2-4(mon) $12,000 + 89亞姐決賽

嘩! 唔睇你真係走寶!!! 上星期推介o既多年來最精彩亞姐選舉…堅係好睇! 如果你話86利智o個屆好睇在搞笑, 創新, 騎呢…呢屆就真係高質素…無論係佳麗質素定係製作質素…拍得住八十年代的無綫大show…仲要好豐富娛樂性…同埋有哥哥做評判暨表演嘉賓…真係想點?! 呢屆真係亞姐盛世…勁過港姐好多! 之後90同91都ok…95就爆笑…後來無以為繼!


(仲有我想話…十郎當年幾靚仔!)

今次成個production都好得…每一part製作都好認真…直頭有grand的感覺! 仲要d佳麗堅係靚…我記得當年d報紙都已經係話呢屆亞姐超越晒d港姐! 依家睇番…決賽有一半佳麗到依家仲o翕得出名, 最後五強全部都仲做緊呢行…出名過晒d港姐!

翁虹, 萬綺雯, 趙靜儀, 伍詠薇, 袁潔儀, 仲有當時叫張敏儀的張睿玲…同埋兩位90年代初拍好多亞視劇的鄉音佳麗陳珩同李其鈞…我記得當年睇亞視d劇一見李其鈞講嘢就想笑…佢好funny! 仲有90年的周弘!



我係咁多年o黎都唔明伍姑娘點解會輸啫?! 佢個”河水不犯井水論”真係令人拍案叫絕…當然我相信一定係有prep定…但你話佢prep咗可以諗到呢d即場又答得咁好…都抵佢啦! 君不見好多佳麗上到台會發台瘟到連自己個名都o翕唔出! 但你話佢廿歲己經咁, 老江湖得滯…我係同意o既…俾另一大熱翁虹攞冠軍我亦唔覺太出奇…但伍姑娘無可能三甲不入呀嘛? 趙靜儀咁都可以o係咁多強敵之下攞到第三, 又係咁多年都令人摸不著頭腦! 24年來真係從來無覺得佢有丁點靚過…同埋佢形象未免太騎呢…最深刻係佢永遠[查]唇膏都[查]出界, 同埋佢單“LV店重開日冇份去Party 趙靜儀500件珍藏賤賣洩憤”新聞上到一日c1頭條!

伍姑娘當年點解三甲不入…真係永遠係一個謎! 有咩可能有得輸?



至於當選之後成日以孖妹形象示人o既萬二蚊同潔儀姐姐, 當年形象同身型的確有d似…同埋兩個都係選完被捧去拍亞視青春劇…又的確係啱晒! 兩個當年講嘢都好似bb女咁! 潔儀姐姐好搞笑, 好怕羞, 好呆, 好木…但o個時佢o既形象係討好o既! 而萬二蚊雖然都係bb聲, 但你睇得出佢係醒目o個隻…同埋佢真係一部發電機…笑得好sweet…確會冧死仔! 我係女都俾佢冧到!

再睇番24年後o既萬二蚊…係另一種韻味…你話佢十分靚又唔係, 但真係好有觀眾緣o個隻…有d人係只會男仔鍾意或女仔鍾意, 但佢呢隻style係男女都會buy! 四十幾歲可以keep成咁…真係夫復何求?!

18歲vs42歲嘅萬二蚊一樣咁靚, 而我更喜歡脫了稚氣同bb聲嘅後者!



近期睇到呢篇$12,000的訪問…佢呢隻隨緣態度又的確係人生應抱的態度…呢個世界從來都係你唔去爭, d嘢反而會埋o黎搵你…你刻意去爭餐死, 往往都係得個吉…正如佢講: “當timing、所有東西對的時候，你自然會過去。”…



豪語錄  賞味期限　萬綺雯
2013年01月17日

日本的罐頭都印有「賞味期限」的字樣，「賞味期限」意思是過了這個期限，不表示食物變壞要丟棄，只是過了它最好的食用時間。

每樣東西都有它的「賞味期限」，亞洲小姐，過期已久，而且變壞變質，「撈」味十足；馬小玲，雖已過期，但未至於發黴變壞，入唔到口；穿起旗袍的萬綺雯令我想起她曾經是亞洲小姐，看見她那雙足有四十二吋的長腿令我想起《我和殭屍有個約會》的馬小玲，如今倚著梳化椅、擺著甫士的這個萬綺雯，你可以詮釋為風情萬種、亦可認為純粹擺靚甫士影靚相，我不知道她是什麼味，我只知她仍在「賞味期限」之中，依然可供食用。

不是要搞是搞非搞屎棍，只是同是亞洲小姐出身、曾經同是亞視花旦、又在差不多的時間過檔無綫，怎麼可能不將陳煒跟萬綺雯比較？論待遇，陳煒在《金枝慾孽貳》一集死、《法網追擊》幾集戲份要剝又要嘴，萬綺雯在《老表，你好嘢》、《好心作怪》都是女主角，一比○；論狀態，陳煒結婚後做足四年煮飯婆，養尊處優， keep得好是理所當然，萬綺雯早前拍劇廿三吋腰，現在自言「肥咗」廿四吋，二人旗鼓相當，但四十二歲的萬綺雯比陳煒大三年，直落二比○。

不過話說回來，原來萬綺雯自八九年當選亞姐亞軍後，只是頭兩年簽基本藝員合約，之後廿多年多都是部頭約，開工半年休息半年，她也自言很「悠」，計番條數，其實只是打個平手，「那時算是亞視輝煌的年代，頭兩年已經拍了很多劇集，令身體變差，兩次肝炎、貧血、血壓低，身體實在吃力，於是跟公司說不做。然後便發律師信，後來公司便轉我部頭約，一年拍兩部劇，加雙倍人工。」

一直傳聞亞視好 pay，萬綺雯坦言那些年的亞視，基本上所有的藝員都爆騷，她是當家花旦，月薪由十萬起跳，對於廿多歲的她來說，又怎會捨得走？但最主要原因是每個人當她是女般呵護，「每次《我和殭屍有個約會》一出， TVB都會找我，傾的時候有心動過，但當時亞視每個人都當我是女，對我很好，走去邊？走嚟做乜？」加上每次亞視總以出 trip來吸引她，「他們會說：『今次會去法國拍呀。』又或者『這次要去日本啊，阿蚊。』」其次是性格使然，她害怕陌生環境、害怕接觸陌生人，「從小到大，我都喜歡一個比較熟悉的環境、有安全感的地方，我好不容易熟悉所有人，當得到人認同、睇好的時候，你叫我去一個新的環境，對我一個冇膽鬼來說，真的不容易。而且我覺得只要做得好，真的想用你的人會繼續找你，我很相信緣份，當 timing、所有東西對的時候，你自然會過去。」

陌生人

過檔無綫，她坦言大台有資源、機會多，「最主要是他們每年有很多製作，我真的有很多新嘗試、可以做不同角色、有很多機會可以把握。」但畢竟萬綺雯飲亞視奶大，要她看看現在由王征揸旗的亞視，實在是慘不忍睹，她苦笑：「我真的覺得有點怪，一間電視台所做的製作、拍的戲等，應該是讓觀眾開心、是陪伴觀眾一起成長，這個才是最重要，它現在所做的我不了解，所以……哈哈。」她說現在對亞視的感覺只是陌生人，「這個『人』是我一個認識多年的老朋友，我們一起經 歴過很多，起起跌跌，後來因為某種原因大家少見面，然後各有各忙，今日再望回這個『人』，他給我的感覺、行事作風，已經不是我以前認識的 best friend，只是一個同名同姓的『人』，我要對他有什麼感覺？」

除了在政總門外跳騎馬舞、強制藝員上洗腦班，早前亞姐冠軍馮雪冰更爆要出席飯局，陪食陪飲，萬綺雯說當年她選完亞姐後，亦曾收過飯局電話，「他的開場白是：『有人想請你去 private party。』我說我唔得，我唔會去食這些飯。」除了飯局，當年三級片「橫行」，不少亞姐葉玉卿、翁虹、邱月清等都走去脫一番，萬綺雯亦是片商目標之一，更以過百萬片酬利誘，「他們會說：『我們可以 over七位數字，你想幾多？』我說：『我唔得㗎，我好驚㗎！』他們又說：『我們可以拍得很靚，你話俾我聽你的底線？』我話我泳衣都唔得㗎喎，哈哈。」

在元朗長大的萬綺雯，在中華基督教會基元中學中五畢業後，一心想當空姐，後來在儷都婚紗客串 model影相，被當時的亞姐形象總監劉娟娟看中邀她參加亞姐。中五時父母離婚，但其實父母在她小學時感情已經不好，「拗撬比較多……爸爸會拿家用回家，但因為爸爸喜歡飲酒，可能因為飲酒而闖很多禍，簡單來說，飲酒揸車撞爛人家的車，要賠錢嘛……」

所有感情愈走愈遠，　整個家庭氣氛是不開心……

一提到父母關係，一直說話爽直的她，說著說著便哽咽起來，眼睛也紅了，她說她不知道是否因為飲酒而離婚，「我覺得是裂痕愈來愈深，一次兩次、一年兩年，到三五七年……一開始時沒有補救，亦沒有空補救，因為媽咪要打三份工，爸爸又要工作，怎樣補救呢？慢慢所有感覺、所有感情愈走愈遠，之後便是責任，他有責任回來，但不開心……整個家庭氣氛是不開心……」幸好母親有七兄弟姊妹，每個星期她都會到婆婆公公家玩，她說她只會記著開心的事，我說她這個選擇性失憶是逃避，「既然離婚後媽咪會開心，那就好啦，我覺得起碼有一個人開心。我不會怪我爸爸，只覺得……他可能選了一個逃避的方法面對這個世界……」隨後，她又立即氹自己開心，「我爸爸乃是一個好人，他只是不知道用什麼方法去紓緩情緒吧，他很靚仔的啊！以前做警察時是打籃球的呢！」

最細

雖然父母婚姻失敗，但沒有令她對結婚留下陰影，不過她與陳十三（原名陳耀輝）的閃婚又確是「估你唔到」，「我們在《我和殭屍有個約會 2》的慶功上聊了一整晚，然後拍拖七日便決定結婚。那天晚上已經覺得是他，就是這樣，沒有什麼要考慮。」結婚十三年，他們以朋友方式相處，平時有事沒事都可以玩一餐、笑一餐。但每當有爭拗時，總有一方自動收口，最重要是第二日當沒事發生，「以前拍拖鬧交鬧得很盡，不過通常是對方，但你樣樣攻擊我最痛的事情，我當然會還擊，總之大家互數！現在當然不會，當兩個人還要多對廿幾卅年的時候，一句說話有多重呢？只不過是衝口而出。」

自言是大細路的萬綺雯坦言很喜歡小朋友，而且一直有調理身子準備生 B，去年曾說過「兩年計劃」，但現在說順其自然，「曾幾何時都很想生，每隔一段時間都會問老公：『老公我想生呀、老公我想要個 BB。』他會說：『搞好身體，你想生咪生囉。』他都知道控制不到，一定生到的嗎？真的要看你的命。但另一方面，不生的話，那麼不就是永遠我最細嗎？哈哈。」

脫咗

廿年前百萬片酬都不肯脫，不過三年前萬綺雯卻脫得輕鬆。

話說訪問當日橫看豎看萬綺雯總是怪怪的，看真點，原來她嘴角少了那顆招牌癦！

問她原因，她笑著說：「你係第一個記者問，哈哈。 好多次出 event，都會有人埋嚟問、指住問我粒癦，又話好 sexy又這又那，有啲人仲哄到好埋嚟睇，真係哄到好埋㗎！

我有一日突然之間覺得好煩，跟住有日去脫面上其他癦嘅時候，我打俾老公話想脫咗佢，佢話：『你想咪脫囉。』就係咁就脫咗。」



(嘩…萬綺雯個妹…有佢咁靚喎!)

哈哈…唔講我又真係無留意佢脫咗粒墨…作為一個殭屍暨萬二蚊fans…真係sorry!

延伸閱讀:

潔儀姐姐

伍詠薇的傳奇前半生

仲有, 歲月留聲台可唔可以唔好咁快重播“亞洲星光大道”? 一d都唔經典! 仲要最抵死係連佢個代表人物羅力威都過埋tvb, 攞景咩?