2006年1月18日星期三

1-18(wed) 2005十大勁歌金曲頒獎禮 (下)

(續前篇)

呢幾日o係o個d咩“娛樂直播”同“東張西望”重睇o左好多次今年勁歌總選…確係做得幾好, 至少o係製造氣氛方面, 做得好好…tum得d歌手好開心! 而無線向來分獎亦都想辦法分得好“暈”o既…皆大歡喜囉! 好似soler?o左組合獎咪無新人獎囉…krusty又?個唔知咩新星歌曲獎咪又可以唔洗分個新人獎俾佢o地囉…但最最最估唔到係“台慶飛躍進步女演員”周麗淇居然無獎?…無線好少咁對d“自己人”o架喎! 唔通?o左台慶獎就無勁歌獎?

不過無線“親生仔”吳卓羲…點都“正常地”larp番個男新人銀獎…咁先“無線”o架嘛! 可惜做得太明顯, 俾人噓到抽筋! 但係點解 “領會”同 “三角兩面”無獎o架?! 點都要分個俾我個林峰o架嘛?! 實在太唔俾面喇!

而前“女宿”o既toby, 居然爆冷?個女新人銅獎…就算佢真係咁受歡迎, 都反而唔應該俾佢啦…明知會有閒言閒語都照咁做, 實在有d核突! 咁阿niki d歌又好似真係hit過toby喎! 梁家樹同蕭笑鳴o既實力果然係勁過拍幾套劇換獎o既…何況toby都好似會拍無線劇, 仲同吳唱k拍檔添! 真係別怪她喇…! 不過唔該下次練好少少d戲…不停抽搐但一敵眼淚都無…確實有點兒那個!

Btw, 我發現Krusty其實唱同埋跳得好過初出道o既twins…不過佢o地無咁靚女囉! 而雖然我完全唔明點解陳苑淇可以?傑出表現銅獎…不過佢o既表現真係好好笑! 佢講o既肉容真係好騎呢…笑死我! 同埋, 解開o左上個禮拜寫出o黎o既疑團…原來謝安琪同張繼聰係讀大埔恩主教!

雖然我以前真係麻麻地kenny, 因為佢個樣太女人型, 但係呢期佢表現真係幾好, 唱得好o左, 講o野又講得幾好…尤其今次得獎講得幾得體…呢期英皇最睇得順眼反而係佢! 但好明顯d人真係好唔鍾意英皇歌手, 繼上次容祖兒o係叱吒俾人勁噓, 再明知故問&火上加油地問人: “你o地唔係噓我呀?”, 今次twins再一次擊敗草蜢?組合金獎時, 又俾人噓…真慘! 草蜢都算勁…十幾年後, 又再?組合獎! 但佢o地個造型…搞咩呀?!

仲有薛海琪o係“新人”之中都算最巴閉, 坐第一行不特止, 仲有歌入十大…但講真, 雖然我ok佢, 但我又唔覺得“男孩像你”有咁hit喎?!

Image hosted by Photobucket.com

最騎呢係無啦啦個“公益金LIVE大不同”變o左跳舞…唔係唱歌o既咩? cut o左呢part唱多d歌好過啦, 咁9唔搭8! 仲要每首得獎歌都只係唱得一段仔, 到喉唔到肺…每首歌唱耐d好過睇埋d無聊舞蹈表演!

更騎呢o既係出名好矮o既amigo忽然高o左好多, 好明顯佢一定係著o左郭富城最興著o既六吋內?鞋…不過我都不得不讚佢o既表現…雖然我不嬲係唔buy佢, 但我開始明白無線點解咁力捧佢…因為佢的確係有佢過人之處! 講句公道說話, 佢o係新一輩之中的確係最伶牙俐齒, 同埋執生執得幾好, 有時仲居然可以提番曾志偉添…係有d料o既! 不過原來佢唔係真係咁新, 好似o係新城都做o左一段時間! 同埋, 佢最掂o個樣唔係佢o既急才, 而係佢o既擦鞋功力!

仲有, 最後o既頒獎嘉賓陳秋霞後生真係幾靚, 依家都keep得幾好, 仲要琴技真係一流…自彈自唱係型o既, 梁詠琪都係想學佢走呢個路線, 但又唔夠人o地o既功力…最緊要係形象唔夠人健康嘛!

不停咁俾人問我一d好難答o既問題, 例如: “究竟劉德華結o左婚未o架?! 點解佢可以做克勤o既伴郎?!” 我真係唔知…你估我係朱麗蒨咩?! 跟住又問我: “你睇佢o地個樣, 你估李克勤同容祖兒事前知唔知自己會得獎? 我覺得容祖兒個樣好似知道…” 我只可以: “是但啦…” 我真係唔知, 亦都唔care! 跟住又話: “今年賽果幾好呀, 我覺得“無賴”好聽過 “夕陽無限好” [呢點我認同!]…但係歌?面個女人指邊個呢?” 我話: “我諗佢以前所有女友o卦….?!” 真係唔好問d太難答o既問題呀!

跟住佢再話: “呀擦鞋仔 (指amigo) 真係好鬼醒, 一見到利孝和夫人頒獎即刻幫佢擦埋信封, 其他嘉賓又唔見佢咁做, 真係好識do!” 真係睇得好dee-till, 連每個歌手o既表情佢都要analyse…頒金曲金獎時陳eason同古巨基個表情, 都係佢同我講o左好多次我先留意到!