2006年11月23日星期四

11-23(thurs) 肥田結局+一個諾言

上個禮拜終於播完晒“肥田囍事”…嘩! 大佬…呢套戲都真係頗難頂o下! 由我最初好期待睇呢套台慶劇, 到睇o左初段覺得係就係無內容同埋太過童話式, 但都可以接受, 再到後期直頭睇都唔想睇, 但係既然睇開就捱埋佢啦…真係都幾令我失望囉!

D演員就唔係話演得差o既…但係套劇o既內容實在係悶, 直頭可以話無劇情可言…後尾o個十集好明顯係夾硬拖…一時又嫁馬國明, 一時又悔婚, 跟住馬明又話同李詩韻結婚, 跟住又反侮, 跟住又許志安同姚嘉妮結婚, 跟住又結唔成…搞來搞去搞o左成十集, 一塌胡塗…真係枉費胡杏兒為o左套咁爛o既劇幾個月內又增肥又減肥…好傷身o架嘛!

最難頂係禮拜六o個集大結局, 咁都可以拖兩個鐘?! 我雖然不停咁fast forward, 但感覺上都係睇o左九年都未睇完…同埋無啦啦加插o個段胡杏兒幻想許志安扮馬國明個look+tone去表達佢對胡杏兒幾咁有誠意o個段…真係嚇到我呀!

許志安仲要不停用把低能聲學馬國明講: “講得出就要做得到…”…嘩! 好可怕呀!!! 咁樣唔係搞笑, 係嘔心囉…話佢“肉麻當有趣”都俾多佢! 真係難為阿[火羅]安堂堂最受歡迎男歌手要咁大犧牲…睇完佢扮馬國明疏o個個傻仔頭+戴個黑柜眼鏡look之後…即刻覺得馬國明原來好靚仔!



仲有, 大結局o個集有一幕係講胡諾言變番瘦去討好李詩韻…一對比之下, 發覺坊間o既評論真係講得好o岩…佢反而肥嘟嘟仲可愛好多喎! 瘦係型仔d, 但佢肥o左反而幾討好!

睇到一篇佢o既訪問, 又係講番入行十年的心路歷程…其實佢d心路歷程我以前都睇過, 但可能其他讀者唔係太了解胡仔…就post俾大家睇o下!

基本上我係ok buy佢o架, 起碼佢唱歌唔錯 (呢樣o野係佢前幾年成日上杜文蕙個港台節目“人間定格”同羅敏莊唱live我先發現, 反而佢做歌手唱“一個諾言”時, 我又真係唔係太覺佢唱得好囉! 同埋“一個諾言 胡諾言”呢d slogan…實在係太娘…搵我幫佢作嘛! 仲有唔知點解好記得第一次o係電視睇到佢係o係無線周末d音樂節目, 類似“Sunday新地帶”…o個日仲要係hku o既jupas open day, 去hku之前o係個同學屋企睇到o既…唔知點解呢個情景好深刻?! 可能因為佢plug o個隻歌叫什麼“julianna”…我當時覺得娘到爆! 事關o個時已經係1997年, 仲整首英文名做歌名o既歌…令我諗起n年前克勤隻“oh Juliet…己一千個夜”…九十年代初都覺娘啦, 何況九十年代尾?!)…做戲都ok, 做主持雖然唔算好口齒伶俐, 但起碼踏實+討好過amigo好多囉…



「落魄江湖載酒行,楚腰纖細掌中輕,十年一覺揚州夢,贏得青樓薄幸名。」
--杜牧《遣懷》

我有理由相信,如果不是胡諾言的忠心fans,或者像我一樣因爲要訪問而要做資料搜集,應該不會有太多人知道,原來胡諾言已經入行十年。

由參加卡拉OK比賽得到冠軍入行做歌手,到轉型入無做音樂節目主持,再毛遂自薦搵監製拍劇,一直都徘徊在二、三線之間,這個揚州夢,一發就是十年。

幸好不用再發十年大夢,機會已然來臨。

一個電話,胡諾言夥拍當家花旦胡杏兒,齊齊極速增肥40磅。不同的是,一個是女主角,萬千寵愛在一身;一個則仍舊是二線做大配角,默默耕耘等運到。

但對胡諾言來說,至少提供了一個上位的階梯。

或者再退一步來看,這個機會至少讓胡諾言做到了「贏得青樓薄幸名」。

訪問前我打電話去借衫影相,人家不好意思問了一句:「邊個系胡諾言?」

我答:「即系《肥田囍事》裏面?個肥仔希。」人家即時知道佢系邊個。

如果沒有《肥田囍事》,胡諾言專訪未必一個接一個,亦未必可以讓人對他留下記憶。

如果我同人哋講:「呢……即系《東張西望》個主持呀!」

對方應該會再問:「咁即系邊個?」

與容祖兒來自同一個比賽

胡諾言曾有過兩次一舉成名天下知的機會,96年他才19歲,便膽粗粗參加「Big Echo夏日回響卡拉OK大賽」,最後奪得冠軍,以爲可以做歌手,偏偏入行一年多即遇上了金融風暴,歌手夢粉碎,99年入TVB做《周末新地帶》主持,負責睇人唱歌。諷刺的是,比他早一年奪得冠軍的,是當今樂壇天後容祖兒。

問胡諾言還喜不喜歡唱歌,他想也不想就說當然喜歡,之後卻沈思了幾秒,補充說,未拍戲前真的凡事以唱歌行先,歌手就是一切。但經過多年的演員生涯,他覺得現在反而會以拍戲行先。
「拍戲真的很好玩,好像最近我正在拍新劇,劇中我是一名法國留學醫生。你想想,現實生活中,人家要讀十年八年書才可以做一個醫生,但我只需在開拍前做一些資料搜集,便一樣可以穿醫生袍過醫生癮,唱歌就不可以給我這種感覺,而這種感覺,原來是我最喜歡的。」不過胡諾言坦言,如果他有機會兼唱劇集主題曲或者插曲,應該會更加美滿,看來他始終對歌手夢不離不棄。

不敢與胡杏兒相比

七年的演員生涯,高不成低不就,以爲就此一世,胡諾言的第二個機會終於來臨,爲拍劇增肥40磅,雖不至前無古人,但在香港電視圈胡諾言應該是第一個男藝人,不過這個創舉所得來的回報卻又未如理想。

同樣姓胡,同樣爲拍劇增肥,但胡諾言卻不像胡杏兒成爲焦點。胡杏兒憑劇可以成爲無台慶「最佳女主角」大熱,可以成爲多本雜誌的封面人物,人氣急升,但有關胡諾言的報道卻少之又少,每次出現都成爲胡杏兒旁邊的陪襯品,名字必定跟隨胡杏兒之後,莫說「最佳男配角」,就算連「飛躍男藝員」大熱門、次熱門,都未輪到他。雖然不少人,包括我都替他不值,但胡諾言對此只是一笑置之。

「其實由增肥開始,一直都未想過可以憑《肥田囍事》上位。始終入行已經十年,很多事都在我預計之內。如果是六、七年前,或者我會很在意,但現在我都差不多30歲,明白自己的位置在那裏。人家(指胡杏兒)未增肥前已經是一線花旦,自己根本無得比,再加上人家一個女仔,增肥40磅,女仔不同男仔,即使我瘦不了,未必對我前途有很大影響,但你想想,如果杏兒瘦唔番的話,會有幾大件事,對她會有很大的影響,所以坊間的注意力全放在她身上是應該的。對我來說,不可以說值得與不值得,只可以說這個角色,有監製想起我已經非常好,至少讓我知道,胡諾言至少在監製的候選名單之中。」

機遇與識撈,在娛樂圈同樣重要,即使胡諾言的機遇不太如意,但因爲識撈,所以到今日仍未被人離棄。



飲增肥奶飲到想嘔

胡諾言一向注重健康,增肥前最大的娛樂就是做運動keep fit,「肥」這個字本應該離他很遠,但爲了拍劇,他首次肆無忌憚的日食夜食,本以爲增肥是一件樂事、易事,但原來實情是一件慘事。

對肚腩每年至少升一吋的筆者來說,增肥會有幾難?但對一向做開運動的胡諾言來說,增肥原來真的很難。增肥初時,晚晚收工回家就大爺般攤在家中,狂食高卡路里食物,以爲會肥得很易,怎知日子一天一天的過去,體重只是稍增六、七磅,那時他開始心慌,愈心慌壓力愈大,磅數愈難增加,最後要出動營養師幫手,在餐與餐中間,定時飲增肥奶狂穀,才得到現在拍《肥田囍事》的肥仔效果,他說:「那時真系飲奶飲到想嘔!」

說到減肥,胡諾言坦言輕鬆得多,短短兩個星期,已經有番以前八成外型,胡諾言說除了因爲有纖體公司幫手之外,有運動底子亦幫了他不少。「很多人都問我,怕不怕瘦唔番?其實我真的沒有怕過,增肥是一個人的事,孤獨地進行,沒有人可以幫到我;反而減肥時有纖體公司幫我,又有機器幫手,加上我一直都有做開運動,所以減得比較快。其實之前一直都有人說我太瘦,現在反而剛剛好,只是之前的六塊腹肌變成了『六神合體』,如果我可以再操回六塊腹肌,那就真的功德圓滿。」

家人重要過事業

胡諾言樂天知命,這種性格可以說是與生俱來,亦可以說是後天培養。小時候胡諾言家境非常窮,一家四口逼在一間房、一張床,直至父親當上消防員,搬進消防員宿舍住,生活才叫做好一點,小時候的娛樂,就是隔鐵閘看對面屋的電視,沒有物質享受的童年,反而叫胡諾言知道甚麼叫做知足常樂。

胡諾言說他凡事無所謂的性格,既是天生,亦因爲後天的生活環境而成。小時候的胡諾言很頑皮,雖然家境窮困,自己仍很少幫手做家務,由於母親管得非常嚴厲,不准他與弟弟落街玩,所以在家中一直都是食、睡及玩。直至中二那一年,只有三歲的弟弟因病入院,當時胡諾言以爲是一般病痛,沒有去理會,照樣吃喝玩樂,怎料到原來弟弟得到了遺傳病而離世,胡諾言才知道原來人類很脆弱。自此之後,胡諾言開始關注自己的家人,覺得世上沒有任何東西比家人更重要。

「好多人都覺我凡事都無所謂,其實是我認爲,很多東西就算爭到了又如何,我覺得所有事情都有它的定律,爭到了一定好嗎?爭不到就不好嗎?誰知道,我只知道如果凡事隨緣,人也活得開心一點。好像我轉做藝員初期,沒有太多人認識我,但每逢有我主持的節目,我家人都會把它錄起來。如果叫我在走紅與家人兩者中二擇其一,我一定會揀家人。

「不過不爭不代表我不進取,我都試過主動去搵監製自我介紹,那個監製就是梁材遠,而我入TVB第一套電視劇,就是他監製的《大囍之家》,所以我更加覺得,做事唔一定要爭取,但自己就一定要進取。」

減肥……真系咁易?

最近在互聯網上,有胡諾言的減肥餐單流傳,餐單是這樣的:

早餐:火腿通粉 + 凍檸茶(少甜)
午餐:半碗粟米肉粒飯 + 凍檸茶(少甜)
晚餐:15粒牛丸或魚蛋,加 菜。

這個餐單好像還算不錯,有肉、有飯、有菜更有凍飲。

訪問過後,特別再跟胡諾言核對一次,肯定正確無誤之後,體重185磅的我,於本周開始依餐單進食。

早餐,因爲未起身,可以不理。

午餐、晚餐照跟。

成效如何?未知,只知道原來一晚食15粒牛丸,感覺原來好想死。

胡諾言口中的輕鬆,對我來說卻有如走進地獄。

看來,還是增肥比較適合我。