2006年1月29日星期日

1-29(sun) 合皮猜列時扭耳+合皮60000

狗年第一次同大家見面, 循例當然要講番句我最鍾意o既: “狗年行大運”! 大家都知我不嬲都唔係特別好口o個隻, 祝賀說話係得咁上下…或者學官恩娜小姐o係tvb“送雞迎狗”show講句:“心想事情”囉! (人o地中文唔好呀嘛…但幾好笑囉…我鍾意! 不過都唔夠利夫人o個句 “無賴”精彩!)

個除夕倒數節目, 又係派一堆英皇歌手出o黎唱口水歌…但今年cheap到要唱番上年o個隻, 仲要連最紅o既twins都無埋! 其實twins今年都好似有隻新年歌什麼“又金又銀”咁, 仲走o左去周啟邦間金光閃閃屋企 (mainly係個金廁所) 度拍mv…但係比起前幾年o既“孖寶668” 同“你最紅”已經今非昔比…到2004年好似孖住boyz整o左首新年歌, 但已經唔記得o左叫咩名…上年o個隻類似係叫“八星報喜賀賀喜”…但係今年無o左twins同埋steven, 得番kenny, deep, yumiko, isabella同don再加個mandy, 覺得咁o既卡士就得?! 英皇今年唔知點解搞成咁?!

同埋點解呢幾年新年無晒o個d深夜一晚做5集o既劇?! 我好鍾意咁樣一氣呵成睇o架嘛!

以前新年之前又會提早出晒d雜誌 (依家好似都係), 我亦會好開心咁一個禮拜?面買兩本香港電視…除o左雜誌會o係新年休息, 我發覺我睇開o既日記都大部份會o係新年休息…大家o係新年太多節目, 無時間update, 都話網絡真係社會o既縮影!

Image hosting by Photobucket
(happy 60000)

不經不覺, 呢度已經o係狗年之前衝破o左六萬大關, 今次我自己capture到!

但係呢個happy60000都唔夠勁呀, 最勁o既係…各位觀眾…五條煙!!! 仲要最別具意義o既係由網絡人氣偶像princess diane幫我cap嘛…你話係咪威先?! 真係多謝晒…我自己都無留意到呢個數字! 有無人可以再教我多次點樣cap o野? 之前有朋友教過我但又唔記得o左, 搞到我成日要用個已經壞到唔壞o既相機o黎影低佢...仲要反晒光添!

Image hosting by Photobucket

o係呢幾年o黎, 我曾經推介過銀姐姐o既網頁俾好多朋友睇, 因為佢寫o個d內容真係好o岩嘴型, 大家都對八十年代o既電視劇咁鍾愛, 好難得先可以搵到咁精彩, 資料又咁豐富o既網頁! 仲要佢d畫真係好生鬼+可愛…抵有咁多人喜歡! 連我呢d從來都唔download wallpaper o既人, 唯一d/l過o個張, 都係佢o既作品! 真係連阿叔都讚好!

Image hosting by Photobucket
(我唔係吹水o架, o係我d英國舊相度, 我搵到呢張o係hall度影o既相, 電腦上o既正是你的“天又藍” wallpaper!)

所以話, 人與人之間o既緣份真係好奇妙, 本來我o地可能一直互相睇大家o既日記但又互不相識, 但因為某d原因終於“認識”o左, 可能呢d就係我o地o既“緣份”! 我個friend話我o地呢d係“star star knowing each other”(惺惺相惜)…雖然我好欣賞佢呢個term, 因為幾鬼馬, 又幾creative, 但我又真係不敢苟同喇…你o既遊樂場o既遊玩人次係幾百萬 (仲要係幾年前o既數字, 依家應該有幾千萬), 我呢d幾萬貨仔真係見笑…同埋如果我畫o既公仔有你一半美麗我都已經偷笑…自從中學開始, 次次art堂都俾人力挫我o既信心!

Image hosting by Photobucket
(哈哈! o係小掃除時摷到我o既舊畫作…幾美麗呀! 我真係覺得幾美麗o架 [以一個小朋友o既standard o黎講], 起碼色彩繽紛呀…只不過係我一路停留o係呢個standard之嘛!)

仲有呀, 原來禮拜三朝早10:30開始重播以下兩篇articles都有推介過o既“楚留香之蝙蝠傳奇”…非常好睇o既八十年代佳作之一…多得同我有一樣喜好o既獎門人報料, 話我知會做“蝙蝠俠之…” (哈哈哈哈哈…)…多謝晒您! 呢套戲雖然睇過好多次, 但都萬勿錯過! 記得十年前我o地會考mock exam時期, 就係朝早重播呢套劇…當時其實都已經唔係第一次睇, 但可能加插考試要溫書呢個元素, 愈唔應該睇就愈想睇, 令到呢套戲加倍好睇! 返到學校同d同學仔discuss, 原來好多人都有追呢套劇…我都係每日睇完先會溫書! 苗僑偉做大俠的確係好型, 仲有佢拍翁美玲一高一矮真係無得頂! 真係好好睇…十年後, 要追多次!


In Association with YesAsia.com



In Association with YesAsia.com