2005年11月19日星期六

11-19(sat) TVB38年, 人氣所在創新天

話咁快又台慶喇…咁當然又循例要預測o下賽果! 雖然近年o黎tvb“派獎”派得愈o黎愈random, 但點都要俾面估o下o既!

好! 長話短說, 台慶鉅獎九連環:

(唔係睇報導, 我都唔知道原來“我最喜愛男/女主角”已經改o左名叫“最佳男/女主角”…係咪意味住更加可以唔理觀眾意見, 求其話專業意見覺得邊個係“最佳”就係“最佳”?! 以上純屬個人亂o翕意見!)

1)最佳男主角

我想: 苗僑偉…係鍾意呀! 其實郭晉安都真係做得幾好…呢期愈睇阿旺, 愈發覺佢演戲真係有一手, 型又得, 低能又得, 忠又得, 奸又得…不過今次個阿旺同上次個阿旺個迴響就差好遠! 仲有“甜孫爺爺”o既鍾景輝同埋“奪命真夫”o既溫兆倫都做得好好! 但係報導話陳豪最大機會喎…雖然我都ok buy陳豪, 但我又唔覺得佢o個四套戲有太特出o既表現!

我估: 陳豪…因為力捧緊! (但係我都好希望係苗僑偉)

2) 最佳女主角

我想: 吳美珩…呢期花旦之中係最buy佢! “妙手”係做得型喎! “真係好sorry”o個套就sorry d, 仲有 “開心賓館”都?命d…佢都係只可以做d pro o既角色!

我估: 三大花旦汪明荃, 黎姿同郭可盈之爭嘛! 前幾期都已經analyse過…三個之中我會prefer阿姐多d, 但係…我都係估會俾郭可盈…因為…佢想?嘛!

3) 飛躍進步男藝員

我想: 必然之選…“妙手”的曹永廉, 41歲可以做到27歲咁…勁呀! 仲有, 佢都好落力咁製造d新聞俾自己…無啦啦10年o黎都唔講, 忽然自爆原來已經41歲…夠震撼! 簡直係 “你震撼我的心靈”! 但係又話“我最喜歡”o既馬國明呼聲高喎…咁又係, 佢又係力捧o既新星…不過佢好似話會?男配角多d (今年又加多個獎…就快好似金曲咁加到12隻, 再醒多幾個豬肉獎!)…哎! 仲有我都係好憎o既mk青年黃宗澤…今次佢o係 “阿旺”度做個型男係ok有型o既…但唔該真係唔好配宣萱囉! 仲有, 其實陳宇琛o係“甜孫爺爺”o既表現都好出位!

我估: 希望係曹永廉…但似乎會係黃宗澤, 因為佢呢期最受力捧, 同埋依家熱播緊 “阿旺”, 可以食住個勢! 同埋平心而論, 佢今次o既表現係幾躍進o既!

4) 飛躍進步女藝員

我想: 廖碧兒…因為我buy佢! 同埋o係受力捧o既小花旦之中, 係佢未?過之嘛! 葉璇都未?過, 但未等到已經走o左佬喇! 其實論表現, “妙手”o既姚嘉妮都very good! 仲有“阿旺新傳”o既唐寧都ok o既!

我估: 聽聞周麗淇係大熱喎! 但我都係tip廖碧兒高一線…因為佢有陽光笑容, 我鍾意!

5) 最佳男配角

我想: “阿旺新傳”o既秦沛或者“甜酸爺爺”o既夏雨…名單中係得呢d揀得落手!

我估: 馬國明…無得講…因為曾華倩撐佢嘛…哈! 其實因為佢被力捧嘛!

6) 最佳女配角
我想: “胭脂水粉”o既商天娥或“阿旺新傳”o既湯盈盈…一句講晒, 兩個都做得好好!

我估: 湯盈盈...呢期hit到爆…實至名歸! 之前已經講過, 我真係對湯盈盈o既表現好impressed! 初頭睇真係完全唔認得佢…心諗: o係邊度搵個咁醜樣o既女人?! 但睇睇o下先發覺係不嬲做開美艷女子o既湯盈盈! 我同個朋友講o既時候佢仲要死都唔信o個個係湯盈盈…非常脫胎換骨! 抵佢好囉! 見佢做o左咁多年終於守得雲開都好戥佢高興! 同埋尋晚睇佢o既“娛樂直播”訪問, 覺得佢個人都幾pleasant, 幾討好, 同埋幾真誠! 李笑好係呢期最hit o架喇!

7) 最佳節目主持
我想: “勁歌金曲”o既何韻詩/“殘酷一叮”o既李克勤 (比較prefer阿詩多d…但同無線契仔鬥…難度比較高!)
我估: “殘酷一叮”李克勤 (除非無線想玩o野, 咁或者會俾梁榮忠!)

8) 最佳劇集
我想: 甜孫爺爺/妙手仁心 III (無o既, 係鍾意睇!)
我估: 胭脂水粉/酒店風雲 (大製作嘛…台慶劇嘛! 不過“妙手”都有d機會o既!)

9) 最佳綜藝資訊節目
我估: 殘酷一叮 (係呢個比較出位…我唔想再揀“獎門人”!)

10) 最佳宣傳片
我估: 藝訓班 - 紅星上身 (淨係呢個比較有印象!)

11) 最具創意節目
我估: 香港先生選舉 (是但啦, 唔係就“殘酷一叮”啦!)

12) 最佳外購劇集
我估: 大長今 (呢個no dispute喇o卦?!)

好啦, 循例估完晒喇! 我要去午睡刻抖足精神今晚睇台慶…事關尋晚又無?到…依家有少少魂不附體!

Image hosted by Photobucket.com

睇到以上個banner, 大家都應該知道“四喜臨門賀台慶”已經達成o左…yesasia順利o係台慶前launch到呢篇“tvb38年, 人氣所在創新天”台慶article, 完全寫出我o既心聲 (尤其第一段o既第一句)…正所謂“同學愛新鮮, 台慶大過天”! 最後, 無線台慶亦即係“芒姐日記”開張紀念日! 話咁快就3週年…多謝晒!