8-18(thurs) 草蜢廿週年

原來草蜢話咁快就廿週年, 三個明明唔o岩又要為o左錢再走出o黎扮friend開演唱會, 都幾係慘! 蔡一傑仍然以為自己仲係十八廿二, 擺副靚仔樣出o黎…但佢無為意時光已經飛逝, 我o地呢d由細細個開始睇佢o地o既…依家都已經一把年紀啦! 話雖如此, 我都幾有興趣睇佢o地o既廿週年演唱會…畢竟草蜢真係我o地個年代炙手可熱o既偶像…當時年年勁歌o既組合金獎都係由佢o地?; 而“失戀”, “忘情森巴舞”, “lonely”, “三分鐘放縱”等…仲有佢o地隻成名作“飛躍千個夢”, 都係我o地年少時好重要o既回憶!

o岩o岩睇“東張西望”見呀“思琦姐”又唔記得稿, 對住鏡頭啞口無言, 跟住望住梁榮忠o係度笑…梁榮忠就就唯有講埋佢o個份…做佢拍檔真辛苦! 真係好鬼死欣賞佢做o左4年都咁鬼廢!

之後再睇埋娛樂新聞報道o個段周杰倫對記者動粗片…無論人o地點挑釁佢, 都係好失禮! 今次俾人拍晒成個過程, 已經點解釋都無用喇…!

btw, 一定要讚一讚同我同年同月同日生o既陳宇琛o係“妙手3”o既演出, 做得好稱職, 好有說服力, 幾討好…上次以為佢做“甜酸爺爺”個死o靚仔角色做得咁出, 係因為似番佢自己…但原來佢真係幾有演技, 今次做呢個咁認真o既MO仔角色都做得幾好!

又“larp”到套咩“青春援助交際”無聊港產片, 見到今屆o個個港姐18號袁彌明…原來佢真係o係多年前拍過戲 (套戲好似係98年)…咁依家真係好樣o左好多…女大十八變! 仲有長髮陳豪…o個時型d, 但依家討好d! (同埋原來佢咁早期已經變番“靚聲”, 反而佢以前把“拆”聲仲襯佢!)

p.s. 前幾日o係銅鑼灣見到陳?霖+幾個工作人員 (我諗係)…但完全無人理佢!