2005年9月21日星期三

9-21(wed) 星光熠熠耀保良2005

完全唔知“勁歌金曲”調o左去禮拜三做…差d miss o左! 一返到屋企開電視居然見到呀叻o係度唱歌…真係好難聽! 不過…勇氣可嘉!

今期一定要講o左先o既係前幾日o既“星光熠熠耀保良2005”!

估唔到今年o既“耀保良”幾精彩喎, d同事話好多年前呢個都係香港市民必追o既大show之一 (其實齋講節目內容, “星光熠熠耀保良”係精彩過“歡樂滿東華”添…不過“東華”做通宵, 所以感覺上好似勁d咁!), 但近年o黎確係悶o左好多同埋cheap o左好多, 但今年搵到好多精彩嘉賓, 每part都幾精彩…質素又ok番喎!

首先最正就係搵到好多八十年代歌手出o黎…美人話正係因為今次呢個show咁“懷舊”, 所以我先會咁欣賞o者! 咁又係o既…俾你一語道破添! 今次個show有好多我最熱愛o既八十年代經典歌手+經典歌曲, 好似林憶蓮, 關淑怡, 草蜢, 太極, 譚校長…其實全部都係即將開演唱會o個堆! 好明顯呢堆八十年代紅極一時o既歌手d“老本”已經食晒, 要出番o黎搵食…尤其帶住個女/仔o既林憶蓮同關淑怡!

Image hosted by Photobucket.com

當然, 最精彩o個part梗係呢幾日娛樂頭條:“楊千嬅鄭中基手拖手合唱”啦! 當晚同d同事一走入間茶餐廳就睇到佢o地合唱o個part…因為我事前無睇過報紙, 所以都有10個驚訝…但又有10個精彩…確係一個好勁o既gimmick!

唔好話拖手唱情歌呀, 一睇到佢兩個分手後首次同台演出已經好令人震驚…返屋企睇番錄影帶又確係見到佢o地拖手出場o個part現場真係起晒哄囉! 係好笑o既…不過d人又好似過份敏感o左d…拖手唱情歌其實好正常o者, 只不過因為主角係佢兩個先有咁o既反應! 同埋佢o地揀o既情歌都無咩特別呀…情歌o既歌詞都不外乎“I love you”呀,“you miss me”呀咁o架啦! 又話楊千嬅唱到“是你變了”就望住鄭中基 (呀唔係, 人o地依家個朵叫“鄭中袖”), 跟住兩人唱到“I love you”時又不時深情對望…其實唱歌就緊係會對望o架啦, 唔通全程無眼神交流咩? (?…我又的確o岩o岩睇到一個節目有兩個人唱情歌完全無交流…係邊兩個人? o係個節目? 聽日再講!)

o岩o岩睇到其中一段報導, 千fa叫大家欣賞佢o地“這份勇氣和誠意的貢獻”…咁樣形容幾好笑o下!

***********************************************************************

一個慈善騷,造就了千嬅與舊愛鄭中基合唱機會,性子爽朗的千嬅謂:「這次是保良局邀請,亦有一定娛樂性,對社會算得上是貢獻,自覺不會尷尬,不過大家都忙著其他工作,還未有時間一起綵排過,雖然我們分手多時,兩個名都無分開過,好得人驚。」大家都關心這對舊情侶在台上有否眼神交流?千嬅表示作為專業藝人,上到台便不會顧慮其他事,(會投入到拖手嗎?)要視乎舞台的走位,如果驚滑倒都會搵人扶一把,哈!哈!總之我們在台上的表現,都希望大家欣賞我們這份勇氣和誠意的貢獻。」

***********************************************************************

真係佩服呢對過氣情侶…最抵死係佢o地合唱完之後, 鄭中基就接住落solo“無賴” (當然, 佢呢期除o左唱呢隻歌之外仲可以唱邊隻呀?)…好應景! 仲要呀sa都同場, 真係估佢o地唔到…咁“大方”! 仲有, 楊千嬅呢期唱live唱得好o左…不過相信都無人能夠差過o個個盧巧音o架喇!

另一精彩環節就係80年代同依家最紅o既組合草蜢同twins crossover唱+跳“失戀”+“忘情森巴舞”+“森巴嘉年華”…個idea幾好, 幾精彩o下! 可惜twins跳舞始終唔係十分掂…俾佢o地破壞o左我最鍾意o個首“失戀”添! 不過佢o地都好落力o架喇…尤其o係呀sa好“酸溜溜”o既情況下! o係茶餐廳個電視睇到佢o地呢part表演, 個同事話整咩呀嬌肥o左咁多, 我o地以為係茶餐廳剖電視機o既問題, 但返屋企睇番錄影帶, 發覺呀嬌真係又肥番, 係咪張玉珊用晒d資源落欣宜度呀?!

仲有一part就係克勤唱佢d經典金曲…“深深深”呀, “月半小夜曲”呀…你知我幾buy佢d舊歌o架啦…所以即使唱到爛晒, 我依然欣賞! 配以港姐冠亞季軍+最上鏡小姐一邊做手語一邊唱歌…葉翠翠真係好唔討好…點睇都唔似港姐冠軍, 睇番佢以前做model d相…普通model都靚過佢! 亞軍陸詩韻反而幾有potential!

仲有克勤首新歌"情非首爾"…都幾得意o下! 唔係睇d歌詞, 我都真係唔知原來漢城改o左名叫首爾…我一路都以為首爾係另外一個地方o黎o既添…真係恕我孤陋寡聞! 即刻上網check下邊個係作詞人, 點知原來係克勤自己…佢寫d詞都幾好喎! 佢早期o既作品“瀟瀟颼颼悄悄夜靜無人伴我行是寂寥…絲絲點點細雨串串落下迷離撲朔飄渺…”已經唔錯…咁多年o黎依然不時keep住有佳作面世! 之前睇報導居然話佢會考中文拿C…但佢d中文一d都唔似得C喎!

(小資料: 漢城改名首爾剖析)

同埋郭富城真係瘦得滯, 好似難民咁, 唔多好睇…原來減肥過度係會以後肥唔番, 真係物極必反! 同埋以佢依家o既地位, 有咩可能可以唱壓軸? 係都應該克勤或者譚校長啦!

仲有, 又係俾o個個崔健邦做主持…無線真係對佢好好! 再加埋個葉翠翠, 真係唔該晒! 不過除o左呢d不足之處, 今年o既“耀保良”, 真係一個幾好睇o既show…直得推介, 大家如果無睇快d上網搵番o黎睇啦!

(p.s. o岩o岩睇“酒店風雲”…原來官恩娜係女俠o黎o架…我之前無咩點睇完全唔知! 嘩! 好堅! 一個打四個! 仲有郭可盈+馬德鐘+吳唱k o個d“局中局中局中局”…好?膽, 又好老土! 但最老土o既係…有個茂利日日?o係電視機前面追睇d咁o既“困局”!)