11-27(sun) 刑事偵2

噢! 由呢個禮拜開始,“刑偵2”就正式踏入結局篇, 好唔捨得添! 由聽日開始, 就要連續5日聽到車匙不停咁o係度話:“我真係咩 <好有衝動o係呢個位加個“叉”字> 都唔記得!”正確o黎講係唔止5日, 之後成套40集o既“刑偵3”, 都係圍繞住呢個主題…所以跟住o個9個禮拜, 都會keep住咁聽到“我真係唔記得”… “你唔好逼我啦”等字句…好煩好煩!“刑偵”好睇o既部份, 可以話已經完結o左! 不過基於一個“情意結”, 我會睇埋呢5集…但到第三輯呢…唔知!



其實由“刑偵2”o既第31集開始, 已經無先前o個幾十集咁好睇…事關呢d因為劇集反應好而趕頭趕命邊拍邊添食o既集數…可能因為太趕o既關係, 都會有d虎頭蛇尾! 同埋我最不滿o既就當然係搞呢個失憶橋段出o黎…如果唔係要加呢十集, 就唔會搞成咁…唔知道原來預算三十集完o既時候, 個結局係點呢? 點解唔繼續叫郭藹明拍埋落去? 定係佢無期? 如果大勇同車匙 (我發覺其實大勇係叫佢做“遮時”) 繼續同郭藹明糾纏呢段三角戀, 都總好過玩失憶呀!

完全唔識見好就收呢樣o野…本來情海翻波完, carmen走o左之後大勇同車匙老老套套咁大團圓結局咪算囉…咁都可以留底伏線拍第三輯, 唔洗搞到依家咁, 夾硬俾呢個“失憶橋段”縛手縛腳!

最唔掂其實係後十集d案件都頗唔好睇, 一d都唔精彩, 仲要夾硬拖d主角落水! 首先係gigi因為撞到張兆輝, 就無啦啦o係跑馬地俾車撞死o左…跟住一連兩集就係義仔o係度喊苦喊忽, 歇斯底里地叫囂…但單案仍然俾佢o黎查! 當然, 今次車匙又involve落呢單case, 跟住俾人打o左支“懵仔針”, 又到張大勇發o左癲歇斯底里地邊查誰是兇手邊叫囂! 但呢d劇情太過過份煽情…無啦啦為involve d主角而involve d主角…gigi死得無謂過無謂不在講, 車匙失憶都唔見得太有意思…好老套呀!



再加個特別客串嘉賓鄭秀文…雖然sammi係我偶像, 但當時我都係掛住睇車匙而忽略o左sammi…同埋sammi o係呢套戲o既表現平心而論係好普通…even o係佢91年o既處女作“浪族闊少爺”都自然好多! 佢o係個劇o既look太歌星, 成身好型咁黑晒仲加副超, 行路時仲好似有風吹咁, 我以為拍緊mv…我記得當年我睇呢幾集時都有話過, 佢個look同登台唱“捨不得你”個look或者佢o個期o既唱片封套都差唔多! 同埋佢o係呢套戲做得有d誇, 咬字就更誇…平時都懶“meh”音o架喇, 但拍呢套戲時最嚴重…又“dai勇”, 又o個“tiu”鏈…仲有扮暈o個part都好浮誇! 我覺得佢客串o左呢套劇反而係佢演藝路程o既黑點…本來佢不嬲演技都唔差o架喎! 睇呢套戲, 反而真係會想睇車匙多過佢!

仲有, sammi個角色又係後尾十集幾乎單單case都關佢事, 連o個個端木紫case都關佢事…都話好憎d case involve太多主角! 同埋雪梨原來係陳佩珊個“男友”呢d les情節亦都實在玩得太多, 一d驚喜都無! 不過學到一樣o野, 係係原來“端木”(其實係咪咁寫?) 係中國姓, 真係唔睇都唔知!

有一樣o野不得不講: 車匙呢個人實在真係太多事喇, 就算招致殺身之禍, 某程度上都係抵佢o既…一日到晚都對住d兇手話:“你係殺人兇手”…你係咪癲o架?! 成日以為自己係警察, 又衝入案發現場…真係太勇! lesson of the day: 做人都係唔好咁八!


(唔知點解睇呢張結婚照, 郭可盈個樣有d似廖碧兒…唔怪之得“心花放”搵佢o地做兩姐妹啦!)

不過都有o野要讚, 就係其實車匙同大勇真係做得幾好, 做得好真囉…尤其係結婚o個幕, 真係做得幾sweet幾溫馨…唔知係佢o地演技真係咁好呀 (如果當年有o個d咩“飛躍進步獎”, 郭可盈一定?到), 定係假戲真做呢?! 抵佢o地可以連續幾年?壹仔o既“最受歡迎螢幕情侶”! 我記得當年我睇佢o地結婚o個段都覺得真係拍得好好…除o左佢o地真係好有由個心度笑出o黎之外, 其他演員都好投入, 全程註冊時大家都笑晒口又吹晒口哨咁…好似真係參加緊一個婚禮! 我俾佢o地o既演繹有10個好…唔怪之得o個次“娛樂直播”訪問郭可盈, 佢都話咁多年o黎同佢最有默契o既拍檔係陶大宇!

不過通常呢d懶sweet 懶溫馨o既劇情之後 (例如勁?膽o既無啦啦去沙灘畫花…之後大勇仲送舊爛鬼水晶花俾車匙, 此舉好out of character囉…好明顯係留底之後5集今日keep住回憶呢段o既伏線…仲有當然唔少得o既就係臨尾拿住舊爛鬼水晶花不停咁講:“如果你係你記得我, 你返轉頭啦啦啦啦啦啦啦啦啦啦!”)…再o係“刑3”?repeat呢段二百三十次!), 就會有d好悲慘o既劇情…gigi係咁, jessie又係咁…之後o個一個禮拜, 就要keep住睇d勁慘o既劇情..oh I don’t like it!



睇佢呢段婚禮, 都有d騎呢o野, 首先點會搵王維安 (蔣志光) 做“兄弟”o架? 佢明明係情敵o黎o架嘛! 同埋鄭秀文明明話做伴娘, 車匙仲話要特登整條裙俾佢, 但結婚當日佢只係係著件中褸咁o既物體…套伴娘裙都幾新潮! 但最騎呢係當年我睇o既時候, 完全無發現呢個漏洞!

其實我覺得郭可盈o個時個樣真係幾靚, 尤其係個婚紗look (但套婚紗就好核突, 仲無啦啦加隻袖)…同依家個樣好唔同…所以話, 整咩容呀?! 同埋我發覺o個個年代d女士o既眼睫毛無依家撐得咁artificial…依家d人成日要撐到高過個上眼蓋…其實有d假囉!

呢幾排睇“刑偵”, 依然覺得梁榮忠好面目可憎, 但係因為依家o既郭可盈同當時o既高婕太唔同樣, 好易differentiate, 根本就唔覺得佢o地係同一個人…所以高婕依然討好!


(“十大經典重現眼前”?的《刑事偵緝檔案》:
另一套經典的系列式警匪劇集則要數《刑事偵緝檔案》（1995）。此劇當年其實並不屬於大製作，但因懸疑推理故事一向廣受電視觀眾歡迎，而TVB亦向來擅於拍攝此類劇集，故甫推出的反應便超乎預期。連帶劇中的主角陶大宇、郭可盈及梁榮忠亦大受歡迎，獲選為95年度的十大最受歡迎藝人。TVB亦立即於同年年底推出續集，將幾位主角的事業推向高峰；更進一步鞏固了陶大宇「師奶殺手」的地位。而他與郭可盈的螢幕情侶形象更大為深入民心，連續多年獲選為最受歡迎電視拍檔；劇中「大勇」與「Jessie」的愛情故事更成為市民茶餘飯後的話題，風靡一時。)