12-11(sun) 歡樂滿東華2005

好好醜醜, 都要講一講一年一度o既“歡樂滿東華”! 講真, 我覺得好睇過今年台慶好多喎…至少壓軸o既 “全台藝員卡拉之星大唱遊”已經娛樂性高百倍…拉高晒d分數! 簡直係全年最精彩o既節目…如果大家錯過o左…I feel so sorry for you! 上now.com睇番啦!

基本上除o左呢一part, 都無咩邊part係worth talking about…近幾年已經無o左楊盼盼表演d驚險節目…兩年前我提議佢去爬當時新落成o既ifc2佢又唔爬…sai晒! 今次轉而搵yumiko“行落”電視城再跳兩o下舞…都幾驚險o既, 不過唔夠楊盼盼爬落山咁激!

今次連湯盈盈扮李笑好都有得表演番part, 佢呢期真係有運行! 仲有李克勤同楊千嬅o個part急口令歌, 真係明玩呀千嬅…呢d明顯係克勤o既強項+千嬅o既弱項…唔好玩啦!

同埋, 我一向好欣賞o既曾志偉真係幾好笑o下…話說祥哥個女小艾話聽到有個前主席唱祥哥o既首本名曲覺得好感動, 話連同d兄弟姊妹一齊捐十萬俾東華, 咁阿肥姐就o翕佢o地四兄妹 “兆尊兆榮翠玉碧玉”個名出o黎…跟住曾志偉好抵死咁話: 咩翠玉碧玉邊個o黎o架?! 肥姐就沒好氣地說:“咪小艾同佢個妹囉!”

更抵死o個part係吳日言, 鄭融同戴夢夢要一齊坐入個箱度再kum蓋, 志偉居然o係kum蓋之前話: “係時候叫d屬牛屬羊o既拎meh面喇!”真係好賤格, 但我忍唔住笑o左出o黎…唔係人人都可以講o野咁賤格而又唔會得罪人…窒人真係一個好高o既學問…我要向佢學習!

仲有, 鄭嘉穎幾時變o左王賢誌表哥o架? 一路以為鄭嘉穎得32歲倒…明明當年佢同王馨平拍拖講到好“忘年”咁o架嘛, 話王馨平原來已經26 (作為一個初出道o既玉女歌手, 確係有d一把年紀), 鄭嘉穎好似就21咁啦…咁依家10年後, 都應該只係30出頭…但無啦啦發現佢係vinci個表哥, 而vinci又話已經35…咁鄭嘉穎即係幾大呢?! 原來佢又係另一個曹永廉!

(ok, 芒姐冷知識又o黎喇…o岩o岩search到, 原來鄭嘉穎o既出生日期係1969年8月15日, 而王馨平係1968年8月5日…只差一年…咁請問有幾“忘年”呢?!)

(仲有另一段新聞: 前晚王賢誌與向海嵐組隊出現，原來兩人是表姨甥關係！王賢誌笑說：「係呀，向海嵐係我表姨，不過佢年紀細過我！雖然我地識左好多年，不過近年先揭穿係親戚關係，世界真係細！」王賢誌除有個港姐表姨，原來鄭嘉穎是他表哥，認真「估佢唔到」！)

(芒姐註: 點解會“識左好多年，不過近年先揭穿係親戚關係”? 咁o既事都會發生咁奇怪o既?!)

但係唔明點解歐錦棠都有得做主持…反而呢期最當紅o既amigo居然無份?! 係咪上年個“食水餃”環節數錯水餃今年唔俾佢做?! 不過話時話, 如果唔係有上年“水餃事件”俾肥姐鬧兩鬧…佢都無咁紅 (呢part亦係上年東華除o左“卡拉之星”之外, 最有娛樂性o既環節)…一年之內, 佢多o左幾多show做呀? 今年無線邊個最多show? …一定係崔建邦!

同埋我想講: 今年個主席都幾溫文有禮o下…就算佢係扮出o黎, 至少都感覺良好呀! 個主席今年不停咁加碼, 夾夾埋埋咪勸o左成千萬? 究竟要有幾多錢先可以做主席/總理呀? 今年籌到咁多錢…下年個主席咪好難搞?!

仲有, 好鍾意戴夢夢o個隻“全靠你教我[手查]車使我壯闊一些”…呢隻咁o既“駕駛學院”歌真係好騎呢!…唔知卡拉ok有無得唱呢? 仲有, 鄧詠芝首新歌“紀念”都幾好聽!

講住咁多先…“全台藝員卡拉之星大唱遊”呢個咁精彩o既環節, 一定要有個獨立o既entry講…否則突顯唔到佢o既重要性!