2010年10月5日星期二

10-5(tues) 胡鴻鈞+朱樂言視評

“公主嫁到”話咁快做完咗…輕輕鬆鬆熱熱鬧鬧…都算係呢期比較好睇o既一套戲! 原來朝早11點幾又重播“衝上雲霄”…頭幾集意大利外景好好睇呀…不容錯過!

原來連“天天天晴”都好快會做完…唔睇wiki都唔知! 明明都未入戲肉, 黎耀祥同毛毛都未一齊, 我以為仲會做多一年半載, 點知原來11月已經會有新劇!

上兩個禮拜無意中睇到一集勁搞笑…內容極其無聊, 但我估佢唔到, 幾低能但好好笑囉! 話說徐榮細個時去參加“430穿梭機”玩遊戲, 仲播番當時張國強哥哥同譚玉瑛姐姐做主持o既片段…話徐榮差d答到條問題, 點知時間到佢就答唔到, 佢好唔開心…跟住佢爸爸帶佢去等阿430穿梭機機長張國強哥哥放工, 徐榮想講番個答案俾機長哥哥知…點知張國強趕時間, 約佢25年後今日o係番廣播道tvb見番佢講個答案佢知…哈哈哈…聽起上o黎都極其無聊…但又幾好笑…估都估唔到有d咁o既劇情! 同埋真係搵到張國強哥哥同譚玉瑛姐姐o黎拍呢一集…簡直係童年回憶返埋o黎囉…兩個都仲keep得好好呀! 無啦啦睇“天天天晴”可以見番佢o地兩個一齊出現…好感動囉…尤其係對我o地呢一代o既小朋友o黎講! 查實譚玉瑛姐姐依家仲有無做兒童節目呢?

嘩…連“430穿梭機”wiki都有講呢part…”於2010年9月22日中秋節當晚播放的處境喜劇天天天晴,張國強在劇中再次飾演《430穿梭機》機長,並任命劇中龍福珠寶行政助理郭偉龍 (徐榮飾) 為第16名機員。”

上個禮拜睇完“巨聲同學會"...發覺原來巨聲2亞軍胡鴻鈞講嘢幾抵死o架喎...估佢唔到! 咁多集都無咩表露到佢寸嘴的一面…有警喜囉…芒姐buy佢! 除咗我, 原來我身邊好多朋友睇完呢一集都欣賞咗佢!

羅敏莊上個禮拜又o係勁歌金曲演唱佢首最經典名曲“挑戰者”…雖然我都好支持mimi同"挑戰者"...但我prefer以前o既mimi多d…佢依家成日以"黑妹李麗霞"唱腔演繹呢首歌有d怪...



噢…前幾日忽然發現, 原來當年睇開o既朱樂言視評, 居然係最後一期喇…太可惜…睇咗好多年o架啦嘛…香港已經無晒視評睇…oh why~~~???!!!


給陳志雲、王征及胡容卿的信 (星島日報)

朱樂言不是我的真實名字。

朱樂言原是我侄女的姓名,3個字拼合起來有點意思,所以就借用了。

樂言她長得亭亭玉立,人很聰慧,也愛寫文章。幾年前她升讀中一時,寫了十數頁小說給我看,愛情幼嫩,文字不幼嫩,更隱隱見格局,我鼓勵她努力寫,或者可以成為下一個鄭梓靈。怎知樂言一被催逼,壓力來了,就不肯再寫。

漸漸,鄭梓靈也不是她的偶像了。最近看她手拿著的,都是大文豪的英文小說。過兩年考大學,會選讀英國 文學吧?

今天,想起這侄女許多瑣事。因為,我決定將朱樂言3個字還給樂言。

借用期滿了。

我也要告別了。

原因不太特別,我最近轉工,要往外地工作拚搏,若長期不在港,怎評香港電視?

不捨,也要捨。香港一直堅持寫視評的人不出三幾個,能堅持寫足18年,風雨不脫稿不間斷的,相信只有我了。

最後一篇視評,應該寫甚麼?

不如寫幾封信吧。

給陳志雲的信

陳志雲先生:

倉頡創造了文字,你創造了金句。

真的假不了,假的真不了。

不了不了,卻不能不了了之。最後真的逃不了起訴了。

你會霸佔多少日港聞頭條?真的數不了。

控方初步擬定傳召50位證人,包括方逸華、樂易玲及懷疑被騙的5大花旦及視帝黎耀祥等。法庭內外的熱鬧,可媲美台慶。

「邵逸夫獎」頒獎禮司儀一職,你要放棄了。《志雲飯局》也久久未開飯,這幾天你避往內地,更只為吃一頓清靜的安樂茶飯。一直習慣記者簇擁,這一刻也受不了。

真的假的,待法庭判決。但,自你離開無線後,台勢顯得薄弱了。具創意的節目或劇集,一個不見。《向世界出發》的監製因志雲幫3個字被炒,這人才怎找回來?台慶獎項完全順應民意嗎?4大唱片公司繼續交惡,誰能和談?最具殺傷力的「壟斷」控訴殺至埋身,沒有陳志雲式的公關手段及招牌笑容,誰去應付?

如果「假的真不了」,請你返回無線。
少曝光,多想想,製作多一點像《一百萬人的故事》這類節目好嗎?

給王征的信

王征先生:

亞視,靠你!

雖然我不能肯定你是不是老闆,或是老闆的幕後老闆,但依然認為,亞視,靠你!

因為,你的熱!

你的熱心、熱情、熱血,最適合成為一個沒有希望的電視台的希望。鄧特希說得對,這時候的電視圈,最需要王征先生的天真。

你曾說過,20年內要亞視成為亞洲的CNN。你也說過,無限量支持鄧特希開劇。但,以股權支持,不是現金。王征先生,你是聰明的。

《法網群英》一直得4點收視,低開低收,成績穩定,希望王征你真的繼續支持。

我希望20年內,亞視做不成CNN的話,也有機會讓鮑姐再拍劇。僅此而已。

給胡容卿小姐

謝謝你寄來的親筆信,我肯定你是最重視坊間視評的電視台領導人。
 
對有線的彈或讚,你皆接納,這種開明態度,一定可以讓電視台健康發展。9月份開始,有線百花綻放,各類型新節目湧來,可惜,我不在港,緣慳一面了。

但,有線有戰意,這的確是真心話。只要熱線服務弄好100倍,又能減一半月費,有線便無敵了。祝戰意無限,奮力向上。僅以此說話共勉。

最後,謝謝星島編輯的幫忙,讓稿件可延至最後一刻才發放,真的辛苦你們了。

各位讀者,再見。祝你與你的家人安好。