9-11(fri) 愛者有其屋

噢...尋晚唔覺意睇到節目表, 居然發現亞視深夜4:40重播我當年好鍾意睇o既"愛者有其屋"!!! 哎…咁辛苦等到佢重播我又miss o左頭幾集, 真係激死人啦啦啦啦啦~~~~~!

呢套劇相信無人睇過, 比較冷門…當年好似係下午1點幾首播o個隻…咁o岩o個時考試早放,所以先睇到! 可能因為真係太冷門, 所以網上完全搵唔到...想睇番都無得睇! 亞視咁鍾意重播又重播d劇集, 但又好少重播呢一套, 依家等到佢重播, 我又miss o左頭幾集…需知道其實第一個單元 (蔡濟文+葉靖怡o個個) 係咁多個單元之中最好睇o架嘛…天意實在太弄人喇!

“美女廚房”悶ｏ左好多集, o岩o岩上個禮拜楊千嬅+王菀之o個集終於好睇番…可能因為佢o地o既身份, 同埋因為佢o地本身都係玩得之人! Um…我知係完全唔關我事, 但我依然覺得楊千嬅真係同鄭中基最襯囉…haha:p

“古靈精探B”就快播完, 但我真係幾乎未睇過…so sorry! 我諗其實呢套都應該ok好笑o既…但真係未有時間追番! 至於“有營煮婦”, 當然都只係larp 過兩三分鐘…其實呢套又係想走咩路線o架呢?