1-9(tues) 06叱咜

有人問我點解今年無講叱咤? 哈哈…除o左因為上唔到網同埋俾post -holiday syndrome纏繞住個人無晒mood之外, 因為叱咤其實都無咩o野好講…唔係話佢唔好睇, 而且佢更加係一個最識搞氣氛同埋搞煽情位o既最“好睇”頒獎禮…但係其實你睇得多幾年都會捉到晒佢o個套模式…o係有驚喜之中帶點無驚喜…我都唔知自己講咩添!

既然朋友叫到, 咁我都循例講o下啦…基本上我都好高興見到hocc拿女歌手金獎, 佢應得o既…同埋商台不嬲都ok buy佢+唔buy容joey, 所以呢個賽果並不意外! 意外d o既可能係千fa得我最喜愛女歌手, 事前人人都諗住佢食白果o架嘛…不過商台不嬲最鍾意搞呢d o野! 記得sammi都無啦啦o係01年得到我最喜愛, 事前完全無人估到…加上商台由千嬅一出道已經係非常撐佢o個d, 自己人點都要幫o下手o既! 好似當年o既商台家嫂彭bell咁… 商台一定力撐一眾“商台之友”o既!

商台一向有佢一套頒獎模式…每年都好似一個保險從業員聚會咁, o翕o下d slogan, 再幫眾人思想改造o下…呢個議題都探討過好多次…年年叱咤都講一次, 為免太重覆, 都係refer番大家去d舊entries:

每年extract左一d出o黎, 如果要睇足本, 請自行click入去啦…

2006:

“一月一日, 仲係每年一度o既叱咤頒獎禮…以前我會視之為其中一大盛事, 特登留o係屋企聽; 尤其中學時期, 試過全晚掛住聽, 搞到12點播完先開始溫第二日o既測驗! 但係, 呢幾年已經對叱咤失去大部份興趣, 只當佢係一個普通頒獎禮 (好睇過新城o個個豬肉頒獎禮少少啦)…睇就依然會睇o既, 但係只係當一個普通show咁錄起o黎睇…今年仲幾乎唔記得o左添!

叱咤賽果, 我已經無興趣再去analyse, 有幾咁公平公開公正, 大家心裡有數…幾年前我已經講過我o既觀感, 今年唔打算再講! 但我依然對商台“吹眠”佢d聽眾/擁蠆o既能力感到很impressed…每年都整句好似保險公司口號o既slogan, 跟住d人講o既o野又係一貫商台o既“吹眠”口脗, 佢o地鍾意o既歌手就將佢捧到上天, 唔鍾意o個d, 你幾紅都唔會有獎…! 同埋所謂現場投票…去得現場o既都係商台fans, 長久受佢o既“教育”, 投出d“出人意表”o既結果亦不足為奇!

但係我又唔係話佢o地咁樣唔o岩喎, 佢講到明係計播放率, 即係佢d DJ鍾意邊個咪邊個得獎囉…講到明個遊戲規則, 你唔鍾意咪唔好玩囉…真係無呃你, 係公平公正公開喎…o係佢個standard o黎講! 所以o係叱咤會出現at17拿"我最喜愛組合”, “我”as in“商台”…我唔覺得係造馬, 因為商台d fans, 唔會係吹捧twins o個d…同埋佢無話呢個係“全香港”最受歡迎獎呀…係“我”最喜愛之嘛, 所以都好合理!”

2005:

““叱咤”亦一如以往地懶煽情, 我諗如果d歌星今年唔夠激動, 下年都唔洗旨意可以得獎! 最欣賞係克勤o係古巨基喊到豬頭時露出鄙視o既神色…好抵死! 果然係寸, 但佢依家寸得起呀! 有性格…我鍾意! 不過我亦不得不佩服商台堆人o既說話+煽情技巧, 一日到晚o係度巧立名目, 牽動情緒…佢o地唔去做保險真係o徙o左!

以前細個曾經一度以為“叱咤”真係最公平公開公正o既頒獎禮…當時我真係年少無知…其實呢個世界又邊有公平o架呀…天下o既烏鴉一樣黑! 可能當時覺得佢o既賽果最另類, 又懶係有佢一套評分機制, 仲要現場唱票添…好似好公平咁! 其實所有頒獎禮都只係一場遊戲!”

2004:

“前晚都一如以往咁好落力又聽又睇“叱咤”…聽o下佢o地點樣吹眠d聽眾同埋煽動d歌手o既情緒都好呀…當然我絕對相信有一大部份o既歌手係演緊戲! 仲有梗係唔少得要聽o下俞琤o既一番“肺腑之言”啦…每次都會感動落淚…係笑到喊o個隻!

其實我好懷疑喊可能係o係叱咤得獎o既其中一個pre condition, 如果喊唔出o既, o係日後會被收番個獎, 又或者下年唔洗再見! 但係有d又真係喊得好核突, 好over囉~!”

…唔好誤會, 其實我都pro叱咤o架, 畢竟佢都係一個幾好睇o既show, 同埋我都曾經係一個叱咤fans…以前細個真係好希望可以拿到飛入場睇, 佢呢一招唔公開賣飛真係一個好好o既tactic…好囂張, 令人更加想睇! 我都係因為佢而申請o左第一張信用卡(manhattan id), 因為可以儲分換飛…好鬼死矜貴咁! 仲有o個張903 id card…我真係好記得我當年收到佢寄到o黎我屋企o既時候, 一邊溫習會考一邊開心o左一整個下午!

講番個頒獎禮…“愛得太遲”係應該得至尊金曲o既…真係幾好聽, d歌詞幾有意思o下, 雖然就通俗o左d, 有d似許冠傑d詞咁…哈! 但係sorry, o個隻咩“小峽谷之1234”…我真係o係呢個頒獎禮之前都未聽過囉…不過相信商台d擁蠆應該聽過無數次!

最後我想問: 究竟華仔同克勤分別得罪o左商台d咩呢?