2006年12月23日星期六

12-23(sat) 友緣相聚

之前講過話肥姐個節目“友緣相聚”訪問d嘉賓無咩邊個係我o地認識o既, 點知呢期o個d又熟口熟面o左好多, 仲要有好幾個係令人“回憶返埋o黎”o架囉…

上兩個禮拜o既姜大偉李琳琳, 今個禮拜o既何守信陳麗斯, 仲有n年無露面o既朱瑞棠陳泉…因為對呢d藝員都有d印象, 所以個節目變得好睇o左好多…相信對於d媽咪或者婆婆級o既觀眾o黎講, 就更加有共鳴, 所以收視長期處於高位!

o個集見到o係“季節”做唐泰 (即媽打個老公)o既朱瑞棠…好似 “季節”之後都無咩點見過佢! 播番“季節”o既片段, 尤其係片頭同去廣告前跌朵花落d水o個一幕…真係好記憶猶新…又係回憶返埋o黎!

再跟住o個集係訪問“香港8x”o既順叔…如果唔係睇呢個節目, 真係從來都唔知佢真名叫陳泉! 睇番d片段, 雖然o個時o既我得幾歲, 不過又係回憶返晒埋o黎! 呢d真係名符其實o既“我們的老友記”!!!

呢個禮拜仲要唔知點解不停咁撞到好多個我們的老友記囉…上個禮拜o係九龍就撞到90年代o既2,3線男藝員林偉, 仲有見到李妮個舊男友鄭浩南推住架bb車! 到前兩日去sogo進行好緊湊o既x’mas shopping, 事關禮拜三公司搞x’mas party, 所以又要買禮物交換, 又要買禮物用o黎抽獎, 仲要買禮物俾秘書…但因為時間緊逼, 搞到我好大壓力…shopping應該係好高興o架嘛, 尤其係x’mas shopping…但係o係咁緊逼o既schedule+逼人到不知所謂o既情況之下, 係一d都唔enjoy囉!

不過係人逼人之下, o係sogo見到兩位3,4線前tvb藝員蕭玉燕 (btw, 舊年差唔多呢個時間, 我居然發夢見到佢添!!! 真係超爆笑!)同埋林佩君 (最深刻o既角色當然係 o係“catwalk俏佳人”入面做郭可盈個妹啦!)結伴shopping…我諗全個sogo除o左我都無咩人認得佢o地, 所以佢o地一路都可以好free咁shopping!

原來依家深夜3:15 又做緊一套翡翠首映, 係溫兆倫o既“點指賊賊賊捉賊”…o個晚無意中睇到...原來cast其實都幾強o架喎...有發瘟, 錢家樂, 蒙嘉慧, 鄧萃雯, 吳美珩, 楊怡, 唐寧…其實呢期d倉底“翡翠首映”都幾有趣幾好睇呀! 好可惜一路都無機會睇到“婚姻乏術”!

無意中又o係youtube睇到一段好搞笑o既片…你睇o下就知有咩好笑…“石修催眠術@隔世追兇”:



仲有, 呢個“伍詠薇 CLUB 干邑 廣告 (1990)”…真係好經典! 就算你唔記得呢個廣告o既女主角係伍姑娘 (其實我都唔記得), 都無可能唔記得廣告裡面o既對白…



早前又睇到一篇我好喜愛o既朱樂言視評…呢篇係講娛樂圈o既奇人異士…都幾抵死o下!

電視圈的奇人異士

想加入電視圈嗎?不是帥男美女?不懂演戲唱歌?沒問 題,找項特異功能,一樣有機會爆出。 以下,就是電視圈近期最Hit的奇人異 士。


Gag神周中

周星馳的「長江七號」括到外星人沒有?我推薦周中,演外星廚師吧!當然,劇本一定無,周師傅最擅長自由發揮。這一點,應符合周大導永遠估你唔到的風格吧?

想不到,電影界最懂搞笑的2號人物鄭中基(No.1始終要留給周星馳)也甘拜下風。《美女廚房》中,最多雜誌追逐訪問的,也是他。眉夠殺,樣得戚,平時不作聲,一開口就成金句。「乜生豬肉食得嘛?」、「得,俾人砌嘛。」、「湯水如何?」、「好飲,好過飲滾水……」

雙周若能對碰,必有意外火花,周大導,諗諗佢!


M額蘇民峰

M額是的標記。是頭髮稀疏吧?偏又留長披肩,永遠紮條馬尾。這種容貌,看一眼一定記得。結果,芸芸風水大師中,他跑出。

看過有線《峰生水起精讀班》沒有?對不起,我留班了。看了8集,太多專業用語,根本消化不來。風水精讀開班,電視史上應是第一趟。蘇民峰滿懷信心,說話從不猶豫,適量幽默,但態度時刻保持專業,喜歡研究風水的,應該喜歡他。

看風水,動輒三幾千塊,寄封信,M額蘇民峰詳細解答。這實用價值甚高的節目,值得推廣。

全才陳志雲

全世界有哪間電視台,總經理會跑去配音或出鏡做主持?最難得的是質素奇高,絕對具專業水準,難怪陳總也禁住說出心底說,若可選擇,他寧選幕前。

減了肥,衫多眼亂,眼鏡髮型要潮要款,而且曝光率密集程度更勝一藝人,誰不認為,他已是幕前人?但實際上,TVB仍健康運作,很多大膽的綜合節目,都是他提議。方逸華一份人工養了他,真抵用。不過想用得更盡的話,陳志雲開班授訪問技巧,尤其收費電視那班新才主播,水準真嚇人。


神秘黃麗梅

黃麗梅最神秘的威力,是平凡。你平凡,我平凡,點解呢位發福的黃小姐平平凡凡的介紹美食,就會日復日,年復年吸引大量觀眾?

她的美食節目,無論走在哪裏,身邊伴甚麼師傅,形式都差不多,介紹食材,煮熟,食之,大讚,係咁多。黃麗梅面容親切,她推介,觀眾信心可能大一點點,但這麼「一點點」,就令她保持亞視視后之名,歷久不衰?

她的奇技真神秘,奇人異士中,我認為她最奇。[芒按: 真係考overall名句…“i agree with you”喇!]


真情蘇施黃

DJ出身,最後成名的,是廚藝。她煮食真的天下無敵?不見得。「活得很滋味:1粒鐘真人蘇」,常煎或過鹹過淡,難得她坦坦白白,錯就錯,難食就難食。直話直說,真情流露,想罵人時就罵,一副燥底永不掩飾。結果,她1粒鐘煮3個菜,無甚花巧,觀眾也熱烈捧場,成為有線台柱節目之一。

肥媽太溫馨,蘇施黃另闢途徑,就是理鬼得你,看她走遍馬來西亞講美食,好食博命食,難食又會出聲,畀面三分,然後七分真話,參考價值一定比黃麗梅高。