朋友都向我極力推介…咁我就上網睇番啦, 免得作為一個電視精o既我太太太out! 但可能因為大家吹捧得太勁, 話非睇不可, 令我有好大o既expectation…睇完之後, 又唔覺得真係咁好睇…即係唔係話差, 但好一般咁啦…

我同其他朋友討論其原因, 懷疑可能係因為向我"極力推介"o個d朋友平時真係太少睇電視/報紙/forwarded email, 其實呢個港男/港女topic已經discuss o左好幾年, 唔係咩"新議題", 正如很有見地o既網友mandy所講, 呢個題目就好似“中學生應否談戀愛”一樣, 幾時講都得…而今次個節目又唔係話有d咩新概念, 或者分析得特別準繩…所以我有少少失望囉! 反而如果唔係因為身邊o既人過份吹捧, 我會覺得幾好睇o既!

至於第二集講港男/電車男…d朋友話差過第一集講港女o個集好多…我又反而覺得ok喎, 兩集差唔多, 但勁在第二集搵到o個位出o黎接受訪問o既電車男真係好stereotype…呢樣我覺得勁o左囉!

無睇過o既朋友都可以一睇o既…
"星期日檔案之港男.講女"

尋晚唔覺意睇到無記深夜重播邵氏經典…今次係“金玉良緣紅樓夢”…本來呢d邵氏經典真係完全not my cup of tea...一開頭larp o左少少, 見到好似食o左防腐劑o既米雪姐姐同青霞姐姐...都覺得幾得意o下, 但之後就無睇落去…點知沖完涼之後一開電視又唔覺意larp到一個好似張艾嘉o既少女, 仲有另一個好似謝檸檬媽~~拉姑o既少女…又幾得意喎, 無咩睇過佢o地後生時個look…咁就吸引到我忍唔住繼續睇落去…睇睇o下又ok好睇喎!

張艾嘉個樣+感覺/氣質同依家有d唔同, 所以初頭仲有d懷疑係咪佢…跟住見到拉姑做佢個friend (or妹仔)…兩個都好靚, 咁就吸引到我繼續睇埋落去…終於睇晒全套! 連我呢d完全唔好呢種戲o既人都吸引到…證明呢套真係ok得, 因為靚人靚景, 最重要係粒粒巨星…仲要好多個係我無咩睇過佢o地後生個look o既…同埋, 我反而覺得米雪依家仲靚過以前! 佢後生時黑黑o地, 個樣又唔算特別標青, 反而依家個個都老o左, 佢就比同年紀o既人keep得後生同fit好多…勁!



依家深夜12點幾重播“陀槍師姐II”…仲記得兩年前無綫播完第一輯忽然抽起唔播第二輯, 完全激起民憤…我曾經寫道:

“哎…無線真係騎呢到爆…播播o下“陀槍師姐”第一輯, 明明話播埋第二輯o架嘛, 整咩忽然間抽起佢…係咪玩o野呀? 雖然“奪命真夫”都好好睇, 亦都雖則我都覺得第二輯同第一輯差好遠, 都話鍾意第一輯o既爽朗三元+程峰…但係都無理由話播又唔播o架…無線成日都係咁令人失望o架! 我都要抗議呀!”


但係, 佢依家兩年後忽然接住落播番第二輯…會唔會騎呢o左些少呢?! 你一係就由第一輯開始由頭播過啦…兩年前鬧爆係因為唔能夠一氣呵成…咁今次咪又係! 我個人就最鍾意睇第一輯, 二都ok, 三四我就一般喇…都已經變到唔太係“陀槍師姐”…雖然總的來說都係一套好戲!

wiki話今次會一氣過播晒2,3,4輯喎…信住先啦…!