2-18(wed) 電視金曲慶團圓

一路都唔記得講, 新年之前去o左睇一個香港小交響樂團 x 朱凌凌o既 “電視金曲慶團圓”…其實呢d樂團concert我都ok鍾意睇o既, 咁當然crossover電視金曲就開正我o個瓣添啦…唔去睇都對唔住自己! 不過佢宣傳真係唔夠, 我都係o係開show前一個禮拜咁o岩o係地鐵見到poster, 如果唔係都錯過o左!

樂團concert聽得多, 電視金曲聽得多…但兩樣夾埋就聽得唔算太多…幾有新意喎, 個flow都唔錯! 首先係經典電視主題曲, 然係係跟住一日o既電視節目表咁落…兒童節目, 新聞, 天氣報告, 劇集, 綜藝節目…連“每日一字”都有! 不過係要我o地呢個年代的朋友先特別有共鳴, 廿歲出頭又遲開始睇電視的朋友, 原來真係會唔知“每日一字”係咩! 下次大家如果見到有呢d show, 記住通知我!

有日睇“無間音樂”訪問g.e.m., 佢話o個日o係勁歌同古巨基合唱佢o既經典金曲“歡樂今宵”…古巨基話覺得同個小妹妹合唱呢首歌感覺好怪, 阿古sir問阿g.e.m.小妹妹知唔知呢首歌內容係講咩, 佢話原來係講一夜情…噢, 我聽o左咁多年都無為意…佢咁講完再睇番d歌詞, 又真係好obvious…噢, 我真係“背”!

去歌…古巨基 - 歡樂今宵


原來好多時我聽歌都無去研究歌詞的意思…另一首“衣櫃裡的男人”, 我有個“英文人”朋友問我知唔知呢首歌應該係講“基”的? 我又真係完全唔知喎…佢話因為英文“man in the closet”的意思係咁解…但係我再聽番呢首歌o既歌詞, 又反而唔太覺有咁o既意思…其實係唔係呢…?

去歌…梁漢文 - 衣櫃裡的男人