2007年7月14日星期六

7-14(sat) 芒姐@蘋果 (7月號之二) + “唔使怕醜”

電 視 撈 飯 (2007-07-13)
http://appledaily.atnext.com/template/apple/art_main.cfm?iss_id=20070713&sec_id=462&subsec_id=830&art_id=7319023

《 勁 歌 》 似 瘋 人 院

踏 入 暑 假 , 多 個 電 視 節 目 也 來 個 大 革 新 , 以 迎 合 一 班 放 暑 假 的 學 生 哥 , 《 勁 歌 金 曲 》 率 先 搞 搞 新 意 思 , 以 「 星 級 暑 期 班 」 為 主 題 , 邀 請 樂 壇 紅 星 如 劉 德 華 、 古 巨 基 及 蕭 亞 軒 等 , 帶 領 一 班 生 力 軍 學 習 一 技 之 長 。 聽 起 來 很 有 意 義 , 但 實 則 卻 十 分 九 唔 搭 八 ; 好 地 地 一 個 音 樂 節 目 , 歌 唱 不 到 四 首 , 卻 不 停 有 歌 手 走 出 來 打 泰 拳 、 玩 魔 術 、 耍 劍 … … 真 的 不 明 白 為 何 歌 手 要 懂 得 玩 雜 耍 ? 節 目 結 尾 時 主 持 一 邊 說 話 , 後 面 一 班 新 晉 歌 手 一 字 排 開 跟 導 師 打 泰 拳 , 接 更 是 你 有 你 打 拳 、 我 有 我 耍 劍 , 一 片 混 亂 , 像 瘋 人 院 多 過 音 樂 節 目 。 或 許 無 綫 可 以 此 為 藍 本 , 開 拍 《 人 生 馬 戲 團 》 的 真 人 版 !



《 唔 使 怕 醜 》 鼓 吹 歪 風

但 原 來 低 處 未 算 低 , 星 期 四 同 一 時 段 的 整 容 節 目 《 唔 使 怕 醜 》 , 內 容 更 加 不 敢 恭 維 。 整 個 節 目 鼓 吹 整 容 風 氣 , 彷 彿 醜 樣 就 是 死 罪 , 人 生 便 毫 無 意 義 , 說 得 很 理 所 當 然 … … 其 實 四 肢 健 全 已 是 萬 幸 , 患 絕 症 的 人 豈 不 要 立 即 了 結 生 命 ? 節 目 中 那 位 為 了 要 找 一 份 靠 樣 搵 食 的 工 而 整 容 的 師 奶 , 及 因 為 怕 年 老 色 衰 會 令 丈 夫 嫌 棄 而 走 去 整 容 的 太 太 , 說 得 很 冠 冕 堂 皇 , 彷 彿 整 容 是 人 生 唯 一 的 出 路 … … 其 實 人 老 了 自 然 會 走 樣 , 難 道 要 整 容 整 到 死 為 止 ? 這 樣 以 歪 理 去 替 觀 眾 洗 腦 的 節 目 意 識 很 有 問 題 , 雖 然 是 廣 告 商 的 節 目 , 但 無 綫 也 有 責 任 去 監 管 一 下 , 作 為 大 台 , 應 該 有 大 台 的 作 風 。 如 果 欣 宜 扮 白 雪 公 主 也 可 以 有 過 千 投 訴 , 這 樣 一 個 助 長 社 會 歪 風 的 節 目 , 相 信 更 加 值 得 投 訴 !

新 遊 戲 節 目 《 最 緊 要 進 步 》 , 看 多 一 個 星 期 感 覺 依 舊 奇 怪 , 全 個 節 目 完 全 沒 有 主 題 、 東 拉 西 扯 , 遊 戲 玩 法 更 是 求 其 得 很 , 像 節 目 名 稱 一 樣 「 行 貨 」 。 看 來 最 需 要 進 步 的 , 是 無 綫 的 創 作 部 門 ! 加 上 近 期 同 類 型 的 問 答 節 目 實 在 太 多 , 像 阿 叻 主 持 的 《 奧 運 玩 得 叻 》 也 是 大 同 小 異 , 但 至 少 阿 叻 懂 得 搞 氣 氣 , 令 沉 悶 的 節 目 帶 點 生 氣 。 節 目 內 容 乏 味 , 便 得 靠 主 持 人 去 帶 動 現 場 氣 氛 , 可 惜 貽 興 王 與 沈 卓 盈 兩 位 新 丁 的 造 詣 真 的 有 待 磨 練 , 一 下 子 委 以 重 任 實 在 玩 死 他 們 。 還 要 再 次 配 以 奇 怪 口 號 及 突 兀 動 作 , 真 的 是 在 挑 戰 觀 眾 的 容 忍 極 限 ! 若 換 上 森 美 小 儀 主 持 , 或 許 還 有 一 線 生 機 , 看 他 們 主 持 《 15/16 》 這 類 最 簡 單 的 問 答 遊 戲 也 可 搞 得 有 聲 有 色 , 便 知 道 他 們 的 功 力 。

撰 文 : 芒 姐


**************************************************************

哎…其實睇到o個個行貨到唔知點形容o既節目“最緊要進步”, 見到貽興王好吃力咁搞o下氣氛, 搞o下gag咁…做d自己最唔掂o既o野, 但又吃力不討好…好似做小丑咁…真係有d可憐! 整咩要搞成咁?

至於個“變靚d”節目…真係咩節目o黎o架? 咁o既節目都可以出街?!

今集o個位阿姐簡直係無o野搵o野o黎搞…個外藉老公叫 (佢話唔係個老公提議, 係同意!) 個老婆去整容, 呢d老公都真係唔洗要啦…咁鍾意要個老婆有全新面貌, 你不如搵過第二個老婆喇! 好鍾意個阿姐個仔o既反應, 問佢如果第日個女朋友整容佢接唔接受到…佢都話: “o係呢一刻我答唔到…” 呵呵呵!

其實我又真係唔覺佢整完個樣好o左…係化妝+髮型+服裝improve o左o者! 見到下一集o個個超姿整o靚仔[查]晒mask做訪問…真係好想打巴佢! 呢d節目又的確係可以引起話題, 等人一邊睇一邊鬧…睇報紙話個整容代言人+節目主持+mk wong個舊愛甄穎珊話: 「 節 目 有 列 明 家 長 指 引 , 用 醫 學 美 容 角 度 去 睇 , 唔 係 咁 嚴 重 , 唔 鍾 意 睇 可 以 唔 睇 。 」

咁唔鍾意當然可以唔睇啦…但係覺得好難頂好意識不良都可以voice out o卦?! 同埋整容姐姐, 唔該你既然整開容, 去improve埋d發音先o黎做主持…你d懶音同埋咬字問題, 比起你舊愛mk wong再嚴重百倍!

個節目臨尾仲要講番話: “如果婚姻只係靠樣貌維繫未免太脆弱”…但你明明就係sell緊呢樣o野, 臨尾又要兜番都好肉酸…同埋根本點兜都兜唔到…!

呢期d整容姐姐真係紅, 連“勁歌”都有佢o地, 但唔係唱歌, 係玩thai aerobics…我其實好驚佢o地打打o下會跌晒d假眼耳口鼻出o黎…另外o個隊hotcha又係好唔得…話係跳舞組合, 但又唔見得係跳得好…個樣又唔係靚, 唱歌又唔係勁…其實真係唔知佢o地sell咩?

個改革版o既“勁歌金曲”…真係好不知所謂! 成jar人好似癲佬/婆咁一邊踢腿, 一邊又有人耍o下劍, 真係odd到爆! 玩遊戲都玩d趣緻d o架呀?! 以前克勤+呂方主持o既年代都曾經改革加o左好多遊戲, 但又真係成個節目好睇o左好多, 同埋都有一邊唱o下歌…但係今次真係改得好差, 悶不特止仲要十級騎呢嘛…唔改好過改, 直頭係本末倒置晒!