2005年11月4日星期五

11-4(fri) happy40000+商天娥

Image hosted by Photobucket.com
(多謝捧場! Happy 39999 to happy 40000…今次我終於親自捕捉到! 翻查紀錄, 原來一年前o既11月4日, 呢度o岩o岩衝破一萬大關; 估唔到一年後o既今日, 呢度已經突破四萬大關…真係多謝大家o係呢一年內o既“鼎力支持”!)
Image hosted by Photobucket.com

尋日同今日o既“娛樂直播”居然一連兩集訪問商天娥…又幾好睇喎! 從來都無咩睇過佢o既訪問, 雖然我一向都ok buy佢, 因為覺得佢幾爽朗, 幾有性格! 其實大家睇o左呢度咁耐, 都大約get到我buy邊種style o既人o架啦! 佢話佢d朋友話佢除o左係“女兒身”之外, 無樣o野似女人…呢種型格style, 我buy! 仲話覺得自己入娛樂圈o既過程好似整定咁…我都認同呢個世上, 好多o野都真係整定o既!

最搞笑係主持李思捷提番起當年娥姐拍o既“鹿鼎記”…話記得佢當年好靚, 又話佢做最靚o既劇中最靚o既阿珂同埋阿珂媽媽陳圓圓, 簡直無得頂! 嘩! 呢段簡直係抵死呀…商天娥係就係有style, 但我認為佢絕對稱唔上靚, 仲要係好靚添…後尾李思捷仲話覺得佢係七個老婆之中最靚o個個 (呢句好明顯係恭維說話)…當年o既劉嘉玲, 毛舜筠…肯定靚過商天娥啦!

跟住佢仲要再下一城o係“儂本多情”做一個“傾倒眾生”o既角色…係有d牽強…但橫顧當年o既電視圈, 又真係無一個花旦更適合做呢個角色!

呢個話題其實我o係兩年前哥哥死o個期已經o係呢度講過, 我話…

“前幾日咁o岩聽電台, 個dj又係講緊哥哥, 介紹緊佢隻“儂本多情”…佢話記得當年隻歌跟本唔係叫呢個名, 而係有一個好有詩意o既名…“一串夢”! “情愛…就好像一串夢, 夢醒了一切亦空…”! 個dj話相信講起呢套劇, 無人會唔記得leslie個殺死人o既玩世不恭不?look, 更加無人會唔記得呢套劇o既最經典場面 –“掟枕頭飛羽毛” 一幕 (I agree!)!

但係佢話最唔明係點解會搵商天娥做女主角, 仲要加句話佢咁講絕對無惡意 (咁反而顯得更核突, 更有惡意!)…咁我都認同商天娥係唔夠靚又唔夠紅去做一個咁 “癲倒眾生” o既角色o既, 仲有d baby fat添…但係橫顧番o個個年代o既無線, 我又真係諗唔到一個比佢更適合做呢個自信而倔強角色o既花旦喎…唔通搵阿君如咩?! (雖然佢係劇中o既一大配角, 仲成日提番話無理由當時由商天娥做主角而唔係佢!) 有時唔係要靚先得o既, 我覺得商天娥某程度上幾有佢o既style呀! 不過o係套度?面, 就當然會俾型仔到痺o既leslie比下去…佢個40年代o既公子哥兒look, 只得一個字 - 型! 正如佢自己曾經講過, o個個年代真係無人比佢著白色西裝著得更型仔!

相信我身邊o既朋友都不只一次聽過我推介呢套劇, 因為真係好正…不過只限於頭5集! 之後o個5集就另一回事, 好騎呢, 好慘…唔知點講! 可能其實後5集先係呢套劇o既中心主旨, 但係我真係唔鍾意睇呢d戰亂, 爾虞我詐o既慘戲! 我細個o個時對呢套戲o既印象明明只限於俊男美女, 遊戲人間, 靚人靚景等o架嘛…我仲以為到佢o地結婚就已經係ending…點知原來呢一part先係一個“開始”…o係98年第一次認真咁睇番呢套戲o既重播…當堂晴天霹靂! 好記得當時就快考a-level, 通常考試期間會覺得d電視劇特別好睇…咁就當然更落力咁去追戲啦! 唔知點解…每逢考試o既時候, 總會有好多好戲重播, 96年會考就追“楚留番之蝙蝠傳奇”; 到98年高考就有呢套喇…所以都特別深刻!”


Image hosted by Photobucket.com
關於呢套經典劇o既資料, 請參閱以上網頁…係, 又係yesasia! 前幾日Cin姐問我邊度買“射鵰”vcd抵d, 我叫佢一係睇o下yesasia平唔平囉…佢話我成日咁幫yesasia宣傳, 一定係收o左commission…我真係無o架, 連買o野都無discount!)


基本上呢個“儂本多情”女主角議題, 我o地上個禮拜先咁o岩再討論過…但結論都係: 雖然商天娥唔係最理想人選, 但橫顧當年o既電視圈, 又真係除o左佢無人更適合做呢個角色! 真係無…藍潔瑛? 劉嘉玲? 曾華倩? 張曼玉? even邵美琪? 鄧萃雯? 個個都靚過商天娥, 但係又真係無一個有o個種獨特o既倔強氣質! 我覺得邵美琪會比較接近 (唔係因為佢係我“偶像”)…但始終都係商天娥適合d!

點知一講開呢樣o野, 就即刻o係螢光幕見到呢個訪問…真係好邪!

講開又講…其實我前幾個禮拜都重睇o左一次“儂本多情”(又會俾獎門人再恥笑我)…但只限於頭五集, 因為後五集根本就唔係我心目中o既“儂本多情”, 太heavy喇! 由細到大, 我心目中o既“儂本多情”都係一套“俊男美女”輕鬆談情戲…尤以“飛甩羽毛”一幕最深刻…唔可以破壞呢套戲o係我心目中o既印象o架嘛!

大家如果有興趣, 可以去以下o既link睇番呢段訪問…不過好似網上係唔會播足本o既:

娛樂專訪:細訴胭脂─商天娥