8-15(mon) 影子舞

又有個疑團想睇o下有無朋友可以幫我o地解開…係關於一首90年代曾經大hit o既歌曲!

事緣前幾日同d朋友仔講開有讀白o既歌曲...發覺90年代真係極興夾硬加d讀白落d歌度, 造成一連串o既過濫歌曲劇場版…講講o下我o地諗起杜德偉一隻當年曾經勁hit o既rap歌, 但淨係記得有類似o既幾句歌詞: “你o既球拍, 你o既皮鞋, 你o既唇膏, 仍然o係我度…你記得我嗎? 有掛住我嗎?”

但係諗o左好耐, 大家都諗唔到隻歌叫咩名同埋其他歌詞係點…我淨係記得o係90年代hit到無論大人細路人人都識rap番幾句, 我仲同我表姐繼o係電話度對唱“天涯歌女”全碟o既合唱歌曲後, 再下一城o係電話度齊rap呢隻歌…但多年後o既今日, 我居然唔記得o左d歌詞, 仲連歌名都唔記得…實在太失敗喇! 我仲記得當年“歡樂今宵”直頭有一個rap呢首歌o既比賽…好騎呢!

於是返到屋企我就用o左不下十個search engines o黎搵…哈哈! 終於俾我搵到呢隻歌o既歌名...原來係"影子舞"! 但估唔到一隻當年咁hit o既歌, o係網上面居然搵唔到佢o既全首歌詞...真係太令人失望喇…點會咁o架?! 有無人有呢首歌o既歌詞呀?! 網上只係搵到有人節錄o左o既一小節:

"...........everything alright (芒姐: 呢句最經典, 唔知點解我會唔記得o左?!)
仲有無時時去睇midnight show
有無睇羅拔迪尼路
你既假髮你既唇膏仍係我度
記得我嗎有掛住我嗎"

頭先特登睇o左第一集o既“酒店風雲” (唔知點解硬係覺得套戲個名係叫“酒店大亨”…可能細個玩board games玩上腦)…嘩! 好悶…! 又係o個d家族情仇, 大家族爭產…又死人又lum樓…太heavy喇! 最弊係d主角無一個吸引我, 吳唱k同官恩娜d戲都勁屎…仲有楊婉儀, 佢做個八婆角色未免太吃力, 可能佢俾人感覺真係太大方…哈! 唔知佢應該高興定唔高興喇?!

跟住完場時又聽到“別怪她…別怪她…”, 我就快患上“別怪她症候群”…tvb, 唔該晒!