7-29(sun) 芒姐@蘋果 (7月號之四) + 07港姐

電 視 撈 飯 (2007-07-27)
http://appledaily.atnext.com/template/apple/art_main.cfm?iss_id=20070727&sec_id=462&subsec_id=830&art_id=7371538&cat_id=7371330&coln_id=7371339

港 姐 選 舉 考 觀 眾 EQ

上 星 期 六 ， 《 2007 年 度 香 港 小 姐 》 在 一 片 爭 議 聲 下 選 出 。 大 熱 門 「 少 女 黎 姿 」 何 傲 兒 八 強 不 入 ， 「 圓 面 黃 宇 詩 」 張 嘉 兒 卻 爆 冷 奪 冠 ， 令 全 香 港 觀 眾 議 論 紛 紛 ， 成 功 製 造 了 這 一 周 的 娛 樂 話 題 。 為 何 會 選 出 了 「 面 包 女 超 人 」 成 為 代 表 香 港 的 港 姐 冠 軍 ， 看 來 將 會 成 為 2007 年 最 大 的 一 個 謎 。 雜 誌 封 面 一 面 倒 地 彈 彈 彈 ， 相 信 張 嘉 兒 往 後 一 年 也 有 排 受 ， 現 在 選 美 除 了 選 美 貌 與 智 慧 ， 相 信 EQ 會 是 最 重 要 的 一 環 。



佳 麗 玩 馬 戲

今 時 不 同 往 日 ， 香 港 小 姐 的 吸 引 力 已 大 不 如 前 ， 今 屆 佳 麗 的 質 素 更 創 新 低 ， 但 最 諷 刺 的 是 ， 其 宣 傳 口 號 居 然 是 ： 「 全 香 港 最 美 麗 盛 事 」 ！ 佳 麗 不 吸 引 ， 節 目 本 身 亦 令 人 「 拍 案 叫 絕 」 ， 連 環 保 這 些 最 沉 悶 的 話 題 也 夠 膽 用 作 問 答 環 節 的 主 題 ， 真 佩 服 創 作 人 員 的 膽 識 ！ 佳 麗 質 素 已 如 此 這 般 低 落 ， 節 目 內 容 還 如 此 這 般 挑 戰 觀 眾 的 忍 耐 力 ， 今 年 的 收 視 相 信 也 十 分 危 危 乎 。 那 個 有 如 耍 雜 技 的 「 空 中 行 catwalk 」 環 節 ， 新 意 是 有 的 ， 但 卻 十 分 九 唔 搭 八 ， 美 感 亦 欠 奉 ， 佳 麗 們 像 馬 戲 團 團 員 多 過 選 美 佳 麗 … … 看 來 無 綫 現 正 著 力 培 訓 新 力 軍 ， 聯 同 《 勁 歌 金 曲 》 的 歌 手 們 ， 開 拍 《 人 生 馬 戲 團 》 的 真 人 版 ！

表 演 環 節 更 是 前 所 未 有 的 慳 皮 ， 居 然 是 找 司 儀 曾 志 偉 與 陳 百 祥 ， 聯 同 近 十 年 的 十 位 港 姐 作 表 演 嘉 賓 ， 美 其 名 是 配 合 回 歸 十 年 的 主 題 ， 實 則 是 慳 水 慳 力 。 不 過 幸 好 只 是 邀 請 質 素 已 不 算 高 的 近 十 屆 港 姐 作 嘉 賓 ， 否 則 在 今 屆 佳 麗 質 素 創 新 低 的 情 況 下 ， 找 來 七 、 八 十 年 代 的 朱 玲 玲 、 李 嘉 欣 或 李 美 鳳 等 年 屆 四 十 但 風 韻 猶 存 的 代 表 作 個 比 較 ， 情 況 會 更 加 慘 不 忍 睹 ！



森 美 成 新 寵

司 儀 方 面 ， 終 於 不 是 每 個 節 目 也 見 他 們 蹤 影 的 崔 建 邦 或 王 貽 興 ， 而 是 找 來 無 綫 近 期 另 一 新 寵 森 美 ， 夥 拍 兩 位 御 用 港 姐 司 儀 志 偉 及 阿 叻 。 森 美 第 一 次 做 港 姐 司 儀 表 現 尚 算 不 俗 ， 相 信 往 後 幾 個 月 ， 在 無 綫 每 個 節 目 均 會 見 到 的 ， 應 該 會 是 森 美 。 另 一 個 他 有 份 主 持 的 節 目 《 殘 酷 一 叮 》 ， 第 三 輯 已 播 映 了 數 月 ， 但 卻 叮 不 出 前 兩 輯 的 氣 勢 。 收 視 無 甚 起 色 不 特 止 ， 口 碑 及 迴 響 亦 遠 不 及 前 兩 輯 ， 沒 有 人 談 論 亦 帶 不 出 任 何 話 題 。 這 個 節 目 一 向 靠 參 賽 者 的 騎 呢 招 數 出 位 ， 但 現 在 即 使 再 有 「 怪 招 」 ， 也 吸 引 不 到 觀 眾 收 看 ， 看 來 無 也 是 時 候 急 謀 對 策 。

撰 文 ： 芒 姐

**************************************************************

其實個標題會唔會有少少問題呢…我o既意思係考佳麗EQ, 而唔係觀眾…不過算啦, 少問題o者!

今日蘋果仲有段新聞係“真假黃宇詩互讚互慰”…仲有兩人o既尷尬合照…真係幾似樣, twins一樣! 黃宇詩都答得幾得體…

“黃 宇 詩 則 出 手 為 張 嘉 兒 擋 駕 ， 她 說 ： 「 我 同 佢 面 型 有 o的 似 ， 佢 好 淡 定 又 大 方 ， 我 自 己 就 蠱 惑 o的。 其 實 嘉 兒 係 一 個 靚 女 ， 只 不 過 唔 係 好 有 商 業 元 素 o個 種 。 不 過 見 到 有 人 同 自 己 相 似 感 覺 好 得 意 。 」”

最抵死係句設計對白…其實o個位張嘉兒妹妹雖然唔應該拿冠軍, 不過日日係咁俾人彈, 無句好o野, 又真係幾慘o既…雖然話去得選美就預o左, 不過d comment又真係harsh得滯囉!



一直都覺得1號佳麗麥皓兒好熟面口, 八卦search o下, 原來佢除o左o係入八強後乘機話俾人知佢係咩“香港傑出少年”之一 (如果唔係佢, 我真係唔知有個咁o既選舉, 但相信同“十大傑出青年”或”十大傑出學生”的”傑出”程度差好遠...不過都叫做係一種成就o黎o既, 但原來佢又唔係十大之一喎, 只係其中一個入圍者!)…佢仲係當年亞洲電視兒童台o既總編輯!!!!!

唔知有無朋友記得呢個第一代o既亞洲電視兒童台呢? 其實o個時我都已經好大個, 不過o個期因為追開“殭屍2”, 所以都有睇亞視…同埋o個期o既兒童節目, 就係由做況天佑個仔o既小演員復生 (張國權) 同埋另一個o係“刑偵”做“車匙”家姐陳美琪個女o既黃美棋主持…所以都有留意o下! 之後就成立o左個兒童台, 話係由台前至幕後都係由小朋友[手查]fit, 咩台長, 副台長, 總編輯…全部都係小朋友! 原來其中一個就係麥皓兒, 唔怪得知咁熟面口! 睇番報紙起佢底o既童年相片, 即刻記番起細個o既佢, 咀jell jell o個隻…同依家一樣! 不過見到個細路眨o下眼就咁大個 (尤其當我覺得兒童台成立好似無耐之前o既事), 仲要走去著泳衣選港姐, 感覺有d怪!

原來佢之後仲走o左去參加tvb搞o個個“鄧麗君模仿大賽”, o係兒童組輸o左俾向小喬! 仲話佢因為參加tvb呢個比賽而俾亞視兒童台抄o左! 似乎佢真係好鍾意表演, 更加鍾意參加各式各樣o既比賽…d人幫佢改個“天生比賽狂”o既花名, 都真係好貼切! 睇o黎, 佢真係勢死要入娛樂圈, 唔會放過任何一個機會…但你只係f.5畢業…不如讀多兩年書先啦…總編輯!

而2號何傲兒原來又係o係亞視出過鏡, 但只係舊年倪震o個個節目“詩遊記”…佢係其中一個大專生…睇番d相佢o個時真係幾靚…其實依家都唔係太差, 只要唔好自暴其短就得!