2006年5月24日星期三

5-24(wed) 李克勤n年前音樂特輯之...熱浪迷情

前幾日又心血來潮拿番幾年前有朋友送俾我o既tvb n年前佳作..."李克勤音樂特輯之熱浪迷情"vcd出o黎睇! 其實佢o地送o左俾我咁耐, 我都未睇過! 今次真係唔睇由自可, 一睇直頭一發不可收拾啊!

好耐無睇過呢個拍於克勤最紅時期o既特輯...雖然九十年代初期, 每逢有咩打風落雨要播d臨時特備節目, 一定會播呢個特輯...但近十年又無睇過lu!(即係正如我曾經話, 八十年代尾永遠都係重播哥哥同李麗珍拍o個個時光倒流特輯, 但往後又係無再播!) 一聽到d片頭音樂, 已經有久違了的感覺...oh, 我的九十年代彷彿全部返埋o黎!


(大家仲記得90年tvb o既 “翡翠陽光, 晒一晒靚晒”口號嗎? 呢本係香港電視o既90夏日特刊)

呢個特輯拍於1990年, 係無線90年暑期重頭巨獻...除o左當紅男歌星克勤, 仲有三個靚女劉小慧, 林詠嫻同關淑怡 (林穎嫻同劉小慧真係幾靚...關淑怡就...都ok o既!)...又的確係賞心悅目! 仲有, 不得不提o既係當年o既御用“茄喱啡”林家棟先生又做番佢最拿手o既角色 - 主角的朋友…同“浪族闊少爺”情況一樣! 而o個期又係克勤冒起得最勁o既年代...八十年代譚/張/梅淡出, 大家一致睇好克勤會係接班人...點知...! 不過當時仲未到"點知..."o既階段, 黎明又未發光發亮, 華仔先o岩o岩踩番入歌壇...克勤一片形勢大好...所以都"不惜工本"去泰國拍個靚靚音樂特輯…實收得嘛!


( “晒一晒, 歌聲都靚晒”…克勤個特輯係tvb90年暑假巨獻之一)

其實o個期d音樂特輯真係個個都幾好睇o下, 同依家o個d無得比 (基本上依家都唔多點拍音樂特輯喇)...劇情就...唔可以有咩expectation, 又係"鄧梓峰"式無無聊聊茶杯裡的風波o個隻, 但無所謂啦...有靚人靚景, 同埋最緊要d歌好聽嘛!

克勤d舊歌, 相信唔洗我多講...點解佢d"食老本"演唱會可以長做長有, 已經證明o左一切! (詳情請參閱李克勤06得心應手演唱會) 仲要我個人認為佢90年或以前o既歌, 係佢舊歌之中最好聽o既...之後o個d都好, 但始終最經典o既, 一定係"月半小夜曲", "大會堂演奏廳", "深深深", "夏日之神話"o個d...而呢個係佢第一個音樂特輯, 所以幾乎有晒呢d歌! 最正就係三句唔埋, 兩句就會播番首歌...呢d就係音樂特輯o既最大特色! 而佢o個期d歌, 真係一聽個前奏就包你識唱...唔叫"耳熟能詳", 都唔知叫咩好?!


(仲記得“海之子”同 “海之女”嗎? 包括林文龍/張衛健/劉錫明/陳嘉輝+黎美嫻/胡瀴汶/梁珮玲/陳珮珊)


當年都唔覺呢個音樂特輯d歌咁好聽...可能有d o野真係要經過年月洗禮先特別正! 成個特輯係得臨尾有兩隻歌比較少聽, 其他o個d真係hit中之hit! 再附送多隻關淑怡o既大熱作品"難得有情人"俾你...一聽到呢隻歌, 只能夠諗起小時候o既"花王午間劇場"...呢套係"結婚物語"定"婚姻物語"定咩o既主題曲呢? 我又真係唔係好記得! 只係一聽到呢隻歌, 就會諗起下午兩點三...!

仲有, 當年克勤同shirley有隻合唱歌叫“一切是創造”, 好似係 “天上凡間”o既主題曲…旋律都幾得意o下…大家仲記得嗎? 最好笑係卡拉ok版o既mv居然係講玩劍擊, 仲要有樊亦敏做女主角!

發覺克勤當年d戲已經幾好, o個d自問自答呀, narrator形式o既旁白, 全部都做/講得好傳神, 戲又交足, 又青春活力, 又靚仔 (我真係覺得o架喎...你o地唔認同咩? 初出道o既克勤, 肯定係偶像派, 只係佢有埋實力派歌藝呢個bonus...! 呢d陽光男孩, 當年係殺晒o架喎...雖則佢個頭就有d"清裝"feel...但整體都非常ok呀!)...抵無線年年都搵佢拍戲!


(仲有翡翠夏日劇集…包括“孖仔孖心肝”, “戀愛快拍”同埋“同居三人組”)


我係唔明點解佢個勢一路咁好, 忽然會搞成咁?! 真係因為佢囂? 囂過佢而又囂唔起o既, 大有人在呀?! 佢咁醒, 其實絕對囂得起呀…無理由係因為咁而由本來大紅變成大dup o架? 佢一生都幾傳奇喎!

即使91年黎明起o左, 我睇番d舊大眾電視, 都有好多克勤擁蠆寫信去投訴話點解成日淨係登黎明d o野而忽略克勤...o個時佢都同黎明平分到春色...但再到"四大天王"呢樣o野出o左o黎, 佢就真係好似被"飛"o左出去...點解會咁?! 究竟當時發生咩事呢?! 我明白娛樂圈呢d o野係一命二運三風水...好多人連紅都無紅過, 仲慘過佢! 但既然佢當年都紅到, 即證明佢聲色藝+運氣都有d...點會忽然搞成咁呢?! 睇番呢個特輯, 都幾令人感慨...不過好彩...10幾年後佢終於都守得雲開! 我呢d作為佢多年o既"支持者" (我覺得我並不是fan屎), 都好戥佢開心!



無睇過呢個特輯o既朋友, 真係不防買番隻vcd o黎睇o下...重溫o下九十年代o既青春氣息, 搵番一d童年回憶!