11-25(fri) 阿旺新傳

頭先睇“阿旺新傳”, 係就係低能d, 不過都真係偶然有d笑料o既! 好似今集講阿旺帶佢個 “老人痴呆症”老豆去祥旺村同d三姑六婆打麻雀…d人一心扼佢o地, 亂咁切d牌就話食糊, 又 “芝麻糊”, 又“花生糊”, 又話有南又有北係“杏仁糊”…好白痴! 但呢part幾好笑o下!

同埋終於唔洗睇黃宗澤同宣萱做一pair…真係好! 應該調轉曹永廉同宣宣, 黃宗澤同唐寧會好d! 睇睇o下唐寧都幾靚o既, 尤其大部份童星大個o左都走樣走得好交關, 佢算係keep得比較好o既一個!

仲有頭先無意中睇到一篇袁彌明o既訪問, 原來佢唔只拍過o個套咩”pr girls”, 仲有拍過“算死草” (話同唐寧一齊做周星馳個丫環喎), “愛你愛到殺死你”同埋“初戀無限touch”! 最估唔到係原來佢o係“初戀無限touch”係做陳曉東個妹, 即係不停話自己係les, 一見到梁詠琪o黎佢屋企仲大叫“靚仔”o個個呢…其實o個時睇呢套戲都有留意到呢個角色…但就真係完全唔認得佢囉! 又一個晴天pig pig!



順帶亦都要多謝埋幫我proof read我d無聊articles o既朋友! 呢期除o左寫中文review之外, 亦都有新嘗試, 就係幫yesasia寫o下d“product descriptions”, 寫中又寫英…發覺原來我平時因為寫d “娛樂”o野一向寫開中文, 所以要寫起英文o既“娛樂”料…其實好鬼難…仲難過draft正經文件! 無法…一向都無睇英文娛樂雜誌(完全無呢個興趣), 亦唔打算為呢d jobs而develop呢個習慣…所以, 算吧啦! 我唯有用番平時寫essay o既方法去寫呢d creative writings…所以出o黎o既效果都…哈哈! 亦因此特別情商o左我認為英文比較好o既朋友 (須知道我咁尖酸刻薄…我話得好o既其實真係幾好o個隻! 黨員, 你絕對係其中一個…我唔係擦你鞋o架 <你知我根本唔會>! I really mean it!) 幫我proof read o下我d中英對照articles, 咁就萬無一失啦!

(以上o個段o野中英夾雜…好失禮! 但我唔打算改佢, 因為我手寫我心嘛…我呢一刻係諗到呢d o野…容我失禮一下啦!)