2008年1月1日星期二

1-1(tues) 2007叱咤樂壇流行榜頒獎典禮

各位朋友新年快樂! 芒姐祝大家2008年心想事成, 想o個樣有o個樣!

今年去o左國金對面倒數, 可能因為病病o地, 加埋天氣轉冷o左好多, 真係凍到揪筋…不過d煙花真係幾靚, 我覺得國金外牆射出o黎o個d好似洋葱花囉…wahaha! 好明顯個人太肚餓喇!



一月一日, 就梗係要講o下叱咤啦…佢由95年度開始揀一月一號搞呢個頒獎禮, 又真係一個好醒o既move…起碼人人都會記得! 楊千嬅都話一月一日唔去叱咤,都唔知做咩好!

話咁快又十年, 上一次聽叱咤十年, 係回顧番88-97年度, 好似年代好久遠咁, 因為o個時我比較細個, 到o左呢個十年, 已經長大成人…但係97年真係好似無幾耐之前o既事! 真係十年一瞬間喇! 我仲記得97年度頒獎禮時, 我仲係會為o左聽叱咤而唔出街o既年代…當時選叱咤十年的我最最最最最喜愛歌曲, 覺得d歌曲好經典, 好遙遠咁…但係依家呢幾首, 就真係好似無幾耐以前咁...不過“k歌之王”攞呢十年“我最最最最最最最喜愛的歌曲”都好合理!

至於我對叱咜頒獎禮的觀感…之前3,4,5年都已經講o左好多次, 費事重覆又重覆, 可以入去睇o下先…


2007-1-9(tues) 06叱咤



2006-1-1(sun) 2005叱咤樂壇



2005-1-29(sat) 2004頒獎禮



2004-1-3(sat) 叱咤風雲


都係o個句, 所有頒獎禮, 無論樂壇定電視台, 都係一場遊戲一場show!

點為之最公平? 人人意見不一...賽果o岩你心水咪覺得公平囉…呢個遊戲係咁玩o架啦! 至於造馬…個個頒獎禮都造o架啦, 呢個亦都係遊戲規則之一, 只係睇o下邊個造得高招d o者! 呢個係一個商業社會, 好多o野 (if not所有o野), 都係同利益掛鈎…係好可悲, 但係不爭o既事實! 你唔係仲以為係靠觀眾投票呀? 雖然我小時候真係深信過, 亦都好落力去投票…當然, 我依家仍然支持去投票, 因為過程好玩, 支持o左你喜歡的歌手你就開心o架啦…釣勝於魚嘛!

至於叱咜, 其實佢算公平公正公開o架喇…至少o係自己o既遊戲規則內…所以佢o既賽果永遠都係同報紙之前計o既結果大同小異! 不過其實如果佢可以唔好成日強調自己係最公平公正公開及民意為尊…咁會好d囉! 你係咪…大家心照o架啦!

不過as a show…佢又真係做得好o既, 好識搞packaging同埋marketing, 仲有, 佢d高層全部都好識講o野, 都係o個句: 似保險從業員…同埋亦都仲係o個句: 商台真係好識搞氣氛玩煸情, 又識製造d noise, 點都好過連分豬肉都分不勻, 頒o左都唔知佢頒咩獎o既勁爆…!

雖然賽果比較另類, 但係903真係好識捧人, 尤其係將個人捧到上天…同埋903fans一定會認同叱咤係最公平o既頒獎禮, 因為佢o地鍾意聽呢個台, 日日都聽佢o地 “精心挑選”o黎播o既歌, 聽得多自然入腦…咁一定係覺得o個d歌hit, 咁咪自然係賽果最“公平公正”囉! 至於“公開”佢就一定係…起碼講明自己個遊戲規則, 我係可以力谷我鍾意捧o個d人/歌o既播放率呀…你唔鍾意咪唔好玩呢個遊戲囉!

呢d咪就係型囉! 鍾意o個d歌手可以捧到上天, 唔鍾意你就無情講, 唔洗旨意得獎…有性格, 我buy! 亦都因為叱咤成日都會俾獎d未紅或另類o既歌手, 今年就有耳非文, kary, 張敬軒...佢o地係咪好到咁? 見仁見智啦, 即係你鍾意o既可能我又唔鍾意, 雖然軒仔同kary我都ok buy…但我係泛指成件事! 亦因為佢o地好難先得到獎, 會特別珍惜…好似今次頒至尊歌俾軒仔, 本來大家以為一定係陳奕迅, 第二d台都未必會夠膽頒個大獎俾軒仔…叱咤最大特色就係能人所不能…就係因為咁, 佢先可以搞煸情搞得咁成功! 同埋d歌手都會俾面出席, 因為叱咤o係歌手心中有一定份量...但當然勁歌係最有地位啦!

而呢d“未紅先捧”o既歌手亦都一定會好感激商台, 紅o左之後仍然會keep住同商台o既友好關係…就好似當年未紅o既千嬅同eason咁…雖然當年見到佢o地得獎, 我都好開心, 因為當時已經好buy佢o地…所以叱咜頒獎禮我一向都幾鍾意睇…尤其係96年度o係大球場由天光播到天黑o既頒獎禮, 我一邊聽電台, 一邊又睇埋電視 (o個年破天荒自場直播)…好正!

講番今年o既賽果, 我又估唔到今年好hit o既新人江若琳會無獎 (雖然我不大buy佢), 仲有陳柏宇呢! 原來洪卓立唱得幾好, 佢個靚仔樣累o左佢 (雖然佢呢隻唇紅齒白型我個人係最唔buy o既, 但無可否認objectively佢係一個靚仔)…

睇到呢段好好笑…哈…好準繩:

“歌 手 們 在 商 台 頒 獎 禮 上 通 常 會 同 聲 一 哭 的 傳 統 昨 晚 依 然 , 但 多 出 現 在 新 人 環 節 , 女 歌 手 生 力 軍 三 甲 , 包 括 金 獎 李 卓 庭 、 銀 獎 鍾 舒 漫 及 銅 獎 梁 雨 恩 上 台 時 都 哭 說 話 , 但 未 見 有 眼 淚 , 生 力 軍 男 歌 手 金 獎 洪 卓 立 也 是 上 台 便 眼 泛 淚 光 , 但 說 謝 詞 時 便 回 復 正 常 , 未 有 暢 快 大 哭 一 場 , 哭 得 最 厲 害 的 是 生 力 軍 組 合 金 獎 HotCha 三 女 。”

雖然王菀之雖然把聲我超怕, 但係佢講o野其實幾好笑…最經典係“15/16”o既“因為我敬軒”…笑死我, o個時先知原來佢都有唔錯o既sense of humour!

不過今年阿jan o個part talk show真係幾爛吓…令人好失望! 其實前幾年已經比軟硬做叱咤年代遜色o左好多…以前每年大家都係最期待呢part o架嘛! 但係前幾年就算差o左都叫做有d笑/精警位, 今年呢個真係…哎! 連台下平時會俾面笑o下o既歌手都無咩邊個位笑得出! 咩“雙古”,“all about warrant”, 仲有“長[手查]謝安琪”...點呀? 爛得o黎仲好…哎…!

仲有, 阿商台之友楊千嬅都真係幾有體育精神, 連續兩年明知無咩獎都照出席 (所以商台點都會俾番個唔洗計播放率o既“我最喜愛”獎佢以示鼓勵)…不過我真係要再講一次, 佢真係好識講o野, 好大方得體亦有point…我都要向佢學習…!

總結: 今年賽果幾好呀…點解? 因為都ok合我心水!

要post番個賽果先, 以防之後唔記得:

2007 年 度 叱 咤 樂 壇 流 行 榜 頒 獎 典 禮 賽 果 :

叱 咤 樂 壇 至 尊 歌 曲 大 獎 : 《 酷 愛 》 張 敬 軒 ( 即 第 一 位 )
第 二 位 : 《 Crying in the Party 》 陳 奕 迅
第 三 位 : 《 花 落 誰 家 》 李 克 勤
第 四 位 : 《 愛 回 家 》 古 巨 基
第 五 位 : 《 木 紋 》 何 韻 詩
第 六 位 : 《 前 程 錦 繡 》 許 志 安
第 七 位 : 《 愛 一 個 上 一 課 》 容 祖 兒
第 八 位 : 《 逼 得 太 緊 》 吳 雨 霏
第 九 位 : 《 男 人 KTV 》 側 田
第 十 位 : 《 東 京 鐵 塔 下 GuLuGuLu 》 有 耳 非 文

叱 咤 樂 壇 男 歌 手
金 獎 : 陳 奕 迅   銀 獎 : 古 巨 基   銅 獎 : 張 敬 軒

叱 咤 樂 壇 女 歌 手
金 獎 : 容 祖 兒   銀 獎 : 何 韻 詩   銅 獎 : 謝 安 琪

叱 咤 樂 壇 組 合
金 獎 : 農 夫   銀 獎 : Twins   銅 獎 : Zarahn

叱 咤 樂 壇 生 力 軍 男 歌 手
金 獎 : 洪 卓 立   銀 獎 : 周 柏 豪   銅 獎 : 小 肥

叱 咤 樂 壇 生 力 軍 女 歌 手
金 獎 : 李 卓 庭   銀 獎 : 鍾 舒 漫   銅 獎 : 梁 雨 恩

叱 咤 樂 壇 生 力 軍 組 合
金 獎 : HotCha   銀 獎 : 朱 凌 凌   銅 獎 : Kolor

叱 咤 樂 壇 唱 作 人
金 獎 : 王 菀 之   銀 獎 : 張 繼 聰   銅 獎 : Eric Kwok

叱 咤 樂 壇 至 尊 唱 片 大 獎 : 陳 奕 迅 《 Listen to Eason Chan 》

叱 咤 樂 壇 我 最 喜 愛 的 男 歌 手 : 陳 奕 迅

叱 咤 樂 壇 我 最 喜 愛 的 女 歌 手 : 楊 千 嬅

叱 咤 樂 壇 我 最 喜 愛 的 組 合 : 農 夫

叱 咤 樂 壇 我 最 喜 愛 的 歌 曲 大 獎 : 《 酷 愛 》 張 敬 軒

我 最 最 最 最 最 最 最 最 最 最 喜 愛 的 歌 曲 * : 《 K 歌 之 王 》 陳 奕 迅

叱 咤 樂 壇 作 曲 人 大 獎 : 張 繼 聰

叱 咤 樂 壇 填 詞 人 大 獎 : 林 夕

叱 咤 樂 壇 監 製 大 獎 : 雷 頌 德

叱 咤 樂 壇 編 曲 人 大 獎 : 雷 頌 德

2007 四 台 聯 頒 音 樂 大 獎 — — 大 碟 獎 : 《 In Control 》 吳 雨 霏

* 獎 項 不 計 算 在 傳 媒 大 獎



仲有呢個資料極度詳盡o既叱咤樂壇流行榜wiki…可以睇番歷屆賽果添!