1-16(mon) 7年之癢

(續前篇)

呢期d雜誌全部都話鄭伊健同梁詠琪經唔起“7年之癢考驗”…其實明明99年到05年係得6年…究竟點計o既呢?! 不過都唔緊要啦, 咁樣describe好似震撼d呀嘛, 同埋話鄭伊健同邵美琪又係拍拖7年就分手, 多d巧合, 段報導又會好似邪d, 精彩d嘛!

有一篇o既標題叫“左7年右7年”, 話究竟鄭伊健一生仲有幾多個7年可以咁樣搞落去?!

“14年前，王子向公主許下愛情誓言；7年前，王子與公主結束童話，與玉女共同面對口水。7年後的今天，王子褪去光環，跟世人說出事情真相：王子與玉女早已不合。當年的滿城風雨差點斷送了鄭伊健與梁詠琪的前途，半紅不紫的他們為了曾經的“背叛”與“愛情”堅持了7年，終於全線崩潰。　　

遇到鄭伊健的時候，28歲的邵美琪，22歲的梁詠琪，當時都前途無量，但之後的遭遇都是滑鐵盧，邵沒有了事業心，梁玉女形象決裂。“我將最美麗的時光給了你”，換來的卻是7年“例行”的夢幻破滅，娛樂圈女人的青春和事業並重，失去的何止是年輕漂亮，難保不是後半生的發展。”

….呢段又係好抵死!



個個都一廂情願地認為, 伊面同好勝gigi分手, 最心涼o既應該係邵美琪, 因為當初佢俾人始亂終棄, 今日終於輪到好勝gigi得到報應, 正所謂: “奪人麵者人亦奪其麵”嘛! 講真, 我又唔覺得邵美琪會為此而好高興, 畢竟呢碗爛麵, 執到都唔好要啦!

以邵美琪一貫o既性格, 實唔會點回應, 仲要完全置身事外咁…絕! 唔係咩呀? o係呢行撈o左廿年, 點都功力深厚過你o地o卦?! 上次“奪面雙琪”搞到滿城風雨”, 佢都可以無咩點出聲, 表示佢真係一個幾有修養o既人 (at least appears to be)…上幾篇已經讚o左佢呢樣o野, 唔再讚喇! 總之佢不嬲都處理得好好, 表現得好大方, 贏晒分數! 學郭可盈o個句“贏o左獎輸o左品”, 邵美琪就係“輸o左麵贏o左分”! 好勝gigi今次就可以話係“輸o左麵輪埋品”… “雙失”是也!

成日有人問我: “你估伊面會唔會同番邵美琪一齊? 我咁多年都好想佢o地o係番埋一齊!” 我就完全唔係咁睇喇…就算碗面走返o黎搵佢都唔好制啦! 上次仲衰唔夠呀?! 一鑊都夠睇清楚呢個人…“始亂終棄”係佢o既practice, 見過鬼都應該怕黑! 依家人o地唔要俾番你…咁算點呀? 食回頭草…簡直屈委晒我個偶像呀! 唔好搞到咁可憐啦…鄭伊健呢d人, 真係執到都喊三聲…雖然佢可能係幾funny, 幾討好, 但一次又係咁, 兩次又係咁, 仲要係repeated offender…無理由再踩番落個深淵度o架?!



仲有一篇話既然鄭伊健咁與“琪”有緣, 佢o既下一個“琪”女人應該係邊個？舒淇？薛凱琪？辛曉琪？劉綽琪？周麗淇？鍾麗淇？

我話…可能係…謝安琪, 或者徐子淇呢…哈!



今次o既情變事件, 仲有另一highlight就係鄭伊健o既第一任舊情人…芷珊姐姐!

篇篇報導旁邊都有一細段: “情變後的鄭伊健昨首次會見傳媒，無線竟派其舊愛黎芷珊作採訪，相當贈興。”

o個日有人睇到同我講:“原來黎芷珊係鄭伊健o既舊情人…”…我作為一個電視精, 當然o係睇“閃電傳真機”o既年代我已經知啦…不過以前佢兩個都唔紅, 無人理佢o地o者! 佢又問:“咁點解無線要咁做?!” 可能無線諗住搵黎芷珊訪問佢, 佢點都會俾番d面舊情人, 答多d o卦?! 同埋最緊要o個樣係成功製造話題, 又可以搶收視啦…!

聽日我要講o下芷珊姐姐…

(待續)