2009年5月25日星期一

5-25(mon) 騎呢新聞

過去一個星期不停俾一d騎呢人和事折磨住, 搞到個人就快癲…於是想post番d騎呢新聞去“沖喜”一吓, 希望可以“騎-騎得正”, 今個禮拜遇番d正常o既人和事囉…哈哈! 其實我都ok阿Q o架!

其實呢兩單“新聞”o係fb都post過, 同埋已經變成“舊聞”, 但真係ok騎呢o下…所以都想同所有讀者分享o下…

騎呢新聞1: “婦爭睇《陀槍師姐》不遂尋死”…最騎呢係…“女事主姓任(58歲),與他相識已十多年,馮強調他與任婦並非情侶,而任婦本身有一對子女”…em…咁請問會係咩關係呢? 同埋, 三間半夜做咩要去人屋企睇電視…咁人o地o係自己屋企睇睇o下"HEROES"你要人轉台...又係無解o既...自己返屋企睇咪唔駛爭囉…XD

如果咁都要尋死, 我真係只能向佢講句: “你唔好去死~~~!!!”



http://hk.apple.nextmedia.com/template/apple/art_main.php?iss_id=20090523&sec_id=4104&subsec_id=11867&art_id=12791719

婦爭睇《陀槍師姐》不遂尋死

一名女子前晚帶醉到柴灣小西灣邨探訪一名男友人,至昨日凌晨兩人因為爭看電視發生爭執,女子要看翡翠台《陀槍師姐 3》,但男友卻堅持要看明珠台《Heroes》,兩人各不相讓,其間女子情緒激動,衝出屋外走廊危站欄杆邊「要生要死」。救援人員接報到場勸喻,終將她勸服送院檢查。

男友拒讓要睇《Heroes》

男事主馮先生( 60歲),與一對年邁父母和智障胞妹同住小西灣邨瑞隆樓 5樓一單位,一家人靠綜援維生,家中只有一部 14吋的舊電視機。馮先生昨晚表示,女事主姓任( 58歲),與他相識已十多年,馮強調他與任婦並非情侶,而任婦本身有一對子女,和他們一家人都十分熟絡,家人都叫她做「阿儀」,阿儀平日經常會到來幫忙照顧馮的老邁父母。

據稱,任婦前晚深夜突然到訪,當時見她的情況疑曾經飲酒,兩人閒聊一會後,至昨日凌晨零時許,馮將電視轉台到明珠台要看美國劇集《Heroes》,但看了約 15分鐘後,任婦突然嚷着要轉回翡翠台,表示想看劇集《陀槍師姐 3》,但馮堅持不肯,兩人發生爭執,越吵越烈,連家中其他人都被吵醒 。

其間,任婦突然情緒激動,衝出屋外走廊,馮見狀追出,赫見她危站在欄杆邊狀甚危險,當時任婦聲稱要跳樓,馮在旁勸喻,但任婦不為所動,事件驚動大廈姓潘保安員,至凌晨 1時許報警。救援人員接報到場,經游說後任婦終情緒回復平靜,並自願返回安全地方,她向警方表示其實她無意自殺,但由於她身體不適,事後被送院檢查。


騎呢新聞2: “指點姻緣路 人體畫符驅魔涉非禮 相士扮鬼上身淫少女”…呢單雖然係四月o既“舊聞”…但真係超級爆笑…it’s a must read囉!

如果你錯過o左, 一定要睇番, 我同d朋友仔笑o左好耐! 簡直係繪影繪聲, 有晒起起乘轉合, 我覺得個文字記者應記一功...我俾十個"叻"佢!

o個d對話簡直啜核 (雖然我好懷疑個記者有咩可能o係法庭抄到晒所有精彩對白)...難怪"一 名 到 庭 旁 聽 的 男 子 聽 到 奇 情 處 , 忍 不 住 高 聲 大 笑 , 遭 暫 委 裁 判 官 溫 紹 明 訓 斥 。"...我驚如果我去聽審都會忍唔住笑o左出o黎...:P



http://www1.appledaily.atnext.com//template/apple/art_main.cfm?iss_id=20090404&sec_id=4104&subsec_id=12731&art_id=12602642

指 點 姻 緣 路 人 體 畫 符 驅 魔 涉 非 禮
相 士 扮 鬼 上 身 淫 少 女


情 路 坎 坷 的 女 文 員 , 向 路 邊 擺 檔 的 相 士 求 問 姻 緣 , 卻 不 知 此 人 竟 曾 扮 相 士 騙 色 、 剛 刑 滿 出 獄 。 相 士 言 之 鑿 鑿 , 力 指 女 文 員 厲 鬼 纏 身 , 她 抱 着 「 寧 可 信 其 有 , 不 可 信 其 無 」 的 心 態 , 跟 對 方 返 寓 所 , 任 由 他 在 赤 裸 的 嬌 軀 上 畫 符 作 法 , 最 後 更 乖 乖 奉 上 相 金 連 小 費 共 五 千 多 元 。 女 文 員 事 後 懷 疑 遭 非 禮 , 報 警 拘 捕 相 士 , 案 件 昨 於 觀 塘 裁 判 法 院 開 審 。 記 者 : 楊 家 樂

這 宗 淫 辱 奇 案 , 發 生 於 去 年 12 月 6 日 晚 上 10 時 許 。 疑 遭 騙 財 騙 色 的 24 歲 女 事 主 , 任 職 文 員 , 放 工 路 過 旺 角 街 頭 , 看 見 51 歲 被 告 姜 志 偉 正 在 旺 角 道 東 亞 銀 行 近 恒 裕 珠 寶 外 擺 檔 睇 相 。 由 於 事 主 「 煩 緊 幾 時 姻 緣 到 」 , 因 此 駐 足 觀 看 被 告 的 宣 傳 物 。 被 告 打 蛇 隨 棍 上 , 邀 請 事 主 坐 下 睇 相 , 她 欣 然 同 意 。

事 主 憶 述 , 當 晚 她 曾 把 幾 個 男 同 事 及 朋 友 的 八 字 交 給 被 告 , 希 望 得 知 芸 芸 男 子 當 中 誰 和 她 有 緣 , 又 曾 向 被 告 詢 問 「 如 果 個 男 仔 錫 我 , 係 咪 即 係 鍾 意 我 」 等 感 情 問 題 。

命 令 事 主 沐 浴 淨 身

她 指 「 師 父 ( 即 被 告 ) 同 我 批 命 、 問 今 生 、 姻 緣 , 傾 到 凌 晨 12 點 幾 , 然 後 我 問 前 生 。 」 詎 料 被 告 突 然 煞 有 介 事 向 她 說 : 「 你 前 生 殺 孽 太 多 , 有 隻 外 國 鬼 跟 住 你 , 不 過 我 可 以 幫 你 開 運 化 劫 。 」

當 晚 街 上 人 少 、 風 大 , 被 告 問 她 : 「 你 會 唔 會 覺 得 好 似 有 啲 陰 風 跟 住 你 ? 」 事 主 即 覺 準 確 非 常 , 登 時 答 應 先 往 櫃 員 機 提 款 , 然 後 隨 被 告 前 往 附 近 的 廣 東 道 啟 運 大 廈 寓 所 。 甫 開 門 事 主 便 看 見 屋 內 正 中 央 放 置 一 張 大 床 , 旁 邊 是 洗 手 間 。 此 時 被 告 稱 會 在 她 背 脊 作 法 , 命 令 她 先 沐 浴 淨 身 。

事 主 洗 澡 完 畢 , 穿 回 胸 圍 及 牛 仔 褲 , 用 衣 服 遮 掩 上 身 , 按 照 被 告 指 示 俯 伏 床 上 。 然 後 被 告 念 念 有 詞 , 用 手 指 沾 上 硃 砂 , 在 她 背 上 畫 符 , 「 又 揸 又 捽 」 。

突 然 被 告 大 喝 一 聲 : 「 孽 畜 快 快 現 身 ! 」 接 着 事 主 聽 到 被 告 壓 低 聲 音 , 扮 出 一 把 恐 怖 鬼 聲 道 : 「 你 咪 理 咁 多 嘢 , 我 搵 硬 呢 個 女 仔 做 替 死 鬼 。 」 被 告 回 應 道 : 「 同 呢 位 施 主 無 關 㗎 , 你 快 啲 離 開 佢 嘅 身 體 吧 啦 ! 」 鬼 聲 則 說 : 「 我 家 走 去 前 面 。 」

一 陣 靜 默 後 , 被 告 對 事 主 說 : 「 個 隻 嘢 走 咗 去 你 前 面 , 你 反 轉 身 啦 。 」 事 主 照 做 , 不 料 被 告 突 然 神 不 知 鬼 不 覺 地 解 開 她 的 胸 圍 扣 , 一 手 扯 開 她 的 胸 圍 及 衣 服 ; 事 主 用 手 遮 擋 胸 部 , 但 被 告 立 即 拉 開 她 雙 手 稱 : 「 你 遮 住 晒 我 點 同 你 畫 呀 ? 」

高 呼 : 孽 畜 快 離 開

被 告 手 指 沿 事 主 的 頸 滑 向 右 乳 房 , 再 掃 向 左 乳 , 然 後 移 到 她 的 腹 部 及 肚 臍 。 此 時 被 告 又 大 叫 「 孽 畜 快 啲 離 開 ! 」 但 隨 即 扮 鬼 聲 說 : 「 我 家 走 落 去 下 邊 , 我 睇 吓 你 點 捉 我 ! 」 被 告 狀 甚 疲 倦 , 坐 了 下 來 說 : 「 呢 隻 孽 畜 好 猛 , 睇 嚟 我 要 使 出 我 嘅 看 家 本 領 。 」 說 罷 他 點 起 香 燭 , 叫 事 主 閉 上 眼 別 作 聲 , 然 後 在 她 半 推 半 就 的 情 況 下 , 脫 去 她 的 牛 仔 褲 及 內 褲 。

不 久 事 主 感 覺 到 被 告 的 手 指 在 她 的 下 體 移 來 移 去 , 後 來 更 插 向 她 的 陰 道 。 事 主 痛 極 兼 大 驚 , 質 問 被 告 : 「 唔 使 咁 吓 話 ? 」 惟 被 告 堅 持 , 事 主 遂 要 求 他 「 咁 快 啲 啦 」 。 被 告 以 手 指 抽 插 一 分 鐘 後 , 大 叫 「 我 家 要 打 到 你 魂 飛 魄 散 , 永 不 超 生 ! 」 繼 而 聲 稱 儀 式 完 成 。

事 主 打 算 拿 回 衣 服 離 開 , 但 被 告 拒 絕 , 指 要 確 定 厲 鬼 下 落 及 有 沒 有 同 黨 , 又 不 許 事 主 穿 回 衣 衫 , 以 免 破 壞 硃 砂 。 但 事 主 表 示 「 我 好 凍 呀 」 , 被 告 聞 言 立 即 面 對 面 伏 在 她 身 上 , 事 主 想 婉 拒 , 但 被 告 說 : 「 你 凍 吖 嘛 ! 」 更 捉 着 她 的 手 , 引 領 她 撫 摸 其 陽 具 , 安 慰 她 說 : 「 放 心 , 我 都 冇 反 應 。 」

女 事 主 付 5300 元

萬 籟 俱 寂 , 兩 人 相 對 無 言 , 被 告 忽 然 問 事 主 : 「 聽 唔 聽 到 聲 ? 」 事 主 答 : 「 聽 唔 到 。 」 被 告 竟 在 她 耳 邊 輕 吹 兩 下 道 : 「 霍 霍 聲 嗰 啲 呢 ? 」 事 主 不 再 理 會 他 。 此 時 被 告 又 突 指 要 覆 驗 事 主 身 體 , 用 佛 珠 在 她 胸 部 附 近 遊 走 , 然 後 再 用 手 指 插 她 下 體 一 分 鐘 。

此 時 香 燭 燒 完 , 被 告 指 事 主 體 內 已 有 硃 砂 , 大 功 告 成 , 相 金 盛 惠 5,180 元 。 事 主 付 上 5,300 元 , 為 免 麻 煩 不 用 找 續 , 然 後 離 開 案 發 單 位 。

惟 事 主 一 直 心 感 不 安 , 回 家 後 淚 流 滿 面 , 腦 海 盡 是 作 法 畫 面 , 翌 日 上 班 也 沒 精 打 采 , 於 是 放 工 後 找 來 份 屬 好 友 的 水 晶 店 男 東 主 傾 訴 , 對 方 熟 悉 術 數 界 人 士 , 也 稱 「 未 聽 過 咁 深 入 嘅 開 運 化 劫 」 , 事 主 決 定 報 警 。

被 告 同 月 9 日 致 電 事 主 , 相 約 「 做 多 次 」 , 她 將 計 就 計 , 引 領 警 員 於 同 日 晚 上 前 往 被 告 檔 攤 , 拘 捕 被 告 。 本 案 表 證 成 立 , 被 告 將 於 下 周 二 自 辯 。

資 料 顯 示 , 被 告 曾 於 02 年 扮 成 相 士 , 向 22 歲 女 文 員 訛 稱 可 助 她 令 男 友 回 心 轉 意 , 引 誘 她 性 交 多 次 , 又 以 她 的 脫 衣 影 片 進 行 勒 索 , 04 年 在 區 域 法 院 被 裁 定 10 項 罪 名 成 立 , 判 監 四 年 半 , 其 後 上 訴 反 被 加 監 兩 個 月 。

案 件 編 號 : KTCC8433/08

特 稿

「 怕 先 姦 後 殺 」 女 事 主 不 反 抗


面 對 經 驗 豐 富 的 疑 似 相 士 , 為 情 所 困 的 受 害 女 文 員 至 今 仍 然 糊 裏 糊 塗 , 一 方 面 堅 稱 遭 被 告 姜 志 偉 伺 機 非 禮 , 但 另 一 方 面 卻 認 為 當 時 自 己 接 受 被 告 作 法 是 合 情 合 理 , 「 唔 知 佢 係 咪 真 , 但 寧 可 信 其 有 , 不 可 信 其 無 」 , 她 強 調 自 己 只 是 篤 信 風 水 命 理 之 說 , 但 不 算 沉 迷 。

現 年 24 歲 的 事 主 面 圓 圓 , 眼 細 細 , 身 材 胖 , 甚 有 福 相 。 雖 然 非 國 色 天 香 , 但 她 一 頭 及 肩 秀 髮 , 配 上 一 副 金 屬 框 眼 鏡 , 外 表 尚 算 斯 文 大 方 。 她 自 中 五 畢 業 後 工 作 , 間 中 於 夜 校 進 修 。 事 發 後 她 不 知 找 誰 傾 訴 , 又 不 敢 向 家 人 透 露 半 句 , 忐 忑 不 安 。 她 昨 憶 述 當 時 心 境 , 一 時 感 觸 失 聲 痛 哭 , 法 庭 須 一 度 小 休 。

「 我 驚 真 係 有 隻 鬼 」

不 過 , 她 仍 然 無 悔 當 晚 的 決 定 , 「 我 驚 真 係 有 隻 鬼 , 因 為 被 告 做 到 似 層 層 」 , 至 於 為 何 毫 不 反 抗 , 她 說 : 「 我 怕 俾 人 先 姦 後 殺 , 所 以 乜 嘢 都 聽 晒 佢 講 , 離 開 個 門 口 先 算 。 」

面 對 如 此 天 真 的 女 子 , 辯 方 大 律 師 於 盤 問 時 亦 不 禁 揶 揄 事 主 : 「 明 明 係 隻 外 國 鬼 , 但 係 後 來 對 答 時 又 講 純 正 廣 東 話 , 你 唔 懷 疑 咩 ? 」 詎 料 事 主 理 直 氣 壯 道 : 「 我 唔 覺 得 奇 怪 喎 , 有 啲 中 國 人 都 講 英 文 , 有 啲 外 國 人 都 講 中 文 㗎 啦 ﹗ 」

至 於 案 中 被 告 , 因 未 能 籌 足 現 金 及 人 事 擔 保 各 兩 萬 元 , 至 今 仍 遭 還 柙 。 不 過 他 似 乎 未 受 影 響 , 表 現 冷 靜 , 靜 靜 細 聽 事 主 庭 上 供 詞 。 其 妻 昨 日 亦 有 到 庭 旁 聽 。

此 外 , 一 名 到 庭 旁 聽 的 男 子 聽 到 奇 情 處 , 忍 不 住 高 聲 大 笑 , 遭 暫 委 裁 判 官 溫 紹 明 訓 斥。


仲有, 我又一氣過睇o左十集“老婆大人II”…um…一般啦, 真係無上一輯咁好…不停咁抄番現實生活d case, 好似上年轟動一時o既30年前醫院調錯包事件…搞一輪, 原來滕麗名同宣萱係調錯包的女嬰…雖然你會一早估到個劇情, 但又未免太多twist喇!

同埋, 王合喜個紥辮look真係唔知想點…可唔可以整齊少少? 雖然你話ck係一個不修篇幅o既律師, 但呢個look坦白講真係好唔得囉! 仲有, 唔睇wiki都唔知, 原來佢改o左名叫王凱韋…仲有陳凱怡又改o左名叫陳思齊…哎! 搞咁多o野做咩? 咁咪仲無人知你o地係邊個? 正如蘇民峰尋日o係“星星同學會”講得最o岩聽o個句…唔紅就改咩名都唔會紅, 要紅就唔洗改名都會紅啦…我一向都好認同呢個諗法…有好多半紅不黑o既藝員改o左十次名咪又係咁!

另外, 讀者“溫哥華匿名人”話有關於“峯從那裡來”o既o野想同大家分享…咁就o係呢度開個“topic”啦…好, 請講…!