2007年7月12日星期四

7-12(thurs) “千基變”…

早前睇到報紙, 講youtube有好多楊千嬅+鄭中基的片…咁又照click條link睇o下…都真係幾多片段喎…

“千 嬅 中 基 唱 情 歌

該 段 片 段 是 兩 人 於 97 年 上 無 綫 的 音 樂 節 目 , 相 信 當 時 的 千 嬅 與 Ronald 應 該 未 擦 出 愛 火 花 , 當 主 持 人 王 賢 誌 問 他 倆 為 何 會 黐 到 實 一 實 時 , 千 嬅 還 打 趣 說 : 「 係 呀 , 我 o地 係 行 埋 呀 , 不 過 係 行 埋 唱 歌 ! 」 不 過 兩 年 後 二 人 卻 真 的 發 展 出 感 情 。 當 兩 人 合 唱 時 , 明 顯 欠 缺 交 流 , 各 有 各 唱 , Ronald 在 鏡 頭 前 的 表 現 更 是 相 當 生 澀 , 與 今 時 今 日 收 放 自 如 的 搞 笑 形 象 相 距 甚 遠 。”


(嘩! 呢段片都有…真係好勁呀! 除o左初出道o既中基同千嬅, 仲有同樣初出道o既vinci同袁彩雲…眨o下眼, 佢o地全部入行超過十年…真係睇住佢o地大喇…哈哈!)

佢兩個都好後生囉! 鄭中基o既長髮look好頂癮, 好肉酸o下…唔怪得知o個時個個都話佢地唔襯! 其實後來睇過報導話97年佢o地應該已經o係埋一齊, 而唔係佢o地公開o既99年, 後尾佢o地都好似認o左…一齊做新人時候ronald已經暗戀千嬅…但係o個時就唔知千嬅同eason分o左手未呢? 亦都唔知呢段合唱時佢o地一齊o左未呢?!

直至“2005年星光熠熠耀保良”佢o地分手後再合唱, 引起好大哄動…仲要同場鄭中基個女友阿sa都o係度! 兩段十年前後o既片段一比較, 真係不得不慨嘆歲月催人…



仲有呢段…“鄭中基+楊千嬅-搭錯車”…教講普通話節目, 都幾搞笑…未睇過喎!



oh當然仲有呢隻“二月三日”啦…係當時鄭中基作比千嬅o既歌, 仲要以佢o既生日日期做歌名, 真抵死! 果然係識得冧女仔…好過你送十紥花…難怪佢咁o既樣都有咁多女仔鍾意! 但係作歌比女友呢d o野, 仲要大家都係公眾人物, 真係除非你好肯定佢一定係你最後一個女友, 否則真係會激死之後d女友囉…阿sa聽到唔知會唔會眼火爆?!

不過我一直都覺得鄭中基真係最鍾意楊千嬅…其實我亦幾鍾意佢兩個一齊, 個人認為襯過佢同阿sa…不過觀眾覺得襯係一回事, 佢依家鍾意邊個又係另一回事o既!