2012年4月24日星期二

4-24(tues) 達明一派兜兜轉轉演演唱唱會…暨百花齊放的八十年代香港樂壇…

"流著少年脈膊~~~隨著一杯可樂~~~"…咁大個人第一次睇達明, 真心覺得自己型咗一個! 哈哈!

達明一派的確係80年代走在潮流尖端的icon, 你直頭可以話係有d偏鋒…所以一般我都好少聽到差唔多年紀的朋友話特別喜歡達明…事關當時作為小朋友o既我哋, 又點會欣賞長髮披肩玩電子音樂o既哥哥?! 同我一個generation的朋友, 會喜歡beyond, 甚至太極, 都未必會係達明…但睇完今次達明演唱會後, 我再次怨恨自己生遲咗幾年…真係只係幾年…就錯過咗香港樂壇最精彩, 最百花齊放的八十年代!

可幸係我細個係同我d表哥表姐玩, 當一般小朋友睇卡通片時, 我會跟佢哋坐定定o係電視機前睇每個禮拜六o既勁歌金曲, 睇總選 (注意: 當時的勁歌總選係全港盛事, 笨唔係依家變成樂壇笑話咁款)...一齊為譚詠麟vs張國榮吶喊! 好彩有佢哋, 令我"maan"車邊涉獵咗香港樂壇最光輝的年代…但作為一個幾歲的小朋友, 又的確無佢哋咁可以真正感受到八十年代香港樂壇的光煇歲月!

更"生不逢時"的年輕一輩朋友 (呵呵…:p), 可以睇番呢度去了解香港樂壇的最黃金十年…呢兩頁
淨係extract咗86同87年關於組band年代… 香港樂壇的黃金十年(4)…86年…組BAND年代and香港樂壇的黃金十年(5)…87年!

以前作為小朋友, 絕對唔會明白達明d歌詞首首都有咁深遠的含意…只係覺得d電子音樂幾前衛, 幾好聽, 令人幾興奮…同埋覺得夾band好型…tbb當年有套由鄭伊健主演o既夾band劇 (雖然唔多收得)叫"鐳射青春"…我幾鍾意睇o架, 雖然連個女主角係邊個我都唔記得喇! (頭先去search吓…原來仲有當年仲係叫黃澤民o既黃澤鋒, 蘇永康, 吳啟明, 仲有miss chan chan…wahaha…但我全部都唔記得!)…呢個80年代中組band熱潮, 可能其實係深深咁影響咗小時候的我...所以year 3時, 個個同學o係lib埋頭苦幹讀書, 我居然趁大學最後一年, 走去hku music society學結他同埋打鼓…wahaha! 又當然, 懶人如我學完又無咩點練, 最終都係徒然…但至少我都係有參與過呢個組band熱潮的一份子…hoho!



(我最鍾意聽達明的一首歌…聽得人好興奮啊! 我mp3裡面其中一首必然之選)

好坦白講, 達明d歌我諗我有40%都唔識 (我o翕得出o既, 都只係最hit o個幾首…石頭記, 馬路天使, 溜冰滾族, 十個救火的少年, 今天應該很高興, 天花亂墜etc.)…所以初頭個friend叫我去都睇我都驚悶…幾年前去過睇太極, 我識佢哋d歌應該多過達明, 但係o個次都真係有d悶!

今次又ok喎, 可能d電子音樂真係好可以令人high…一開場d"哥哥姐姐" (btw, 我估唔到現場有咁多六七十歲的伯伯去睇…真的! 我無眼花! 你話五十多歲就都好合理, 因為當年佢哋廿幾歲, 正正係最識欣賞呢d音樂的一群! 但咁多伯伯都欣賞…真心識嘢!)已經企晒起身又唱又跳…估唔到現場氣氛咁熱烈...好似去咗10年前的rave party咁…哈哈!

同埋劉以達真係好搞笑, 佢呢啲係真正o既大智若愚! 每一句都笑死你!




當時年少無知的我, 又點會知道原來"十個救火的少年"係講六.四 (唔明o既小朋友請自行去做功課…:p)…我頂多真係以為講去救火, 又或者愈o黎愈少人肯去救火…wahaha…多麼無知的我!

長大後先知道, 原來佢哋首首歌都daap落有味…

原來"十個救火的少年"作詞係潘源良, 合唱有秀萍/翠玲/啟華/德恕/以達…係咪何秀萍, 郭啟華呢?



睇完呢個演唱會, 我決定要認真去認識吓達明一派的歌曲…遲咗25年…都唔算太遲啫可? 哈哈!

我話過, 如果有日RAIDAS開演唱會, 我一定會去捧場…最愛佢哋呢首"傳說"…年青一輩的朋友…如果未聽過呢首…芒姐真心推介…



最後, 要再repeat多次…真的可惜生不逢時…如果早出世幾年, 就唔會miss咗最精彩的八十年代 (唔係未出世呀, 而係未識真正欣賞已錯過了…真係愛得太遲…hoho)…!!!