2006年4月5日星期三

4-5(wed) “天幕下的慘人”

原來已經做完“小芙蓉”, 聽晚做經典電影“秋天的童話”…自從小學年代跟阿媽去戲院睇過呢套戲, 近廿年都無睇過…都好, 可以重溫一次!

呢個禮拜不停咁睇到有關鄭嘉穎同吸血鬼戴老師o既新聞…有份報紙個標題叫“天幕下的慘人”…我覺得好到肉, 好抵死! 睇到“東張西望”訪問鄭嘉穎, 佢個樣真係好可憐咁! 其實阿吸血鬼戴老師雖然可能當年真係kwun到佢簽份不平等條約 (雖然佢話係鄭嘉穎自己出於“孝心”先提出送一份咁o既合約俾佢喎! 咁佢話咩就咩啦o下…), 但你依家咁走出o黎追番d佣金, 仲要終身抽佣, 有無離譜d呀? 你咁搞法咪整臭晒自己個朵, 以後仲點呃人呀? 可能佢真係撈得好唔掂, 甘願一次又一之全家犯眾憎都要where爛塊面…講出o黎都俾人笑啦! 上次東東又係咁, 今次嘉穎仔又係咁!

依家仲有阿小忌廉戴蘊慧接棒出o黎嘈生晒, 我覺得佢簡直係“污辱”o左小忌廉呢個朵囉! Sorry呀…小忌廉! 點解佢o地全家都咁核突呢?!

仲睇o左餅“95翡翠歌星賀台慶”, 已經係變得好流o既一年, 四大天王只係得番城城出席, 男歌星隊長居然係阿叻?!?!?! 都唔緊要喇, 我想講o既係…有一part係十個年青男歌手一齊玩滾軸溜冰 (呢一part係叫做最好睇o架喇…因為一片混亂, 但又好落力咁!), 一睇之下, 有多過半數十年後已經無做歌星, 反而變o左無線當家小生…包括呢幾期上緊o既劇集男主角…鄭嘉穎, 馬浚偉, 陳浩民, 鄭伊健, 張智霖, 陳建穎 (依家好似改o左名叫咩陳紀匡…不過更加不見有起色), 謝天華, 陳小春, 朱永棠, 孫耀威…好似淨係最尾呢三位唔係o係tvb拍緊劇…所以話, 真係世事無絕對!

不過, 95年o既鄭嘉穎個樣真係唔多掂, 留o左一頭俾鄭伊面短少少o既“長髮”, 我初頭以為係謝天華o黎添, 但睇睇o下天華個頭都正常好多! 我都唔記得佢曾經梳過咁o既頭? 須知道長頭髮唔係個個人 (指男人) 都留得起…雖然我已唔buy鄭伊面, 但無可否認, 佢係眾多男星中留長髮留得最好睇o既一個! 依家o既嘉穎仔, 咪型晒囉!

Image hosting by Photobucket

又睇到份報紙係講謝霆鋒o既…回顧番佢入行呢十年! 估唔到, 當年聽住話佢同英皇簽o左10年長約…依家居然咁快就10年, 佢份約都就快完! 當時覺得…嘩! 10年咁耐…點知話咁快就完o左? 真係睇住佢大…睇住佢經歷頂包事件, 王鋒戀, 鋒芝戀…由紅變霉! 都唔緊要…佢最失敗係一路走開壞孩子路線咪算囉…後尾唔掂居然要扮乖扮友善! 鍾意佢o個d人都唔會係因為佢形象討好o架啦…反而係鍾意佢不?…點知佢就打錯算盤! 依家咪霉到咁囉!

仲有上個禮拜o個集“爆笑急轉彎”, 仍然係咁好笑, 尤其係煮?o個part…鄭中基真係超級funny! 呢集有容祖兒做嘉賓, 佢個樣真係整得好勁, 完全唔同晒…雖然整o左n次仍然唔多靚! 仲有做茄喱啡o既蔡慧敏, 佢o既身材都整得好勁囉!