2009年3月6日星期五

3-6(fri) “機場阿嬸”…

呢單新聞好笑…其實上個星期有朋友send o左俾我已經想post出o黎, 但係有太多其他o野要講埋先…點知今日睇蘋果就見到上埋報紙添呀…

詳情:
“YouTube 「 機 場 阿 嬸 」 500 萬 人 觀 看
國 泰 向 女 客 道 歉 處 分 偷 拍 地 勤

一 名 女 乘 客 因 遲 到 未 能 登 機 而 大 鬧 機 場 的 短 片 在 YouTube 上 熱 播 , 網 民 對 片 中 女 乘 客 不 斷 嘲 笑 , 更 封 她 為 「 機 場 阿 嬸 」 , 但 現 實 世 界 中 , 故 事 卻 有 完 全 不 同 的 結 局 。 該 女 乘 客 所 乘 搭 的 國 泰 航 空 已 向 她 道 歉 , 並 安 排 她 下 次 再 乘 搭 國 泰 航 班 時 將 座 位 提 升 至 商 務 客 艙 作 為 補 償 ; 以 手 機 拍 攝 該 短 片 的 國 泰 地 勤 人 員 , 則 被 紀 律 處 分 。”

其實佢o係公眾地方大吵大嚷, 有人拍低佢又點算係侵犯私癮呢…不過可能國泰收到投訴, 又發現係地勤人員拍, 就扮o下o野做o野咁啦…

阿auntie, 其實miss o左班飛機又洗唔洗咁激動呢? 仲細咩…lur地?



之後呢兩段係森美佢o地扮呢位auntie話走o左架[車立]同埋沖唔到廁所…不過其實唔係太好笑, 原裝版本惹笑好多!





同埋, 尋晚睇晚間新聞居然見到播放阿嬌上志雲焗飯接受訪問o既片段…原來六點半新聞都有…你話舊年“藝人閃卡”o個件事上新聞我都可以理解呀, 但我唔係好明點解阿嬌上志雲焗飯講番呢件事都可以上新聞…真係匪夷所思! 你要宣傳節目其實可以有更好o既方法, 咁樣未免太肉酸, 同埋令人覺得好inappropriate, 咪更加反感...今次呢招錯晒!

其實前晚用好大篇幅去播番關楚耀同衛詩舊年出席禁毒SHOW做禁毒太使都有d少怪…咁當然呢個都有少少relevance, 但自從無綫新聞加o左好多軟性料同花邊新聞之後, 有人覺得得意o左, 我本人就覺得怪o左…好似無咁專業, not my cup of tea囉!

仲有, 阿jill單新聞見到個Amusic總經理出o黎講o野, 唔知點解我覺得佢講得字正腔圓到太dj feel…點知之後就睇到報導話原來佢就係商台個dj阿喱 (雖然其實我唔係太識佢係)…


Amusic 昨 日 就 衞 詩 在 日 本 涉 嫌 藏 毒 被 捕 一 事 舉 行 記 者 會 , 當 中 由 衞 詩 的 唱 片 公 司 發 言 人 張 家 豐 , 以 公 司 總 經 理 身 份 交 代 事 件 。 現 年 26 歲 的 張 家 豐 , 大 學 畢 業 後 加 入 商 台 , 以 藝 名 「 阿 喱 」 主 持 節 目 《 空 中 喱 民 》 、 《 有 耳 喱 民 》 及 去 年 與 吳 君 如 合 作 主 持 《 嘩 ! 嘩 ! 嘩 ! 打 到 o黎! 》 等 節 目 , 據 知 吳 君 如 不 滿 阿 喱 在 節 目 中 的 表 現 , 故 於 去 年 11 月 更 換 主 持 , 改 由 王 貽 興 及 阮 子 健 頂 上 。 其 後 阿 喱 有 感 意 興 闌 珊 , 故 決 定 離 開 商 台 , 轉 投 Amusic 。


嘩, 原來唔同裝扮真係可以變成第二個人, 睇番佢以前d相, 係同阿leo, donald o個d差唔多style, 但今次咁出o黎又真係幾總經理喎…仲要原來佢只係得26歲, 但我想問, 點解Amusic會搵佢做總經理呢…..? 真係一個謎!

仲有其實我想講, 佢o地同唔同阿jill終止合約都咩分別…根本如果唔係呢件事, 都無人識佢兩個…已經唔紅仲要唔努力又唔潔身自愛…真係唔知想點? 世上原來真係有好多人比我更廢…哎!