11-20(sun) 2005台慶後記 (上)

TVB38年, 人氣所在創新天! 個口號就夠響喇…但係作為一個tvb fans, 我都不得不承認, 今年o既台慶好鬼悶! 其實呢幾年開始都已經幾悶o架喇, 不過作為一個忠實fans, 點都要俾o下面o既! 97年第一次有台慶頒獎禮係幾有新意幾好睇o既, 仲有95, 96年o個d“金裝台慶劇”都幾好笑…最記得係96年o個個搞笑版“上海灘”, 因為ｏ個期有“釣魚台事件”, 所以克勤爆出o左一句“非法在異性體內插旗”…成套劇都好好笑, 搞到無線俾廣管局罰o左10萬蚊! 仲有之前o個年劉華一句:“杏加橙”又係罰錢收場…但係呢d年代o既“台慶劇”先好笑o架嘛! 之後o個d除o左胡鬧+勁擦六叔鞋但擦得好無趣味之外…簡直全無特色! 都係去摷番d舊帶睇算吧啦!

點都好啦, 早完今朝要早o既o野特登趕返屋企hup幾個鐘, 仲要教晒鬧鐘八點半準時起身睇台慶! 枉我咁辛苦都起身睇佢個台慶…但係佢居然俾個咁悶o既show我睇! 得番一兩個表演項目, 其餘都係齋頒獎…好似亞視d台慶咁! 其實台慶頒?係由亞視開始先, 無線只係抄橋…但係人o地亞視搞台慶頒獎禮反而搞得有聲有色+溫情 (呢個係亞視最大特色…就好似一家人咁) 好多, 尤其係99年亞視台慶, 真係幾精彩o下!

雖然近年o既台慶表演項目, 都唔見得好睇得去邊…但都唔係無晒呀?! 齋頒獎好鬼悶囉! 無線今年雖然想懶係扮到好grand咁, 又好似金像獎頒獎禮前整埋d“紅地毯”俾d藝人行入o黎, 又影低晒個情況…但sorry, 個感覺一d都唔grand! 淨係覺得d人好鬼凍…尋晚忽然轉凍o左咁多, 仲要坦胸露臂…真係世界難撈!

唯一o既表演項目幾乎得肥姐扮條肥美美人魚同一眾新進花旦跳“美人魚”舞! 咁多個小花旦之中, 確係廖碧兒最搶…佢平時已經係among o個堆花旦之中最靚o既一個, 再加上佢o既陽光笑容, 同埋佢表演跳舞時真係有種charisma…掂! 我好怕o既楊思琦小姐依舊地好硬…但坦白講, 跳得最差o既係我都好buy o既楊怡, 佢真係完全唔適合跳舞, 或者可以考慮打功夫!



一開場黎姿表演跳舞都ok, 佢細個時都係走o個d跳ballet路線o架啦…但係佢唱歌真係好難聽! 最可惜係佢無唱佢o個隻“超好聽”胭脂水粉主題曲啦…o徙晒! (反而廖碧兒唱歌有進步喎…上個禮拜o既“名曲滿天星”同埋無線有個台慶pre-show物體, 佢唱live都好o左好多! 但係點解佢錄“人間蒸發”主題曲會錄得咁難聽?! 講開又講, 今晚o個集 “名曲滿天星”都好好睇, 又關淑怡, 又呂方, 仲有我曾經喜愛o既商天娥…佢唱歌真係幾掂! 尤記得當年亞視拍“我和春天有個約會”, 我當時見佢劇中唱得咁好, 以為係幕後代唱添…但後尾出原聲大碟, 又好似見真係佢自己唱番…連阿姐都話“驚為天人”!) 最抵死係佢負責頒獎時一望後面播o既舊片段, 居然係佢同林文龍o係“龍的天空”o既片段…真係?景!

郭可盈今年opening企得好中間, 以為佢會有機會添…點知…真係人算不如天算…但佢輸o左唔知點解我有d“高興”…可能因為呢期佢同佢o既“刑偵”拍檔義仔都有d面目可憎 (梁榮忠就直頭面目可憎到見到佢個樣都想kum佢兩巴o個隻)…都話“刑偵”邪o架啦…郭可盈聽完賽果仲要懶係“吻賀”阿姐…大家都好假!

(待續)