2009年9月14日星期一

9-14(mon) 星光熠熠耀保良2009

上個禮拜五深夜終於有機會睇o左一集“愛者有其屋”…哈哈…又的確係同我印象中的好睇程度差好遠…十幾年前o既我, 同今日o既我睇o野的確有好大分別…不過, 雖則同我印象中有d出入, 但我依然想睇番…miss o左頭兩集…youtube, 土豆, 百度又搵唔到, 真係令人好沮喪!

葉靖怡個樣係幾可愛, 但蔡濟文個白面書生樣又真係…同埋, 佢唱歌真係好過做戲好多…係好多好多o個隻! 佢隻“say yes”真係好好聽, 但我又係o係youtube搵唔到!

過o左去o既weekend o係追劇方面有好大“躍進”…終於差唔多睇晒"絕代商驕"喇…真係幾好睇, 係近期最得o既一套劇! 真係有內容, 有得俾你思考, 仲要有笑有淚! 中段最精彩…最尾幾集反而無咁好睇! 有位朋友講得o岩, 佢呢套劇特別 (or優勝) 之處係佢無咩情情塔塔橋段…淨係最尾幾集先有少少…咁反而幾好睇囉! 麥提爽同三水妹講生意策略好睇過佢o地談情說愛好多…o個d咩“hea做”, "虛應","陪笑", 仲有“謝師宴”搞到好似“接新娘”o個幾集都好好笑!



今年o既“星光熠熠耀保良”都算幾唔錯…係呢幾年o黎比較好睇o既一次! 對上一次我覺得幾好睇o既應該係2005年…無錯, 我真係好buy中基同千嬅呢一對…你由得我吧啦…!

今年最精彩o個part當然係祖藍同薛海琪o既“扭扭belly make money”…好有節奏感, 睇得人好興奮! 同埋祖藍又真係掌握得幾好喎!


(扭扭belly make money @ 星光熠熠耀保良2009)

仲有徐子珊lead住o個班女子跳舞都ok! 仲有千嬅同kelly呢…kelly唱番”星夢情真”幾好呀, 10幾年無聽過咁滯…令人回憶起中學年代! 佢d舊歌真係得過新歌喎…同埋”星夢情真”我一向都好鍾意!

仲有陳奕迅同Mr.合唱“如果我是陳奕迅”都唔錯呢! 呢首歌幾有gimmick, 仲要幾好聽+幾好唱呀! 應該可以再hit d添!