2006年4月25日星期二

4-25(tues) 鄭中基2006演唱會

好! 點都要講o下前兩日睇o既鄭中基2006演唱會...眾所周知, 我係好buy鄭中基o既...因為佢真係超級funny, 超級抵死, 而且幾有急才, 唱歌仲好得添! 當今樂壇, 又唱得又識搞氣氛o既, 除o左另一個我好欣賞o既克勤, 就只有佢! (呀! 仲有...就係由佢選新秀時我已經勁欣賞佢o既hocc) 雖然佢形象唔健康, 個底又花晒...但佢funny, 我buy!

咁話晒係佢十年來第一個演唱會...點都要支持o下! 須知道我不嬲都話所有歌手o既第一次演唱會, 通常都係最好睇o既...因為佢o地儲埋晒最好最正o既歌, 一定會o係第一次演唱會唱晒出o黎...同埋其實我唔知佢仲會唔會有第二次! (哈!)

今次呢個演唱會選曲就真係麻麻喇...一開場"龍咁威"完再唱o左隻同類型但唔知係咩o既歌, 仲要走幾個懶係超人打扮o既物體出o黎伴舞, 佢亦都同d dancer懶係對打咁...十萬個唔該晒! 可唔可以唱番你最拿手o既情歌呢? "龍咁威"都算啦...但係唔好接二連三囉!

跟住又有d好唔知係咩o既歌 (又或者我其實笨唔係佢o既超級fans, 所以有d歌我都唔識)...不過佢唱英文歌真係有一手...even好過佢唱中文歌添! 香港唔係太多歌星可以唱到英文歌, 最怕d咬字都未咬得正o既歌手表演唱英文歌絕技...嚇到暈! (係, 我係好挑剔o既! even我好喜愛o既千嬅都無面俾...唔該你去跟你舊男友學o下英文先, 成日出o黎講埋d好奇怪o既英文會失禮人o架嘛!)

其實佢最耍家o既應該係一開始靠佢o地食糊o既國語歌..."左右為難"呀, "你的眼睛背叛你的心"呀 (係咪叫呢個名呢?), "真摯"咁...但佢居然唔係唱晒, 仲要我睇last o個日係無張學友做嘉賓...但無都唔緊要喇, 你無理由因此連成名作"左右為難"同埋好出名o既合唱歌"甲乙丙丁"都唔唱?! 其實你己經唔係有太多hit歌, 連呢d都唔唱就無咩歌可以唱o架啦嘛!

廣東歌都hit過幾隻o既...當然有近年最hit的"無賴" (記住, 仍然要以利孝和夫人口吻讀出"無賴"[音: 燒鵝瀨的"瀨"]!), 當年拿"最佳音樂錄影帶獎"o既"人若然忘記了愛", 但佢今次竟然上唔到高音(?!)"...再不會離...開...!"o個句...點解歌藝會倒退o左?! 唔知點解一講起呢隻歌, 我一定會諗起mv裡面佢拿住套婚紗係咁跑o個一幕...係咪因為咁所以獲選"最佳音樂錄影帶"呢個豬肉獎?! 而個mv女主角, 係咪陳少霞呢?!

仲有另一隻好深刻又覺得幾好聽o既廣東歌就係"搬屋"...因為呢隻歌正值96年尾頒獎禮o個期推出, 佢次次得獎都會唱呢隻歌...而o個期無論電台/電視台都熱播, 所以好記得! 仲記得tvb個mv係鄺文珣做女主角! 更加因為當年f.6上history堂得幾條人, 所以堂堂都係o係度傾偈 (包括個老師...我好記得佢仲話我成日上堂o係度數錢/搞活動d o野, 似行政人員多過學生...但o個堂真係幾開心, 全年都係傾偈, 但turn out個結果又居然係最好!)...我好記得個老師問我o地覺得o個期邊隻歌最好聽...而佢自己仲話鍾意"搬屋"! 所以對呢隻歌印象特別深刻!

Image hosted by Photobucket.com

仲有, 鄭中基拿港台新人獎時由賭王何生頒獎俾佢 (主要係因為o個年有何超儀候選新人), 何生仲叫錯o左佢做"鄭中基小姐"...因為佢當時長髮披肩! 佢o個時好勁o架喎...係當年"新人王", 鋒頭勁過eason十倍...但係依家...不過都算好o架喇, 等o左十年終於都有得開個唱! 同期o既李中希都消失樂壇, 只可以做“大飲茶”主持!

其實佢咁多隻歌, 我覺得最好聽係"天意"...而且聽到呢隻歌就令人諗起a level o個段日子...好多時都係聽到某d歌, 就會勾番起對某段日子o既回憶! 同期o既歌仲有千嬅o既"因為所以"! 我記得有次呢兩隻歌分別得到港台o既唔知咩總結第一同第二位, 周國豐仲不停咁拿佢兩個開玩笑!

其實我一開始點解會留意鄭中基, 都係因為楊千嬅...即係好似點解會開始鍾意聽許志安d歌, 亦係因為鄭秀文...彷彿係分唔開咁!

不過當時傳中lay同千fa, 同期又傳緊梁炳同千fa...我當時仲心諗: 緊係揀梁炳啦! 點知, 原來鄭中基係funny咁多o既 (well, 其實梁炳都ok funny o既!)...唔知大家仲記唔記得, o個期 (即98年) 903仲幫d所謂有潛質的後起之秀搞o左個"基基東鋒迅"音樂會 (呢個名我好深刻...因為好怪!)...即當時新一批比較紅o既男歌手古巨基, 鄭中基, 陳曉東, 謝霆鋒同埋陳奕迅...o個時鄭中基同eason成日都被擺埋一黨, 好friend o架...因為佢兩個差唔多style, 又係唔多好樣但唱得, 仲要其實佢兩個都幾funny...但係後來唔知點解eason走o左去埋9唔搭8+同佢完全唔同style o既霆鋒堆...哎!

仲有o個d咩"還以為", "想愛你",“時間人物地點”其實都有hit過o既, 但我又唔多覺太好聽..."晴天陰天雨天"都ok, 其實不如唱埋"爆笑急轉彎"主題曲"鍛鍊"啦, 反正同"龍咁威"一樣咁九唔搭八!

最精彩o個part當然係佢唱千嬅隻"可惜我是水瓶座"…因為我去睇o個晚千嬅有o黎, 跟住佢一講佢d緋聞, d人就勁哎千嬅, 點知個鏡頭仲要影埋落千嬅到, 跟住d人又"wow"晒咁...睇得出千嬅個樣勁尷尬+無奈...不過無法啦, 佢o地個名呢世都分唔開! 即係好似d人去安仔演唱會, 仍然會哎sammi...唔通哎韓紅咩? (即使佢o地係真…which我唔知啦? 因為安仔+sammi實在太深入民心, 大家點都會覺得佢o地係一對!) 正如中基同千嬅呢一對又係太深入民心, 即使依家出現o左個阿sa, 大家仍然覺得佢應該係同千嬅一對...無法, 佢兩個又真係襯好多! 阿sa唔係唔好, 但無咁襯囉...咁當然, 襯唔襯係一回事, 佢鍾意揀邊個, 又係唔關我o地事! 不過我真係衷心覺得...佢仲係鍾意千嬅多d (個人意見啦o下!)...同埋佢兩個經歷o左咁多...哈哈!

其實我覺得既然佢都無咩歌可以唱, 好應該唱番隻佢當年作俾千嬅o既"二月三日"囉 (呢招以佢生日日期為歌名o既lum女招數確係掂...不過分o左手俾新女友聽到, 都又確係大鑊!)...好過夾硬懶係排埋舞唱隻什麼"愛情當入樽"...同佢好格格不入, 怪到無影!



仲有一part幾好o既就係搵佢老豆鄭東漢出o黎同佢jam歌...但係點解佢老豆型佢咁多?! 我成日都覺得鄭東漢係劉千石+許紹雄混合版...但係佢一d都唔似佢老豆個樣, 搞到我真係好想睇o下佢阿媽係咩樣...唔係好似佢咁樣呀? 咁咪即係好似五輪真弓? 事關我當年就係o係hmv睇到一張咁o既cd cover...覺得勁似鄭中基...哈哈! (雖然我其實唔知邊個係五輪真弓!)



同埋佢老豆都ok funny呀 (雖然同佢仲差一截), 佢話自己好聽老豆話, 但佢老豆居然話: "我無叫你俾人扑頭喎!"...窒到佢一棟都無!

鄭東漢出o黎o既反應都幾好, 反而阿天后級kelly, 我諗勢估唔到自己會變成一大廁所位...不過咁又無法, 第一, 佢依家感覺都幾out; 第二, 佢同中基格格不入, o黎睇中基o既fans, 又唔會係buy佢o個隻 (我對佢無negative comments, 只係覺得佢都頗yim悶, 同埋乖到同個娛樂圈完全唔夾...), 最重要係...佢居然唱...."大...長...今..."! 一響起"hoo la la hoo la la..."大家立即起身去廁所...可惜我已去o左! 嘩! 大佬! 你o係勁歌金曲唱"大長今"已經夠out o架啦, 仲要係o係人o地演唱會…係鄭中基演唱會唱…你話係liza姐演唱會都話好d呀! 你都要識睇場合去做o野o架?! 仲要呢隻歌一年前唱都out啦, 你居然o係2006年仲唱緊! 作為一隻電視劇主題曲, 佢係ok o架...但不能作為一隻流行曲囉! 當初我話如果呢隻歌拿金曲金獎會係一個笑話 (好彩無!)...點知原來最大o既笑話, 係佢o係呢個場合唱隻咁o既歌! d人無反應不特止, 仲一擁而上去廁所...我諗佢都無諗過自已會落得如斯下場!

仲要佢同中lay o既對話都超yim悶, 超見外...兩個好似真係唔多friend咁...咁就算同公司都唔好請佢o黎做嘉賓啦...玩咩?! 佢兩個話從來未現場合唱過佢o地首合唱歌"製造浪漫"("紀念日"國語版)...咁又係, 佢兩個完全格格不入, 根本真係唔應該合唱...叫阿千fa上o黎唱番隻, 包保氣氛好百倍! 真係辛苦晒kelly呀!

總括o黎講, 呢個演唱會就...ok啦! 唱o個part就絕對得, 但係d歌有一半都不大hit...不過念在我咁欣賞中lay, 俾75分佢(有10分係私人醒o既!)!