2012年10月14日星期日

10-14(sun) 錢國偉@江南style + 芷珊姐姐@滿清十大酷刑

相信呢段片大部份朋友都已經睇過…未睇過的可以睇吓! 呢幾日係咁有朋友腥呢段片叫我睇! 由最初睇時的200幾點擊率, 幾日內已變咗20幾萬...勁! 錢國偉+曾志偉+古巨基+鄭伊健+錢嘉樂+jj版的"江南style"...仲加插咗好多香港元素, 唔錯喎, 幾有共鳴! 我唯一係估唔到肥仔導演原來幾跳得囉...haha!



對比吓原裝正版…哈哈哈…其實學得唔錯…



呢期最hit依然係芷珊姐姐主持o既”最佳男主角”…真係粒粒巨星! 坦白講, d訪問內容唔係特別精彩, 莫講話爆, 但又幾好睇喎…因為呢d cast唔係平時一般訪問可以睇到, 齋睇佢哋吹水都值回票價! 不過有樣嘢唔掂多係剪到枝離破碎, 講幾十秒嘢就cut一cut, 似預告多過似一個訪問…依家個節目反應咁好…唔知之後會唔會播番個足本呢?

你話芷珊姐姐d訪問技巧好好又真係唔講得上…但都令人睇得舒服o既! 同埋香港大部份40歲以下的朋友都係睇佢主持o既”430穿梭機”同”閃電傳真機”大…點都有少量情意結! 同埋佢今次擺明係sell佢o既人脈同人緣…咁多人都俾面佢, 的確唔嘢少! 查嬸嬸就慘…兩個節目差不多時間首播, 係咁俾人比較…輸得好慘烈!

不過你從芷珊姐姐d前男友同追求者list, 都可以得知其實芷珊姐姐真係有d計...追親佢o既都非池中物! 靚...佢又真係唔算特別靚o個批…我諗可能係感覺親切討好...approachable! 呢樣嘢先最殺食...靚, 反而一向都唔係d人最buy o既嘢!

黎芷珊遭踢爆被星爺追過

由黎芷珊主持的無綫台慶清談節目《最佳男主角》,昨晚10時半首播。黎芷珊表示是次碌爆所有「人情卡」,邀請到劉德華、黃秋生、劉青雲、梁朝偉與謝霆鋒等影帝級人馬接受訪問,各人更於節目中大爆鮮為人知的小秘密。

昨日黎芷珊邀請到圈內圈外好友,包括何超蕸、錢國偉、黃智賢及前男友張達倫等出席記者會,好友何超瓊及楊千嬅亦分別以短片及電話致賀。錢國偉更即場玩踢爆:「當年我親眼見住周星馳追你(黎芷珊)!」

芷珊問千嬅何時復出?千嬅說:「減肥我就出番啦!快則今個月尾,慢則下個月,不過離目標磅數仲有三分一路程,因為我崇尚母乳,唔可以咁快減肥。」

此外,談到鄭伊健跟蒙嘉慧傳出於12月21日舉行「末日婚宴」,芷珊笑言:「係咩,我唔知喎!雜誌都係亂吹啫!」

第一集由劉華打頭陣…坦白講, 呢集o既訪問內容又真係唔特別精彩! 我唯一感覺係華仔真係幾sweet又幾識tum人開心...連自己上次著咩衫都記得! 所以話, 一個人受歡迎, 一定有佢o既原因, 即使我唔係劉華fan屎都係咁講! 暫時五集之中我覺得最好睇o個集係劉青雲, 第二節佢講同郭藹明點開始都幾惹笑…青雲其實幾funny囉…



o係網上睇到另一篇芷珊姐姐o既訪問…又係幾好睇! 最好笑o個段, 當然係王晶搵佢拍”滿清十大酷刑”做翁虹個角色…好爆囉! 而晶哥o既原因其實亦都好valid! 當年o既晶哥果然有d諗頭!同埋有網友話當年芷珊姐姐係出名身材好…呢樣我又真係未聽過喎!


























至於阿小欣姐個節目, 咁平心而論,係好過上集o既…係worst同worse之比…無聊程度減低咗啲,起碼有啲專訪,無咁多報導"舊聞"同討論成份!不過你真係不得不讚嘆佢哋o個種將"無嘢講搵嘢o黎講"推向極致的精神...令我諗起以前A-LEVEL考ORAL的小組討論...成班人懶認真咁討論d極其無聊o既議題...真係好高難度! 如果依家仲要考A LEVEL, 我強烈推薦d考生去睇呢個節目...必定獲益良多!