2006年8月28日星期一

8-28(mon) 鄭嘉穎鄭重聲明演唱會

youtube真係一個好偉大o既site, 因為o係o個度可以search到好多久違了o既節目, 甚至係好多以前未睇過o既陳年節目, 仲有好多剛剛miss o左o既節目!

前一回講到前幾日又再次miss o左“我和殭屍有個約會3”o既結局…咁唯有嘗試去youtube search o下有無啦…點知真係俾我搵到一段:



但係睇完令我更迷惘, 因為尾二o個日o係電視度睇o左應該係首播時結局o既其中一part…無啦啦講到現實中o既萬二蚊同尹天照, 完全唔知係咩一回事…有讀者話我知係“戲中戲”, 我諗即係做做o下套戲無啦啦哎“cut”o個隻啦…但最後個ending又變番戲入面o既角色馬小玲同況天佑…真係一頭霧水! 最後係馬小玲要死, 況天佑忍唔住咬o左佢一啖, 令佢變埋殭屍…咁中間段"戲中戲"即係咩事? 點跳番去youtube o個段ending呢?! Oh…太迷惘了!

同埋今次ending播o個首“殭2”主題曲“假如真的有個約會”換o左第二個主唱者, 唔係蔣嘉瑩, 變得好怪囉…可能聽慣o左!

我覺得"殭3"其實已經有d走火入魔, “殭1”o係天馬行空中都帶“籮直”, “殭2”已經搞到太多枝節同埋有d混亂…“殭3”就更加離晒大譜, 可能真係太多o野想講, 太aggressive, 搞到一片混亂…簡直係簡單複雜化, 破壞晒我好喜愛o既“殭屍”系列!



繼之前o既周慧敏演唱會, 禮拜六無線又播o左好細part我o地前幾個月好鍾意o既鄭嘉穎“鄭重聲明演唱會”…成日都係播少少咁, 搏大家睇得唔夠喉會裝番個收費電視乎?!

一聽到“分分鐘記起”, “萬千寵愛在一身”, “緣份”(唔係哥哥同梅姐o個隻, 而係鄭嘉穎+王馨平+蔡一傑o個首) 呢d舊歌o既前奏已經令人諗起九十年代…仲要係好好好typical o既九十年代歌曲style! 哈哈哈…鄭嘉穎其實係屬於我o地讀書年代o既歌手, 唔知點解好似差唔多唔記得o左佢呢個身份!

不過坦白講 (其實都講o左好多次), 雖然係幾欣賞佢, 但佢唱歌真係唔多掂, 都係做戲好好多…連林峰同niki都唱得好過佢好多…真係唔知阿“吸血鬼”戴老師憑咩收咁貴學費, 個個徒弟唱歌都唔多掂?!

仲有, 阿湯寶如小姐個長頭髮look真係好恐怖, 原來真係唔係人人都可以長頭髮得起 (當然要短頭髮短得靚就更加難)…都係十多年前個短髮爽朗look好睇好多!



又介紹一個網址俾大家:「 人 品 計 算 器 」…玩o下o者! 不過原來我人品都幾差o下…哈哈哈!