2006年1月24日星期二

1-24(tues) Liza姐名曲@名曲滿天星

尋晚阿姐個“名曲滿天星”節目, 搵o左一jar年青歌手o黎唱番佢d經典名曲, 都有d期待呢集,因為全部都係我ok鍾意o既歌手/唱得之人…同埋佢o地一定唱得好過阿姐本人! 唔好誤會, 我係好欣賞阿姐o架, 但佢確係唔識合唱歌, 做主持亦都麻麻, 但做戲就真係好掂…尤其“創世紀”個liza…型! 廿幾年前o既洛琳亦都唔錯!

楊千嬅唱得特別核突, 尤其核突係佢嘗試扮阿姐o既腔口…一d都唔似之餘仲好難聽! 叫你唱人o地d名曲o者, 無人叫你扮佢…用番自己o既唱腔咪算囉!

Hocc唱“京華春夢”都ok, 不過佢都係適合唱rock多d! 同埋我都係鍾意聽“京華春夢”?面隻“撲蝶”多d…點解唔唱呀?

容祖兒就唱佢形容為好sweet, 好有初戀感覺o既“萬水千山總是情”…我都好認同! 呢隻歌的確係幾好聽…俾容祖兒唱又確係好過阿姐唱好多! 再加埋阿姐隻多年來最hit歌“勇敢的中國人”…兩隻歌都好掂, 我都好鍾意!

至於阿旺郭晉安同阿姐唱隻什麼“歡樂年年”…咁簡單o既歌都唱得咁難聽…佢兩位真係好應該去做番“我最喜愛的男女…主角”…而唔係男女歌星! 雖然我曾經o係“成功路上” , “同居三人組”或者“萬家傳說”年代好鍾意郭晉安…但佢唱歌係唔掂就係唔掂! 唔係睇番介紹佢時話佢95年憑“一分一刻一點也願意”出過一碟, 都完全唔記得佢首歌叫咩名…但絕對記得佢做過歌星, 因為我當時聽完佢唱歌, 衷心覺得佢比佢位唱歌已經唔多掂o既女友劉小慧唱得更難聽…我好有衝動寫信去tvb叫佢都係安守本份做番戲吧啦! 今次佢一唱, 發現佢就算唔係扮阿旺唱歌,都有阿旺腔口!

再o黎o個三個“野蠻奶奶”主角以hip hop打扮走出o黎唱隻咩“家規” (“野蠻奶奶”主題曲喎)…一見佢三個o既騎呢打扮已不敢恭維, 再聽埋佢o地唱live簡直嚇死我…更害怕o既係佢o地整埋d核突手勢…尤其mk wong(黃宗澤)o個個扮陳冠希look+動作形態…我只可以不停講: “唔該晒!”

臨尾阿姐再送隻“明成皇后”俾大家…嘩! 睇預告已經嚇到我…再聽晒成隻之後…哎! 隻歌真係俾佢唱到爛晒 (雖然本身都唔多好聽)!