2006年9月10日星期日

9-10(sun) 字母小姐

嘩! 話咁快“美女廚房, 食o左先講”已經出o左dvd, 上個禮拜日先o岩o岩播完“美女廚房天堂地獄爭霸戰”, 依家就已經有得重溫番…呢期tvb真係好鍾意一播完立刻推出d新節目, 之前有 “志雲飯局”, “向世界出發”, 依家就到o岩o岩播完, 連特別版都未播o既“美女廚房”…不過呢個節目又真係值得推介o既! 笑爆嘴!



呢期d新聞真係同娛樂新聞完全掛勾…前兩個禮拜阿嬌單o野已經不停見到d藝人出現o係新聞報導, 仲用埋“東張西望”d片段o黎播, 又訪問曾志偉, 又播番梁家輝遊行完畢之後口甩甩咳咳地讀出o個段宣言; 之後幾日唔知講咩電視數碼化定衛星化定whatever, 同埋話要修例下令d以後d資訊性節目一定要資料完全正確等新聞, 訪問o既對象居然係志雲總經理…大家仲以為睇緊“志雲飯局”添…佢就真係大“幕前化”喇!

不過最搞笑都係前幾日, 講有單新聞係話一個男子拾獲一個男藝人遺下o既手機, 而個手機裡面居然有佢個女友, 即係一個女藝人o既更衣短片, 跟住個男子就打電話俾個女藝人勒索佢五萬蚊…搞笑唔係在個男藝人居然用手機拍下個女藝人o既換衫短片 (雖然我都好有興趣知道呢兩位男女藝人係何方神聖)…而係因為呢件事引申去依家科技愈o黎愈發達, 以手機拍片愈o黎愈普及, 私隱愈o黎愈無保障…跟手就訪問一d知名藝人問o下佢o地o既睇法! 以為係邊個有代表性o既藝人, 點知首先係影住tvb個化妝間, 跟住就影住一位“曾經”好受歡迎o既男藝人…我們的張大勇! 佢好認真咁o係度講一大jar o野…但我只係諗起: “車匙…你記o下啦…你點會咩都唔記得?”哈哈哈…



不過講番“字母小姐”單新聞…又真係幾騎呢o既…識著d咁o既男友, 都算不幸囉…居然偷拍你換衫, 仲要用手機咁白癡…最白癡係明知自己係公眾人物嘛, 就算唔紅都唔好搞d咁o既o野啦…擺明靠害! 仲要抵死到咁論盡一影完d咁o既片無耐就見個手機…只能對o個位女藝人講一句: sorry晒!

咁多份報紙都係太陽報寫得最好笑…又話“城中再次掀起競猜「字母小姐」熱潮!”, 跟住仲有“市民已於昨日踴躍地競猜他們究竟是誰”…真係寫得好生鬼…搞到我以為真係有匯應窿競猜誰是字母人遊戲…

“男友遺失手機遭勒索
女藝人裸照外洩
06/09/2006

城中再次掀起競猜「字母小姐」熱潮!區域法院昨日審理的一宗案件披露,二十四歲的電視台女藝人A小姐,四個月前在二十二歲電視台藝人男友B先生家中更衣時,被男友用手機拍下裸露上身的香艷片段,豈料男友乘的士時遺失手機,連累A小姐遭人勒索五萬元,但案情只以字母「A、B」代表兩位主角,好奇心重的市民已於昨日踴躍地競猜他們究竟是誰?

據了解,A、B為一對情侶,同是本港電視圈的藝人,A現年二十四歲,B則二十二歲。案情指出,A、B二人去年五月開始拍拖,今年五月十三日A到B的寓所時,在B面前更衣,B用他的摩托羅拉V3i新款手機拍下更衣過程,片長約十秒,清楚見到A的芳容及赤裸上身,片段一直貯存在手機內。

警方調查此案的主管梁柏榮昨在庭外呼籲市民,勿用手機拍錄「無謂?」,乘坐交通工具時慎重保管財物,遇到勒索時要挺身而出,有記者向他查詢女事主的身份,並提過多個女星名字,惟梁柏榮笑言因公務繁忙,少看電視電影,故「唔知邊個」。他透露與女事主會面時,她沒有表現「大牌」,梁又直言只看過涉案的換衣短片一次。”



…o個個警方主管又係風趣…求其話唔可以透露事主身份咪得囉…居然“笑言因公務繁忙,少看電視電影,故「唔知邊個」”…好funny!

最funny係平時d新聞都無咁emphasize年齡, 但係今次呢單新聞quote親每個女星講o既o野, 都一定會寫埋佢o地o既年齡出o黎…咩27歲o既胡杏兒, 27歲o既官恩娜咁…好突兀!

而o個幾pair suspects當中, 大眾認為以吳浩康同胡定欣o個pair, 同埋阿李逸朗同葉翠翠o個pair“呼聲”最高! 我就估應該最大機會係胡定欣同阿deep, 因為阿deep真係太多前科, 又啪丸又打人, 以為佢錯一次會改, 點知就一次又一次咁犯事! 所以佢被“睇高一線”…你話呢?!


(***更新: 經進一步了解, 新近被睇高一線o既應該係陳自瑤同蔡淇浚…根據各樣資料同背景, 係佢兩個最吻合喇…

from forum:

“陳自瑤 - 25歲 (1981年8月29日出生) + 蔡淇俊(1984年5月23日出生)

案發日是5月13日,當時陳小姐是24歲…

如果是05年5月開始拍拖便不是吳定欣及吳浩康了,因為他們在2004年已在麗港城第36座同居…

22歲電視台男藝人…deep算是歌星…

葉翠翠 - 24歲, 李逸朗 - 24歲 >>>>否定!”***)