2008年5月25日星期日

5-25(sun) 半條人命

病入膏肓, 不日update...

幾日裡面經歷了發冷發熱發燒骨痛喉嚨痛咳etc., 依家進展到失聲, 一粒音到發唔到...得番半條人命...好痛苦! 尤其出唔到聲對我呢d咁鍾意講o野人o黎講...實在係人生一大痛苦! :((((((

聽日仲要做一樣必需要開聲的工作...點算?! :(

(更新)5-26: 十分感激各位o既關心同埋祝福...我今日成功咁完成o左o個項"必需要開聲的工作"...真係thank GOD聆聽我的禱告! 我尋晚真係幾驚o下, 如果真係完全開唔到聲到真係唔知點算? 臨時臨急點搵人代我去...呢次真係"淆底"! 好彩今朝都開到少少聲, 唔理啦, 至少發到音完成到項工作都運得神落! 之後又去睇醫生 (呢幾日裡面第三次, 亦係第三個...因為個個都睇唔好, 不過呢個聽聞ok!), 佢話我咁聲都仲返工, 俾o左一日假我 (雖然其實只係剩番半日)...本來諗住唔放, 因為上星期五已經請o左一日sick leave, 不過諗o下我咁o既狀態都做唔到d咩, 所以最後下午都係放o左半天假返屋企休息...哎...點解我會搞成咁?

我今日把聲係變o左一個走音走多十賠版的伍小生..."支持靚聲王o既...請~坐~低~~~"...oh, 一定係笑得小生多的報應...sorry呀, 小生! 我唔敢啦...:p

大家有無開聲的良方呀? 雖然完成o左o個項工作, 暫時都唔急於開聲...但係講唔到o野對我o黎講真係好唔方便...我最緊張係把聲...點解要我失聲...點解咁玩我喎?! 雖然我o既苦, 比起四川地震災民真係完全微不足道...

(更新)5-27: 今日我又再次完全失聲, 一粒音都發唔到...原來人o既意志力真係可以好強, 尋日要去做o個樣"必需要開聲的工作", 我居然奇蹟地開番少少聲, 今日, 又再係伍小生把聲都無埋, 咩都講唔到...講不出聲~講不出聲~~~真係令我深切地感受到聾啞人士o既痛苦 (雖然我只係啞...touchwood)...亦令我深深咁體會到, 幸福真係唔係必然...你今日擁有o既o野, 唔代表你聽日仲能夠擁有...好多你take it for granted o既o野, 原來一下子失去, 係快到你預計唔到...可能我諗得太多, 不過我覺得我今次失聲都真係有得著o既, 起碼令我上o左寶貴o既一課! 有好多道理你知道係一回事, 到你真係經歷又係另一回事...! 講不出聲對我o黎講真係好大o既節磨, 當你面對面同人重覆講三次同一句說話但對方都聽唔到你講咩, 簡直係忟到想喊...都莫講話完全講唔到電話喇...oh! :(((