2005年11月28日星期一

11-28(mon) 隨時候命

今日開始又有兩線新劇上 (包括無線同亞視), 仲要兩套都係有葉璇…大家即管唔認同我, 但我都會因為捧葉璇場而睇o下呢兩套劇…哈哈! 無線o個套“本草藥王”就根本無宣傳過佢, 連提都無提過佢個名, 除o左男主角林文龍, 反而仲力sell呢期一連幾套戲都有份做o既新?小花李詩韻同馬國明…雖然人o地離開o左你個台o者, 都唔洗咁小家o架…畢竟佢都係女主角, 好似當佢無存在過咁, 都好絕! 亞視仲絕, 整套咁o既“情陷夜中環”o黎打無線套“隨時候命”…都可以睇o下o既, 反正鄭伊面套“隨時候命”可睇可唔睇啦! (但係四哥個樣真係老到呀…我覺得亞視應該cast佢去拍“殭屍”!)

Image hosted by Photobucket.com

鄭伊健都係一貫水準啦…闊別無線多年, 唔係做得特別好, 亦唔係特別差! 如果唔係“奪面雙琪”事件, 佢o既形象會討好好多o既! 反而好同情佢o既“舊舊情人” 芷珊姐姐成日都要o係“娛樂大飲茶”或“東張西望”等節目訪問佢, 仲要成日扮到若無其事咁問佢關於好勝gigi d o野…都好鬼尷尬好鬼慘!

其實套“隨時候命”個題材都幾特別, 起碼講飛行服務隊呢個group都幾新鮮, 紀律部隊題材通常d人都ok buy! 係d主角唔多buy囉…尤其d女角, 無個討好! 跟住又要有o個個懶音王黎諾懿o係度demonstrate佢d懶音+“好好聽”o既英文…跟住仲要玩埋10年前“刑偵2”時已嫌out o既“失憶情節”…真係無病呀?! 最impressed o既反係林保怡講英文…比起想像中好好多, 直頭唔以藝人standard (事關自從o係“衝上雲霄”聽過吳鎮宇o既“l-pane”之後, 對藝人講英文o既要求已降低o左好多), 以普通人standard o黎講都係非常之好, 真係估唔到…佢係英文人o黎o既咩? 講得好好聽喎!

下個禮拜亞視仲好似會上一套黃子華o既戲, 又好似幾吸引…仲有無線又話會食住阿姐同夏雨個勢, 上一套講律師o既戲“識法代言人”…嘩! 呢套又係吸引喎…仲有“律政新人王”o既“半原班人馬”胡杏兒同陳鍵鋒又再encore多次做律師…掂呀! 我覺得胡杏兒最討好都係做d爽朗o既律師…仲要係剪短髮o個隻!

仲有, 前幾日開電視睇兒童節目見到蓋世寶姐姐…好懷疑佢會唔會成為第二個譚玉瑛姐姐? 又係由廿歲出頭o既青春少艾做到依家卅歲仲做緊兒童節目…雖然佢個樣都仲幾young, 但都有d可惜! 其實佢都好似o係99年紅過兩o下, 咩“旅遊雙妹嘜”嘛! 但另一“嘜”係邊個呢? 唔係好記得…係咪區倩怡?

頭先摷錄影帶錄o野, 點知一睇餅帶, 居然係幾個禮拜前o既 “娛樂七日鮮”…而當日o既主題正是: “梁榮忠一男拖四女”! 當日睇o既時候仲未出第二本“車震”封面, 所以都以為佢真係俾d雜誌屈, 無事作到好大件事咁! 後來出o左o個本封面同埋上載o左o個段片段之後, 都已經講過話覺得佢之前接受訪問講到好似被屈o既受害者咁好討厭…但係都唔exactly記得佢點回應!

於是, o係知道o左內情之後再睇多次呢段訪問…發覺兩位當時人都真係 “擘大眼講大話”o既表表者…首先賤男梁榮忠, 佢一副扮晒無o野, 俾人屈o既姿態, 又講話好高興終於上到封面, 又話同人唔係好熟…真係愈聽愈狗賊! 朱慧敏又係話同人唔熟, 話飯都無食過, 只係平時請教佢做司儀d o野…但係依家大家都知道發生咩事啦…哈哈! 所以當知道o左內情之後再睇番呢段o野…感覺更核突! 真係講多錯多!