2005年11月22日星期二

11-22(tues) 楊千嬅

今日又去o左caf? landmark食tea…即管話我寸啦…人生難得幾回寸嘛! 其實近期呢幾次都唔係我話要去, 只係d朋友睇完我個日記話想嘗o下“囂張”o既滋味…咁我就“免為其難”同佢o地去一次囉…哈哈! 但我今次唔係想晒我o既“囂張”, 只係想講o下我今次見到o既“明星”! 今日同d明星好有緣…平時通常去呢度只會撞到一個半個半紅不黑o既明星仔, 又或者好似四哥/maria cordero o個隻“甘草”!

但今次, 居然俾我見到我其中一個“前偶像”…以佢今時今日o既知名度, 根本唔需要去呢d地方搏記者影相囉…又或者佢真係想去過o下d“平民”生活啦?! o個個係邊個? 之唔係楊千嬅囉…我記得當年考緊a-level 期間, 佢有個function o係太古城kps舉行, 我都有特登o係溫書溫到悶悶地時, 走落去一睹佢o既風采o架…但當然無去搵佢簽名啦…我一向都唔走呢個路線! 今次就更加唔會啦…除o左因為我已經無“二丁目”年代咁歡喜佢, 亦都因為人o地又唔係出梗function, 都係俾番d私人時間人啦…同埋, 就算佢真係出梗function, 我都唔會咁做啦! (o岩o岩睇“東張西望”, 話阿deep單案原來係因為d人爭飲楊千嬅飲過杯芒果汁而起…噢! 原來佢飲過o既o野咁值錢…早知我去飲佢飲過杯茶啦…o係caf? landmark應該無人同我爭o卦?!)

點知見完佢一個都未夠, o係我坐o係o個度好“型”咁寫完稿之後, 一埋單就見到章小慧!!! 跟住打o左個round, 忽然見到一班記者出現, 仲係咁影住一間內衣店…望入去, 就當然見到章小慧好他條咁o係度揀緊內衣…仲揀o左成15分鐘…好明顯係佢自己call記者o黎做一場show! 再跟住望落去又見到wyman…之後行過starbucks又見埋寶珠姐! 嘩! 今日真係“星光熠熠耀landmark”!