2006年1月6日星期五

1-6(fri) “情陷夜中環”結局篇之好戲之人

我最喜愛o既“情陷夜中環”, 今個禮拜終於大結局喇 (個ending仲幾奇怪, 懶輕鬆o個隻添)! 呢套都完埋, 我可以回復自由, 唔洗再追任何一套戲!

結局篇劇情變得好牽強, 由黃浩然忽然懶係奸起上o黎開始, 就好唔掂! 第一係劇情唔掂, 第二係演員o既演技超唔掂! 星島個視評朱樂言真係講得好o岩, 佢話黃浩然平時連d忠忠直直o既角色都未做得好, 點可以叫佢做更高難度o既奸角呀?! Bingo!!! 完全係吃力不討好, 唔講都唔知佢做緊奸角, 唔係淨係整d懶奸o既樣出o黎就得o架?! 連最尾o個集做一個半身不遂o既人都做得差過人…一日眼仔碌碌咁, 都唔知想點?!

同埋佢個角色簡直係最蠢o既奸人, 一個好容易俾人呃o既奸人! 明知葉璇忽然去番佢身邊係有目的, 咁到俾佢呃到? 可能佢個角色真係好鍾意沈思晨…但係之前又唔覺佢咁癡情喎, 真係唔知想點? 邊有d咁蠢o既奸人o架?

o係“幫理不幫親”o既原則下, even我“最喜愛”o既葉璇, o係呢幾集d戲都忽然好屎! 可能要佢做呢d咁高難度o既“奸角”, 真係未夠班! 一日整係識懶猙獰咁瞪大隻眼…仲有好dum心時o既樣都好?膽…點解會咁o架?! 咁真係“本草”o個種角色o岩佢好多, 做得自然好多! 連一向以為有演技o既谷祖琳, 除o左o係呢套戲?面特別樣衰之外, 亦都做得勁差!

呢幾集真係好唔“law直”囉! 仲要葉璇同林韋辰都不停強調“我以前係律師o黎o架”…咁又點呀?食飯唔洗俾錢o架?! 原來大家真係覺得律師係咁威, 無線亞視兩線劇都sell律師, 仲要d人真係好引以為榮…可能我真係“生在福中不知福”!

最慘o既當然係最終葉璇要為林韋辰自殺啦…真係好可憐! 仲要俾個林韋辰做全劇最忠, 最正氣o既角色, 真係唔該晒! 今個禮拜10點線居然兩台都有佢…o係無線o個套陳年倉底貨“謎情家族”, 佢一貫地做d三線配角…點知一返亞視, 又俾佢做男主角, 仲要係主角中o既主角…但我真係好唔buy佢! 見佢懶有型o既樣, 我打o左十個冷震! 我寧願睇阿照…雖然佢鍾意偷食芒果…!

終於發現四哥真係全劇中最有演技o既一個…果然係薑愈老愈辣! 做o左幾十年確係有d料到…中o左風之後d演技確係同d後生無得比…尤其d後生o既表現如上文提及咁“好”o既時候! 同埋中o左風o既四哥終於肯除眼鏡喇, 個樣真係好老好殘…原來佢一直都咁用心良苦, 要到中o左風先肯除眼鏡o黎個contrast…很好呀!

聽日係我o既“最愛”劉金金admission o既大喜日子, 2006年第一個batch…勁呀! 發覺年頭真係無咩人admit o架喎, 聽日得五個; 聖誕o個期仲少, 12月24號好似只得兩個! 好彩我當初都揀到個好日, 無線台慶…確係最襯我o既日子! 呢個日子, 唔荒大家會忘記…仲要每年都有全台最紅o既藝人同我慶祝, 切合晒我“電視精”o既身份!