2005年12月22日星期四

12-22(thurs) 聖誕迪士尼

前幾日又再去多次迪士尼, 因為有朋友o係o個度扮米奇老鼠(哈哈哈…講笑咋), 所以有免費飛!再去迪士尼並無令到我對呢個樂園改觀…仍然係得個“逼”字!

明明話開o左幕之後無晒人去o架嘛, 點知今次已經揀weekday去, 仍然咁多人 (咁當然無當日30000人次逼爆迪士尼咁誇張, 但仍然好逼囉…可能因為香港迪士尼真係太細)…或者因為就快聖誕, 多o左人放假, 同埋d飛又平o左, 所以仍然係人逼人!

Image hosted by Photobucket.com
(全程最搞笑可能就係遇到呢班唔知係咪“自由tun”o既朋友…不停咁被幫佢o地影相o個位仁兄 “教導”佢o地集體做出各種騎呢動作!)


(按圖觀看香港迪士尼唯一可觀的煙花?演部份片段)


比起上次玩多o左兩樣o野, 上次只係玩o左巴斯光年, 今次睇多o左3D米奇同埋搭船遊湖, 又玩多一次巴斯光年添 (證明我同呢個遊戲好有緣, 反而同WINNIE THE POOH就真係無咩緣喇!)…但係全部要排勁長龍o既遊戲, 我都避之則吉!

D遊戲就無咩可觀性o架喇, 正如上次所講, 最值回票價應該係佢個煙花…連平時勁憎睇煙花o既我 (尤其o係電視機前睇煙花更不能接受), 都覺得非常精彩…我諗因為有個城堡同埋燈光效果配合, 最重要係d煙花跟隨disney音樂o既拍子彈上o黎, 真係幾靚o既! 搞到我去完之後個腦不停咁出現“beauty and the beast”,“be our guest”,“a whole new world”等旋律…而聽到“a whole new world”, 又令我諗起english tang個女最上鏡小姐鄧上文, 因為佢當年同佢細佬+一大堆藝人下一代上“歡樂今宵”, 就係表演唱呢首歌…我仲搵到呢個節目o既錄影帶添, 真係十級騎呢!

頭先睇“翡翠音樂幹線”播戴夢夢o個首搞笑“全靠你教我渣車”, 即係“雨裡同行”mv, 而個mv o既男主角, 居然就係填呢d騎呢詞o既高皓正…真係“一雞兩味”(哈哈! Sorry! 呢個term好似有d搞笑!)! 一首咁正o既歌, 可惜卡拉ok未有得唱!