2012年12月18日星期二

12-18(tues) 萬千星輝頒獎典禮2012後記 + 馬明bb

其實都唔駛點o係呢度discuss, 因為我哋尋晚都已經即時o係fb講晒啦! 不過當然, 呢度就方便一口氣講番我對賽果的感受…同埋要貼番個賽果方便往後睇番啦!

最佳男主角:黎耀祥《大太監》
最佳女主角:楊怡《名媛望族》
最佳劇集:《天與地》
最佳男配角:古明華《巴不得媽媽…》
最佳女配角:胡定欣《拳王》
我最喜愛的電視男角色:張一健(馬國明飾演)《On Call36小時》
我最喜愛的電視女角色:陳家碧(徐子珊飾演)《雷霆掃毒》
飛躍進步男藝員:梁烈唯
飛躍進步女藝員:黃智雯
最佳節目主持:黎芷珊
最佳綜藝節目:《快樂地圖》
最佳資訊節目:《走過烽火大地》
傑出演員大獎:錢嘉樂、許紹雄、陳錦鴻、李成昌、鄭裕玲
萬千光輝演藝人大獎:汪明荃



即係個賽果呢, 前半段好合理…基本上同大家估o既差唔多, 男女飛躍, 最佳主持, 男女配角…都係最大路o個幾位…黃智雯, 唯唯, 芷珊姐姐…全部我都好like! 古佬同陳國邦其實兩個都好, 是但一個攞獎都好合理…雖然你一定要我揀一個我都會buy蘇基多d! 至於女配其實胡定欣亦ok, 雖然我撐三太太多d! 江美儀攞唔到獎, 連兩強都入唔到, 我有d戥佢可惜!

至於我最喜愛男女…其實係equivalent to勁歌的亞太區豬肉獎…攞唔到男女主角, 就頒呢個俾佢哋…所以馬明同徐子珊我都覺得合理o既! 而馬明同佢06年得獎時, 同樣獲得全場一致讚好, 同埋佢o既得獎感言亦依然得體 (as in 唔太假, 又唔太擦鞋, 總之係討好o個批)…大家可以睇番佢06年攞”男飛躍”時我寫咗d咩… (利申: 其實如果由n年前開始有睇呢度的朋友, 都知道我o既“心路歷程”…我係由一開始好唔like佢, 就係由06年頒獎禮呢一幕對佢改觀…直至近年好欣賞佢! 佢係娛樂圈少有的真性情人!)! 今次佢可以o係佢偶像benz雄手上領獎…好戥佢高興! 同埋as雪人said on fb, 佢居然講咗我句slogan”輸人唔輸陣”! good taste, 馬明! Haha!



但馬明尋日最出位o既, 並唔係佢o既番得獎感言, 而係佢o係知道黎耀祥三連霸後o既O嘴+呆咗成分鐘反應…呢d真係真性情! 我話要俾100000個like佢…依家fb已經有過百個like! 馬明真係真心cute!

高登仔有陰謀論話”馬明幾好戲呀, 明知自己無份攞. 梗係搶下鏡啦! 聽日一班無知記者又會圍住佢做訪問, 佢成功左啦~”… hahaha, 咁我又覺得馬明未好戲到呢個地步...正如其他高登仔所說, 佢係似輸錢多d囉…應該用咗成副身家買林峯!



我強烈推介大家睇番段片, 因為cap都cap不到個神髓! 佢可以由宣佈的一刻, 直至佢攬祥仔,再到人哋得獎致辭佢一路都呆咗…好似撞鬼咁…cute爆! 同埋好like高登仔俾"馬明bb"呢個名佢...我笑咗!

不過話實…每年台慶頒獎禮先係全年最考演技的一刻…你睇吓d人個個交d戲幾over…但你唔交又唔得! 峯峯俾tbb咁玩又係慘…得而復失仲要交足戲, 令人諗起06年胡杏兒肥田喜事食白果一役…太殘忍了吧!



利申先: 芒姐’s choice = 天與地+林峯+佘佘! 是咁的, 講真, 無論你like唔like林峰, 我相信無人會唔認同一人一票佢根本無得輸, 你可以話個賽制係特登改俾佢…但當全世界包括佢自己(同馬明)都諗到一定係佢, 食到入口要lur番出嚟…又未免係玩得佢太盡! 你俾十個亞皆老街獎佢都補唔番!同埋如果”天與地”得, 我唔信佘詩曼會唔得, 所以成個結果又係同以前一樣係tbb造出o黎…但咁都唔緊要, 最慘係佢要扮公投, 當我哋傻仔咁! 最終又係按佢o既喜好去搞吓gimmick但又要扮公平! 至於羊兒…十年前 (至兩三年前)我是很like佢的…咁你話今次佢攞我都覺得ok o既…如果佢同徐子珊, 可能我都會揀佢! 同埋搵千fa頒俾佢最啱…因為係千fa教我哋攞獎像儲錢一樣⋯唔係一朝一夕!

仲有我想話…deannie姐佢真係好funny! 佢o個段”而我不知道馬國明是誰”…又係今人笑咗!

今年無啦啦加o既“傑出演員大獎”…雖然真係好無啦啦…不過俾d鼓勵d甘草都係好呀! Good job! 但係我想話呢…do姐做主持o既功力, 我俾100分, 但佢個樣...點解真係會搞成咁? 佢反而以前relatively扁口扁面靚好多囉! 同埋今年阿姐件衫…再次嚇人一跳! 仲有我睇comment, 有人話鍾嘉欣成個look似條腸粉…呢個又係好笑!



最後, 當然係tvb台慶@芒姐再現啦...

2012:

http://hejnom.blogspot.com/2012_12_11_archive.html

http://hejnom.blogspot.com/2012_12_17_archive.html

http://hejnom.blogspot.com/2012_12_18_archive.html

2011:

http://hejnom.blogspot.com/2011_12_05_archive.html

http://hejnom.blogspot.com/2011_12_06_archive.html

2010:

http://hejnom.blogspot.com/2010_11_19_archive.html

http://hejnom.blogspot.com/2010_12_03_archive.html

http://hejnom.blogspot.com/2010_12_13_archive.html

2009:

http://hejnom.blogspot.com/2009_11_19_archive.html

http://hejnom.blogspot.com/2009_12_03_archive.html

http://hejnom.blogspot.com/2009_12_05_archive.html

2008:

http://hejnom.blogspot.com/2008_11_14_archive.html

http://hejnom.blogspot.com/2008_11_17_archive.html

http://hejnom.blogspot.com/2008_11_19_archive.html

2007:

http://hejnom.blogspot.com/2007_11_17_archive.html

http://hejnom.blogspot.com/2007_11_19_archive.html

2006:

http://hejnom.blogspot.com/2006_11_09_archive.html

http://hejnom.blogspot.com/2006_11_13_archive.html

http://hejnom.blogspot.com/2006_11_19_archive.html

2005:

http://hejnom.blogspot.com/2005_11_19_archive.html

http://hejnom.blogspot.com/2005_11_20_archive.html

http://hejnom.blogspot.com/2005_11_21_archive.html

2004:

http://hejnom3.blogspot.com/2004_11_19_archive.html

http://hejnom3.blogspot.com/2004_11_23_archive.html

2003:

http://hejnom3.blogspot.com/2003_11_17_archive.html

http://hejnom3.blogspot.com/2003_11_19_archive.html

2002:

http://hejnom3.blogspot.com/2002_11_19_archive.html

http://hejnom3.blogspot.com/2002_11_20_archive.html