2012年6月12日星期二

6-12(tues) 因CHOK之名~~

唔好意思! 要大家久等! 大家好~~~~~~我要話俾大家聽…芒姐尚在人間…呵呵! 雖然已半死了 (睬!)

公私兩(十分)忙…所以已經n年未追番d電視劇…

久別重逢…當然要搵d新嘢update吓! 第一, 就係唔聲唔聲之下, 我呢篇幫yesasia寫o既專題文章已經出咗喇…

由上年生日開始寫, 寫咗大半年都係寫咗兩段, 一拖再拖…到有日終於忍唔住…"的"起心肝夜孖孖於工o係公司附近o個間starbucks寫埋佢…點知寫寫吓覺得異常地yim悶, 好唔係我o既style, 所以又由頭再寫過…終於我因為諗到句: "『CHOK』不死,因而『CHOK』得起"...我自己o係starbucks笑咗! 因為爛爛哋, 但好係我個style, 所以我中意!

yesasia的親愛editors們成日都話我好耐無幫佢哋寫嘢, 摷番d資料好似又係喎…對上一篇, 居然係08年, 有足足四年無幫佢哋寫過專題文章喇…雖然呢4年o黎, 我哋依然無間斷地以另一種方式合作!

今次"重出江湖", 當然要寫吓"賣飛佛", 又同時係最"惹火"的林峯啦! 亦都當然, 呢d係sell products的featured articles, 少不免係有讚無彈…不喜林峯的請勿看, 免得大家又傷和氣! Hoho!

o黎喇, 登~登登~登~登~~~~ "因CHOK之名—林峯"
http://www.yesasia.com/global/yumcha/0-0-0-arid.414-zh_TW/featured-article.html

真係唔睇番都唔知, 原來唔經唔覺, 我己經幫ya寫咗7年嘢…寫第一篇"TVB劇集─十大經典 重現眼前"時, 我仲係一個trainee…依家…我已經成為一個…老trainee! wahahaha!

當時有第一篇文章出街, 好緊張的呢…中間改咗十九幾萬次, 仲好有passion, 好有熱誠! 我都好懷念當年好有拼勁的小妹妹芒! 雖然我依家個樣仲俾人以為係一個"小妹妹", 但係經歷過咁多, 我的心態已經變成一個老pat pat…wahaha! 不過我都好多謝yesasia的賞識, 俾第一次機會我成為半個"專欄作家", 所以就算我依家成為一個old pat pat, 我都依然會不計成本繼續幫佢哋寫…希望佢哋會識做俾多d紀念品我啦…hoho! 稿費就…講心o既啫! 另外, 當然要好感激之後俾機會我, 令更多人認識我o既蘋果日報啦…如果唔係, 我都無得一嘗o係報紙有個column的滋味! 巧威威的耶! 當然, 最重要係多謝你哋咁多年o黎o既支持, 令我由寂寂無名o既小妹妹芒, 變成…無咁寂寂無名o既老芒! hoho! 真係要講句: "我覺得光榮…因有你們擁戴!"…真心的!



wow! 好恭喜我的兒時偶像千fa同丁生! RMB幾靚仔喎…眉清目秀咁! 見到千嬅經歷過咁多之後依家咁幸福, 都好戥佢開心! Yeah!


另, "心戰"我真係未得閒認真咁睇住, 似乎要由第一集慢慢睇先可以明白佢講咩囉! 剛剛先追埋"拳王"…其實呢套幾好睇喎! 鄭嘉穎係型o既! 同埋…個個都好大隻囉! 呵呵!