10-28(fri) 吳美珩已婚

我發覺我去o左歐遊期間, 真係miss o左好多精彩電視節目, 其一係“翡翠歌星賀台慶”…o係“娛樂直播”睇o左好多花絮, 幾有趣! 仲有見d歌星好落力咁o係後台練習, 諗起以前出場表演前成班人o係後台練一次, 好眾志成城咁…好想睇番呢個節目!

仲有miss o左“人間蒸發”啦…返到o黎 “larp” o左少少結局篇, 好似真係幾好睇…可惜miss o左咁多, 都唔知佢講咩…唔該快d重播, 幾個禮拜前連倫敦唐人街都已經有帶租喇…真係好快手! 新o個套所謂台慶劇“呀旺新傳”…真係唔該晒! 好悶, 好低b, 好難受…真係寧願睇以前鄭則士o係亞視扮o既肥貓都無咁惡頂! Tvb真係唔識“見好就收”o既道理! 仲有宣萱頭幾集個髮型…真係好好好可怕! 可唔可以唔好o係黃金時段咁樣嚇大家! 反而湯瑩瑩個造型我幾impressed…完全認唔出係佢!

今期1周刊o既封面故事居然係: “吳美珩已婚”…一d都唔吸引囉! 唔係話吳美珩唔吸引, 須知道我都ok buy佢, 而係吳美珩已婚呢件事一d都唔吸引…居然可以用o黎做娛樂頭條, 我都唔知佢點賣紙?! 你話如果係“胡杏兒已婚”咁都可能吸引d…吳美珩已婚有咩咁出奇呢? 不嬲大家都以為佢已經結o左婚o架啦, 傳都傳o左好多年, 亦都唔係大家太關心o既事情…同埋佢個感覺亦都有d陳慧珊feel, 所以係咪結o左婚其實好似無咩大分別!

標題一d都唔八卦, 一d都唔吸引人去買…反而之前o係倫敦唐人街見到本“小雪老公同蔡慧敏開房”就有娛樂性好多…咁先可以做“娛樂頭條”o架嘛! 更好笑o既係禮拜日出街食飯咁o岩睇到電視, 亞視有個查小欣+江欣燕+毛舜筠o既talk show訪問蔡慧敏, 佢話唔知點解小雪老公會有佢間酒店房o既鎖匙仲入埋去, 查小欣話可能因為蔡慧敏同小雪o既全名蔡雪敏只係差一個字, 佢老公搞錯o左…好抵死! 笑死我!